Populære bibelvers fra लूका 13

Del

“चिब्‍यागु लुखां दुहां वनेगु कुतः या, छाय्‌धाःसा यक्‍व मनूतय्‌सं अनं दुहां वनेत ला स्‍वइ, अय्‌नं फइ मखु।

अबलय् भूत दुब्‍यूम्‍ह छम्‍ह धुसि लूम्‍ह मिसा नं अन वयाच्‍वन। थ्‍व मिसा धस्‍वाये मफु। वयात थथे जुयाच्‍वंगु झिंच्‍यादँ मछि दये धुंकल। वयात खनाः वय्‌कलं सःताः थथे धयादिल – “छिगु ल्‍वय् लन।”

अले वय्‌कलं थःगु ल्‍हाः वयागु छेनय् तयादिल। उघ्रिमय् हे व धस्‍वाये फत। अले वं परमेश्‍वरयात जयजय यात।

थुइकि, आः न्‍हापा लाःपिं लिपालाइ, अले लिपा लाःपिं न्‍हापा लाइ।”

छेँ थुवालं खापा ति धुंकाः हानं चाय्‌काबी मखु। अले छिपिं पिने च्‍वनाः थथे धयाः खापा संका च्‍वनेमाली – ‘प्रभु, खापा चाय्‌कादिसँ।’ वय्‌कलं थथे लिसः बिया हइ – ‘छिपिं गनं वयापिं खः? जिं छिमित म्‍हमस्‍यू।’

जिं छिकपिन्‍त धाये – अथे मखु, छिकपिन्‍सं पश्‍चाताप मयाःसा छिकपिं नं इपिं थें सी माली।”

छिमिसं वय्‌कःयात अथे धाःसां वय्‌कलं छिमित थथे धया हइ – ‘धात्‍थें हे छिपिं गनं वःपिं खः धकाः जिं मस्‍यू। अले गज्‍याःपिं खः धकाः नं जिं मस्‍यू। मभिंगु जक ज्‍या यानाजुइपिं, हालाच्‍वने मते, हुँ।’

येशूं धयादिल – “परमेश्‍वरयागु राज्‍य गथे च्‍वं धकाः गय् यानाः धायेगु? छु नाप दाँजय् यानाः क्‍यनेगु? परमेश्‍वरयागु राज्‍य थथे च्‍वं। छम्‍ह मनुखं तुग्‍वःया पुसा थःगु बुँइ ह्वल। थ्‍व बुया वयाः तःमागु सिमा जुइ, अले झंगःपंक्षीतय्‌सं थुकियागु कचामचाय् थःगु स्‍वँ दय्‌की।”