لوقا 17

باغیشلاما و ایمان باراداقی

1عیسی شَگیرتلِرینه شِیله دییدی:‏ ‏«‏آداملاری گونَه دوچار اِدیَن زاتلارینگ گِلجِکدیگی حُکماندیر، اِمّا بو زاتلارینگ گِلمِگینه یاردیم بِریَن آدامینگ وای گونونه!‏ 2مانگا اینانیان کیچی چاغالارینگ بیرینینگ گونَه اِتمِگینه سِبَپ بُلانیندان، بُینوندان بیر دِگیرمِن داشی آسیپ، دِریایا زینگیلماغی اُنونگ اوچین خاص قاوی بُلار.‏ 3خاباردار بُلونگ!‏

‏«‏اِگِر دُغانینگ گونَه اِتسه، اُنگا کَیه.‏ اِگِر اُل توبا اِتسه، اُنی باغیشلا.‏ 4اُل سانگا قارشی گونده یِدی گِزِک گونَه اِدیپ، یِدی گِزِک هِم یانینگا گِلیپ:‏ ‏”‏توبا اِدیَرین!‏“‏ دییسه، اُنی باغیشلا.‏»‏

5رِسول‍لار عیسایا:‏ ‏«‏بیزینگ ایمانیمیزی آرتدیر!‏»‏ دییدیلِر.‏ 6عیسی شِیله دییدی:‏ ‏«‏اِگِر سیزینگ بیر خَردِل دَنه‌سی یالی ایمانینگیز بُلوپ، شو توت باغینا:‏ ‏”‏بو یِردِن قُپاریل-دا، دِریادا گُگِر!‏“‏ دییسِنگیز، اُل سیزه قولاق آسار.‏

7‏«‏آیدایلی، سیزینگ یِر سوریَن یا-دا چُپانچیلیق اِدیَن خیدماتکَرینگیز بار.‏ اُل مِیداندان گِلِنده، سیزینگ هایسینگیز اُنگا:‏ ‏”‏باسیم گِل-ده، ساچاق باشیندا اُتور“‏ دییِرسینگیز؟ 8قایتام، اُنگا:‏ ‏”‏مِنینگ آغشاملیغیمی تاییارلا، بیلینگی قوشا-دا، اییّپ-ایچیَنچَم، مانگا خیدمات اِت، اُزونگ سُنگرا اییّپ-ایچِرسینگ“‏ دییمِزمی؟ 9دِستورلارینی بِرجای اِدِنی اوچین، اُل خیدماتکَره مینِّتدارلیق بیلدیرِرمی؟ 10سیز هِم اُزونگیزه بِرلِن دِستورلارینگ هِمّه زادی بِرجای اِدِنینگیزدِن سُنگ:‏ ‏”‏بیز هِم یُنه بیر خیدماتکَردیریس، دینگه اُزومیزه بِرلِن دِستورلارینی یِرینه یِتیردیک“‏ دییّنگ.‏»‏

عیسی اُن سانی جُزامینی شِفا بِریَر

11عیسی سامِره بیلِن جلیل‌ینگ ایچیندِن اورشلیمه طاراف گیتدی.‏ 12‏-13اُل اُبالارینگ بیرینه گیرِنده، اُنگا بِدِنی جُزامینا دوچار بُلان اُن آدام ساتاشدی.‏ اُلار اوزاقدا دوروپ، قاتی سِس بیلِن:‏ ‏«‏اِی عیسی!‏ اُستاد، بیزه رِحم اِت!‏»‏ دییدیلِر.‏ 14عیسی اُلاری گُروپ:‏ ‏«‏بارینگ، کاهینلارا گُرنونگ»‏ دییدی.‏ اُلار یُلداقالار جُزامدان پَک بُلدیلار.‏ 15اُلارینگ بیری شِفا تاپانینی گُروپ، قاتی سِس بیلِن خودایی اُووپ، ایزینا اُورولدی.‏ 16اُل عیسانینگ آیاقلارینا ییقیلیپ، اُنگا مینِّتدارلیق بیلدیردی.‏ بو آدام سامِره‌لیدی.‏ 17عیسی:‏ ‏«‏جُزامدان پَک بُلان اُن کیشی دَلمیدی؟ قالان دُقوز آدام نیرِده؟ 18خودایی شوکور اِتمِک اوچین بو بیگانه‌دِن باشغا هیچ کیم ایزینا اُورولمِدیمی؟»‏ دییّپ سُرادی.‏ 19سُنگرا اُنگا:‏ ‏«‏تور، گیدیبِر، ایمانینگ سِنی شِفا بِردی»‏ دییدی.‏

خودایینگ پادیشاهلیغینینگ گِلشی

مَتّیٰ ۲۴‏:۲۳‏-۲۸، ۳۷‏-۴۱

20بیر گون فَریسی‌لِر عیسادان خودایینگ پادیشاهلیغینینگ هاچان گِلجِکدیگینی سُرانلاریندا، اُل:‏ ‏«‏خودایینگ پادیشاهلیغی گُزه گُرنوپ گِلمِز.‏ 21آداملار:‏ ‏”‏اینه، بو یِرده!‏“‏ یا-دا ‏”‏حُنّا، اُل یِرده!‏“‏ دییمِزلِر، سِبَبی خودایینگ پادیشاهلیغی سیزینگ ایچینگیزدِدیر»‏ دییّپ جُغاپ بِردی.‏

22سُنگرا عیسی شَگیرتلِرینه شِیله دییدی:‏ ‏«‏اینسان اُغلونینگ گونلِریندِن بیرینی گُرمِگی کویسِجِک واقتینگیز گِلِر، اِمّا اُل گونی گُرمِرسینگیز.‏ 23آداملار سیزه:‏ ‏”‏اینه، اینسان اُغلی شو یِرده!‏“‏ یا-دا ‏”‏حُنّا، اُل یِرده!‏“‏ دییِرلِر.‏ اِمّا گیتمَنگ، اُلارینگ ایزینا دوشمَنگ!‏ 24ییلدیریم آسمانینگ بیر اوجوندان چاقیپ، بِیلِکی بیر اوجونی نَهیلی یاغتیلدیان بُلسا، اینسان اُغلی هِم اُز گونونده شِیله بُلار.‏ 25اِمّا اُل اُوونچَک کَن عاذاپ گُرمِلی، بو نِسل طارافیندان رِد اِدیلمِلیدیر.‏

26‏«‏نوحونگ زامانیندا یاشاییش نَهیلی بُلان بُلسا، اینسان اُغلونینگ گِلشی-ده شِیله بُلار.‏ 27نوح کِشتییَه مینِن گونونه چِنلی و سیل گِلمِدِن اُوال، آداملار اییّپ-ایچیپ، اُیلِنیپ، نیکاح اِدیَردیلِر.‏ سُنگرا اولی سیل گِلیپ، بارینی هِلَک اِتدی.‏#یاراتیلیش ۶‏:۵‏-۸؛ ۷‏:۶‏-۲۴ 28لوطونگ گونلِرینده هِم شُنونگ یالی بُلدی:‏ آداملار اییّپ-ایچیپ، آلیپ-ساتیپ، اِکیپ-تیکیپ یُردولِر.‏ 29اِمّا لوطونگ سُدومدان چیقان گونی آسماندان اُد بیلِن کوکورت یاغیپ، هِمّه‌سینی هِلَک اِتدی.‏#یاراتیلیش ۱۸‏:۲۰‏-۳۳؛ ۱۹‏:۲۴‏-۲۵

30‏«‏اینسان اُغلونینگ گُرونجِک گونونده هِم شِیله بُلار.‏ 31شُل گون بامداقی آدام اُیدَکی زاتلارینی آلماق اوچین آشاق دوشمِسین.‏ شِیله-ده، اِکینچیلیگیندَکی هِم ایزینا دُلانماسین.‏ 32لوطونگ آیالینی یادا سالینگ!‏#یاراتیلیش ۱۹‏:۲۶ 33هِر کیم جانینی ساقلاماغا چالیشسا، اُنی ییتیرِر، هِر کیم جانینی ییتیرسه، اُنی آمان ساقلار.‏ 34سیزه شونی آیدیارین:‏ شُل گیجه بیر دوشِکده ایکی آدام بُلار، بیری آلنار، بیری قُییلار.‏ 35بیلِلیکده بوغدای اون اِدیَن ایکی آیال بُلار، بیری آلنار، بیری قُییلار.‏ ‏[‏ 36اِکینچیلیگینده ایکی آدام بُلار، بیری آلنار، بیری قُییلار.‏]‏»‏

37شَگیرتلِر عیسی یوزلِنیپ:‏ ‏«‏یا آقام، بو واقالار نیرِده بُلار؟»‏ دییّپ سُرادیلار.‏ عیسی هِم:‏ ‏«‏ماسلیق نیرِده بُلسا، قاراغوشلار هِم شُل یِره اویشیَندیر»‏ دییّپ جُغاپ بِردی.‏

Valgt i Øjeblikket:

لوقا 17: TUKIR

Markering

Del

Kopiér