लूका म्हसीका
म्हसीका
लूकां च्वःगु भिंगु खँय् येशू यहूदीत व संसारया फुक्क मनूतय्त मुक्ति बीम्ह ख्रीष्ट खः धकाः क्यनातःगु दु। थ्व सफुलिइ यशैया अगमवक्तां परमेश्वरं छ्वयाहइतिनि धाःम्ह मनू “जि हे खः” धकाः प्रभु येशू थःम्हं हे धयादीगु दु। अले थुकी वय्कलं “मगाःमचाःपिन्त भिंगु खँ न्यंकेत” परमप्रभुयागु आत्मां जितः ल्ययादीगु खः धकाः नं धयादीगु दु। उकिं थ्व भिंगु खँय् ग्वाहालि मालाच्वंपिं मनूतय्गु खँ न्ह्यथनातःगु दु। नापं थुकी लय्तायेगु खँय् नं बःबियातःगु दु। अथे हे प्रार्थना यायेगु, मिसातय्सं वय्कःयात ग्वाहालि यायेगु, पापीतय्त परमेश्वरं क्षमा यानादीगु व पवित्र आत्मायागु खँय् नं अप्वः बःबियातःगु दु। व छम्ह यहूदीमखुम्ह डाक्टर खः। व यहूदी मखुसां पुलांगु नियमया खँ बांलाक स्यू। अथे जुयाः वं अप्वः यानाः भजनसंग्रहया सफू व यशैया अगमवक्ताया खँ न्ह्यथनातःगु दु।
मत्ती, मर्कूस व यूहन्नां च्वःगु भिंगु खँय् मदुगु खँत नं थुकी दुथ्याकातःगु दु। गथेकि – जकरियायागु खँ, येशू बूबलय् स्वर्गदूततय्सं भजन हाःगु व फैजवाःतय्सं स्वःवःगु, मचा येशू देगलय् त्वःफ्यूगु अले भिंम्ह सामरी व तंम्ह काय्यागु उखान।
थ्व सफू ई.सं. ६५ निसें ७० पाखे च्वःगु जुइफु।
धलः पौ
न्ह्यखँ १:१-४
येशू व बप्तिस्मा बीम्ह यूहन्ना बूगु १:५–२:५२
बप्तिस्मा बीम्ह यूहन्नायागु ज्या ३:१-२०
येशूं बप्तिस्मा काःगु व वय्कःयात जाँचय् याःगु३:२१–४:१३
गालीलय् येशूयागु ज्या ४:१४–९:५०
गालीलं येशू यरूशलेमपाखे झाःगु ९:५१–१९:२७
दकलय् लिपायागु वालय् येशू यरूशलेमय् १९:२८–२३:२६
येशू हाकनं म्वानाझाःगु व स्वर्गय् थाहां झाःगु २४:१-५३
लूका
Valgt i Øjeblikket:
लूका म्हसीका: NEW
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
© 2024 Nepal Bible Society, Newa Christian
Literature Center and Wycliffe Bible Translators, Inc.