Yr hyn mae'r Tad yn ddweudSampl

Mae'r Tad yn dweud, “Roeddet ti’n fy ngweld i cyn bod siâp arna i! O rif y blew ar dy ben i nifer y dyddiau yn dy fywyd, fe'th wneuthum er fy mhleser a'm hyfrydwch. Mwy niferus na'r tywod ar y lan, yw fy meddyliau am gariad tuag atoch. Hwn ydy fy Mab annwyl i; mae wedi fy mhlesio i’n llwyr.”

Rwyt ti'n blentyn i Dduw! Mae llawer o bobl wedi tyfu i fyny mewn teuluoedd gyda thadau nad oedden nhw’n actif, mae eraill wedi tyfu i fyny gyda thadau rhyfeddol, neu efallai dadau nad oedden nhw’n bresennol o gwbl. Mae'r darn hwn o'n stori yn aml yn dod yn lens y gwelwn ein Tad nefol drwyddi.

Sut un wyt ti’n dychmygu ydy dy Dad Abba?

Dywed Allison Fowler, “Y galon yw'r lens y gwelwn Dduw drwyddi. Os gwrthodwn faddau, daw ein chwerwder a’n dicter yn fudreddi sy’n cymylu ein gallu i’w weld yn glir.” Felly gwahodda’r Arglwydd i sgubo dy galon o gredoau ffug o'i gymeriad a allai fod wedi ffurfio o'th fagwraeth neu'r heriau y gallet fod wedi'u hwynebu. Gad i realiti ei gymeriad setlo'n ddwfn ynot ti: mae cymeriad Duw yn ymgorfforiad o berffeithrwydd, caredigrwydd, a chariad; y mae heb nam, na marc, na staen.

Cymera ychydig funudau, cau dy lygaid, a myfyria ar natur syfrdanol Duw. Mae olew iachusol o'r nef yn gorlifo i'th galon ar hyn o bryd, yn cael gwared ar niwl, ac yn agor llygaid dy galon. Gwranda ar lais dy Dad wrth iddo sibrwd gwirionedd i'th ysbryd, a derbyn ei gariad helaeth sy'n chwyddo yn ei galon tuag atat. Mae'r Tad yn dweud, “Ti ydy fy mhlentyn annwyl.”