Populære bibelvers fra लूका 14

Del

“सुं मनू जि नाप वये मास्‍ति वःसा वं थः मांबौ, कलाः, भाःत, मस्‍त, दाजुकिजा, तताकेहेँ, अले थःत नं जितः स्‍वयाः अप्‍वः माया याये मज्‍यू। अथे याये मफुम्‍ह मनू जिम्‍ह चेला जुइ फइ मखु।

थःगु क्रूस क्‍वबिया जिगु ल्‍यूल्‍यू मवइम्‍ह मनू जिम्‍ह चेला जुइ फइ मखु।”

सुनां थःत थःम्‍हं तःधंकी व चिधनी। अले सुनां थःत थःम्‍हं चिधं ताय्‌की व तःधनी।”

अथे हे छिमिसं नं थःके दुगु फुक्‍कं त्‍वःते मफुसा छिपिं जिम्‍ह चेला जुइ फइ मखु।

“सुनानं धरहरा दय्‌केत्‍यन धाःसा न्‍हापालाक गुलि खर्च जुइ, अले धिबा गाः मगाः निं स्‍वइ। जग तये धुंकाः सिधय्‌के मफुत कि वयात फुक्‍कसिनं थथे धकाः गिजय् याइ – ‘थ्‍व मनुखं दय्‌केत ला दय्‌कल, अय्‌नं सिधय्‌के भाः मखन का।’

भ्‍वय् न्‍याय्‌केबलय् छिं नये मखंपिं, ल्‍हाःतुति खूपिं, अले कांपिन्‍त भ्‍वय् सःतादिसँ। अले छितः आशिष दइ, छाय्‌धाःसा अज्‍याःपिन्‍सं छितः पलेसा पुले फइ मखु। बरु धर्मीपिं सिनाः हानं म्‍वाना वइबलय् परमेश्‍वरं छितः थुकियागु पलेसा पुलादी।”

“चि ला भिं जू। चिया सवाः हे तन धाःसा थ्‍वयात हानं छुकिं चि सवाः वय्‌केगु? थथे सवाः तने धुंकूगु चि ला बुँइ तयेत नं मज्‍यू, साःद्वँय् तयेत नं मज्‍यू। अज्‍याःगु चियात ला मनूतय्‌सं वांछ्वइ। सुयाके न्‍हाय्‌पं दु वं न्‍यना का।”