Populære bibelvers fra लूका 12

Del

छिमिसं नं अथे हे होश‍यानाच्‍वँ, छाय्‌धाःसा छिमिसं मतिइ हे मतःबलय् मनूया काय् वइ।”

न्‍हापां परमेश्‍वरयागु राज्‍य माः जु, अले छिमित माःगु फुक्‍क बियादी।

अले वय्‌कलं फुक्‍कसित धयादिल – “होश या, छुं नं लोभ लालच यायेगु बानी याये मते, छाय्‌धाःसा यक्‍व धनसम्‍पत्ति दयेवं जक धात्‍थेंगु जीवन दइगु मखु।”

छिमिगु सम्‍पत्ति गन दु छिमिगु मन नं अन हे दइ।”

छिपिं मध्‍ये सुनानं धन्‍धा कयाः थःगु आयु पलख जक नं अप्‍वः तने फु ला?

अले हानं येशूं चेलातय्‌त धयादिल – “नयेत्‍वनेगु व पुनेगुलिइ छिमिसं च्‍यूताः तये मते।

छिमिगु छेनय् च्‍वंगु सँ छपु छपु दतले परमेश्‍वरं ल्‍याः खाना तयादीगु दु। अय्‌जूगुलिं ग्‍याये माःगु मदु। चखुंचा स्‍वयाः ला छिपिं यक्‍व हे मू वं।”

“परमेश्‍वर लय्‌तायादीगुलिं छिमित वय्‌कलं थःगु राज्‍य बियादी। उकिं छिमिगु पुचः चिधं धकाः छिपिं ग्‍याये माःगु मदु।

क्‍वःतय्‌त छकः बिचाः यानाः स्‍व। क्‍वःतय्‌सं बुँइ पुसा ह्वः जुइ नं मखु, अले बाली लः वनी नं मखु। इमि अन्‍न स्‍वथना तयेत धुकू नं मदु, भखारि नं मदु। अय्‌नं इमित माक्‍व परमेश्‍वरं नका तःगु दु। झंगःपंक्षीत स्‍वयाः ला छिपिं यक्‍व मू वं।

“अय्‌जूगुलिं छिमिसं नयेत्‍वनेगुलिइ जक मन तया जुइ मते, अले धन्‍दा कयाजुइ नं मते।

थौं बुयाः कन्‍हय् हे झ्‍वाः जुया वनीगु घाँय्‌यात ला परमेश्‍वरं थुलि समाः यानातयादी धाःसा वय्‌कलं छिमित पुनेत वसः बियामदी ला? अय् विश्‍वास मगाःपिं, छिमिसं गथे क्‍वात्तुक विश्‍वास याये मफुगु?

त्‍वपुयातःगु खने दइतिनि। सुचुकातःगु सी दइतिनि।