ᐋᐴᓯᑕᓖᑦ ᐱᓂᐊᕐᓂᖏᑦ 4
4
ᐲᑦᑐᕉᓯᐅᑉ ᔪᐊᓇᓯᐅᓪᓗ ᑲᑎᒪᔨᕐᔪᐊᑦ ᓵᖓᓃᓐᓂᖓᒃ
1ᐲᑦᑐᕉᓯᒃᑯᒃ ᔪᐊᓇᓯᒃᑯᒃ ᓱᓕ ᐃᓄᖕᓄᑦ ᐅᖃᓪᓚᒃᑎᓪᓗᒋᒃ, ᑐᓂᕐᕈᓯᕐᑎᑦᓯᔩᑦ, ᑐᒃᓯᐊᕐᕕᒡᔪᐊᓪᓗ ᖃᐅᔨᓴᕐᑎᖏᑕ ᐊᖓᔪᖅᑳᖓᑦ, ᓵᑦᔪᓰᓪᓗ ᕾᕗᑦ, 2ᓈᒻᒪᒃᓴᕋᑎᒃ ᑖᒃᑯᐊᒃ ᐃᓄᖕᓂᒃ ᐊᔪᕆᕐᑐᐃᖕᒪᑎᒃ ᓇᓗᓁᕐᓯᓪᓗᑎᒃ ᔩᓱᓯᒃᑯᑦ ᑐᖁᖓᔪᑦ ᒪᑭᕝᕕᒃᓴᖃᕐᓂᕋᕐᓗᒋᑦ. 3ᑖᒃᑯᐊᒃ ᑎᒍᔭᐅᕘᒃ ᑎᒍᔭᐅᓯᒪᕕᖕᒧᐊᕐᑕᐅᓪᓗᑎᒃ ᖃᐅᒃᐸᓐᖑᕐᓯᐊᕆᓪᓗᒍ, ᑍᑦᓱᒪᓂ ᐅᓐᓄᓕᕇᕐᒪᑦ, 4ᐊᒥᓱᑦ ᐅᖃᐅᓯᕐᓂᒃ ᑐᓴᕐᑐᑦ ᐅᒃᐱᓕᓚᐅᕐᐳᑦ; ᐅᒃᐱᕐᑐᓪᓗ ᐅᓄᕐᓂᖏᑦ 5,000 ᖃᓂᒋᔭᖓᓃᓕᓚᐅᕐᐳᑦ.
5ᖃᐅᑎᓪᓗᒍ ᔫᑎᑦ ᐊᐅᓚᑦᓯᔨᖏᑦ ᐊᖓᔪᖅᑳᖏᓪᓗ, ᐱᖁᔭᓂᒡᓗ ᐃᓕᓮᔩᑦ ᑲᑎᒪᓕᕐᐳᑦ ᔨᕉᓴᓕᒻᒥ. 6ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖓᑦ ᐋᓇᓯ, ᑬᐊᐹᓯᓗ, ᔪᐊᓇᓯᓗ, ᐊᓕᒃᓵᓐᑐᕆᓗ, ᐋᓇᓯᐅᓪᓗ ᐃᓚᖏᑦ ᑐᓂᕐᕈᓯᕐᑎᑦᓯᔩᑦ ᐃᓚᒋᔭᐅᓪᓗᑎᒃ. 7ᑖᒃᑯᐊᒃ ᓵᒥᖕᓄᐊᕐᑎᓐᓇᒥᒋᒃ, ᐊᐱᕐᓱᕐᐹᑦ, “ᑭᓇᒧᑦ ᐱᔪᓐᓇᕐᑎᑕᐅᕕᓰᒃ? ᑭᐊ ᑍᒤᓕᐅᕈᓐᓇᕐᑎᑉᐹᓰᒃ?”
8ᑕᕝᕙ ᐲᑦᑐᕉᓯ ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᐃᓗᒻᒥᕐᑕᐅᓪᓗᓂ, ᐅᖃᐅᑎᕔᑦ, “ᐃᓄᖕᓄᑦ ᐊᐅᓚᑦᓯᔨᐅᔪᓯ ᐊᖓᔪᖅᑳᖑᔪᓯᓗ, 9ᐅᓪᓗᒥ ᐊᐱᓱᕐᑕᐅᑦᔪᑎᖃᕈᓐᓄᒃ ᐱᐅᔪᒥᒃ ᐱᓂᐊᕐᓂᑦᑎᖕᓄᑦ ᐅᒨᖓ ᐱᓱᒍᓐᓇᓚᐅᖏᑦᑐᒧᑦ, ᖃᓄᖅ ᐱᓱᒍᓐᓇᕐᓯᖕᒪᖔᑦ, 10ᖃᐅᔨᒪᓕᕆᑦᓯ ᑕᒪᑦᓯ ᐃᓴᕆᐊᓕᒥᐅᓕᒫᓪᓗ, ᐅᓇ ᓵᑦᓯᓐᓃᑦᑐᖅ; ᔩᓱᓯ ᙭ᔅᑑᓯ ᓈᓴᕇᑎᒥᐅᑉ ᐱᔪᓐᓇᕐᓂᖓᒍᑦ; ᑖᑦᓱᒪ ᑭᑭᐊᒃᑐᓚᐅᕐᑕᑦᓯ, ᒎᑎᐅᓪᓕ ᑐᖁᒥᑦ ᒪᑭᑎᓚᐅᕐᑕᖓᑕ ᐋᖅᑭᓚᐅᕐᐹ; ᒫᓐᓇ ᓵᑦᓯᓐᓂ ᓇᖏᓕᕐᐳᖅ ᖃᓄᐃᖏᑦᓯᐊᕐᓗᓂ. 11#ᐃᓐᖏᕈᑦ 118:22.ᐅᔭᕋᒃ ᑖᓐᓇᐅᕗᖅ ᐃᓕᑦᓯ ᐃᒡᓗᓕᐅᕐᓗᓯ ᓇᕐᕈᒋᓚᐅᕐᑕᓯ, ᑖᓐᓇ ᑎᕆᖅᑯᕆᔭᐅᓕᕐᐳᖅ ᐊᑐᕆᐊᖃᕐᓂᕐᐹᖑᓪᓗᓂ.
12“ᐊᓯᐊᓂᒃ ᐱᐅᓕᔨᒃᓴᖃᓐᖏᓚᖅ, ᐊᑎᕐᑕᖃᓐᖏᓚᕐᓗ ᓄᓇᕐᔪᐊᓕᒫᒥ ᐃᓄᖕᓄᑦ ᑐᓂᔭᐅᓯᒪᔪᒥᒃ ᐱᐅᓕᔭᐅᑦᔪᑎᒃᓴᑦᑎᓐᓂᒃ.”
13ᑲᑎᒪᔨᕐᔪᐊᑦ ᑲᒪᓂᐊᓕᕐᐳᑦ ᐲᑦᑐᕉᓯᐅᑉ ᔪᐊᓇᓯᐅᓪᓗ ᓯᕘᕋᖏᓐᓂᖏᖕᓂᒃ, ᖃᐅᔨᒪᓪᓗᑎᒡᓗ ᐃᓕᓐᓂᐊᕐᓯᒪᖏᒻᒪᑎᒃ, ᐃᓄᑐᐃᓐᓇᐅᓪᓗᑎᒃ, ᖃᐅᔨᒪᓚᐅᕐᐳᑦ ᔩᓱᓯᒥᒃ ᐃᓚᖃᖃᑦᑕᓚᐅᕐᒪᑎᒃ. 14ᑖᓐᓇ ᐋᖅᑭᒃᑕᐅᔪᖅ ᑕᑯᓐᓇᕋᒥᑦᔪᒃ ᓇᖏᖃᑎᒋᔭᖓᒃ, ᑲᑎᒪᔪᑦ ᐅᖃᐅᓯᒃᓴᖃᕈᓐᓃᕐᐳᑦ ᐊᑭᕋᕐᑐᕈᑎᒃᓴᒥᒃ. 15ᑲᑎᒪᕕᒋᔭᒥᖕᓂᑦ ᐊᓂᖁᒐᒥᑦᔪᒃ, ᐃᒻᒥᖕᓄᑦ ᐅᖃᖃᑎᒌᓕᕐᐳᑦ, 16ᐅᖃᕐᓗᑎᒃ, “ᐊᖑᑎᑦ ᐅᑯᐊ ᖃᓄᐃᓕᓂᐊᓕᕐᑕᕘᑦ? ᔨᕉᓴᓕᒻᒥᐅᓕᒫᑦ ᑕᒪᑐᒥᖓ ᑲᒪᓇᕐᑐᐊᓗᖕᒥᒃ ᖃᐅᔨᖕᒪᑕ ᑖᒃᑯᒃᑎᒎᓇᖅ, ᐅᕙᒍᓪᓗ ᐱᔪᖃᓚᐅᖏᓐᓂᕋᕈᓐᓇᓐᖏᓚᕗᑦ. 17ᑕᒪᓐᓇ ᓯᐊᒻᒪᕐᑎᑕᐅᕙᓪᓕᐊᖁᓇᒍ ᐃᓄᖕᓄᑦ, ᐃᓂᕐᑎᓚᐅᕐᓚᕗᑦ ᓯᕘᕋᓵᕐᓗᒋᒃ ᐅᖃᐅᓯᖃᖃᑦᑕᖁᔪᓐᓃᕐᓗᒋᒃ ᔩᓱᓯᐅᑉ ᐊᑎᖓᓂᒃ.”
18ᑖᒃᑯᐊᒃ ᕾᖁᒐᒥᒋᒃ ᐃᓂᕐᑎᕐᐹᑦ ᐅᖃᐅᓯᖃᖃᑦᑕᖁᓇᒋᒃ ᐊᔪᕆᕐᑐᐃᑦᔪᑎᖃᖃᑦᑕᖁᓇᒋᒡᓘᓐᓃᑦ ᔩᓱᓯᐅᑉ ᐊᑎᖓᓂᒃ. 19ᐲᑦᑐᕉᓯᐅᑉ ᔪᐊᓇᓯᐅᓪᓗ ᑭᐅᕔᑦ, “ᐃᓱᒪᒃᓴᕐᓯᐅᓕᕆᑦᓯ, ᓈᒻᒪᖕᒪᖔᑦ ᒎᑎᐅᑉ ᓵᖓᓂ ᐃᓕᑦᓯᓐᓂᒃ ᓈᓚᒃᑯᑦᑕ, ᐅᕝᕙᓘᓐᓃᑦ ᒎᑎᒥᒃ; 20ᐅᕙᒍᒡᓕ ᓄᖅᑲᐅᑦᔨᔪᓐᓇᓐᖏᓚᒍᒃ ᓇᖕᒥᓂᖅ ᑕᑯᓚᐅᕐᑕᑦᑎᖕᓂᒃ ᑐᓴᓚᐅᕐᑕᑦᑎᖕᓂᒡᓗ ᐅᖃᐅᓯᖃᕐᓗᑕ.” 21ᑲᑎᒪᔨᕐᔪᐊᑦ ᑖᒃᑯᓂᖓ ᓯᕘᕋᓵᕐᓗᒋᒃ ᐃᓂᕐᑎᕆᒃᑲᓐᓂᕐᐳᑦ, ᐊᓂᑎᓪᓗᒋᒃ, ᓱᒋᐊᕐᑕᐅᑦᔫᑎᒃᓴᖏᖕᓂᒃ ᓇᓂᓯᖏᓐᓇᒥᒃ, ᐃᓄᐃᑦ ᐱᑦᔪᑎᒋᓪᓗᒋᑦ; ᐃᓄᓕᒫᑦ ᒎᑎᒥᒃ ᓂᕐᑐᐃᓕᕐᒪᑕ ᐋᖅᑭᒃᑕᐅᔪᖅ ᐱᑦᔪᑎᒋᓪᓗᒍ. 22ᑖᓐᓇ ᐊᖑᑦ ᐋᖅᑭᒃᑕᐅᔪᖅ ᐊᕐᕌᒍᖃᓚᐅᕐᐳᖅ 40 ᐅᖓᑖᓂ.
ᐅᒃᐱᕐᑐᑦ ᑐᒃᓯᐊᕐᓂᖓᑦ ᓯᕘᕋᔪᒪᓇᑎᒃ
23ᐊᓂᑎᑕᐅᒐᒥᒃ ᐃᓚᓐᓇᕆᔭᒥᖕᓄᑦ ᐂᕘᒃ ᐅᓂᒃᑳᕐᓗᑎᒃ ᖃᓄᖅ ᐅᖃᐅᑦᔭᐅᖕᒪᖔᕐᒥᒃ ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖏᓐᓄᑦ, ᔫᑎᓪᓗ ᐊᖓᔪᖅᑳᖏᓐᓄᑦ. 24#ᒨᓯᓯ ᐂᑉᐸᖏᑦ 20:11; ᓂᕼᐃᒤᐊ 9:6; ᐃᓐᖏᕈᑦ 146:6.ᐅᒃᐱᕐᑐᑦ ᑕᒪᑐᒥᖓ ᑐᓴᕋᒥᒃ; ᐊᑕᐅᑦᓯᒃᑯᑦ ᑐᒃᓯᐊᖃᑎᒌᓕᕐᐳᑦ ᒎᑎᒧᑦ ᐅᖃᕐᓗᑎᒃ, “ᑕᒤᓐᓄᑦ ᐊᑕᓂᐅᔪᑎᑦ, ᐱᓐᖑᕐᑎᑦᓯᓚᐅᕐᑐᑎᑦ ᕿᓚᖕᒥᒃ ᓄᓇᒥᒡᓗ ᐃᒪᕕᖕᒥᒡᓗ ᑕᕝᕙᓃᑦᑐᓕᒫᓂᒡᓗ, 25#ᐃᓐᖏᕈᑦ 2:1,2.ᐊᓂᕐᓂᒃᑯᑦ ᐃᑦᔪᕐᓁᑦᑐᒃᑯᑦ ᐅᖃᕐᑎᑦᓯᓚᐅᕐᑐᑎᑦ ᐱᔨᖕᓂᒃ ᑍᕕᑎᒥᒃ ᓯᕗᓕᕕᓂᑦᑎᓐᓂᒃ, ᐅᖃᕐᓗᓂ:
‘ᓱᖕᒪᑦ ᔫᑎᐅᖏᑦᑐᑦ ᓂᓐᖓᐅᒪᕚᑦ?
ᓱᖕᒪᓪᓗ ᐃᓄᐃᑦ ᐃᓱᒪᒃᓴᕐᓯᐅᖃᑎᒌᒃᐸᑦ ᑲᔪᓯᓂᐊᖏᑦᑐᓂᒃ ᐱᑦᔪᑎᖃᕐᓗᑎᒃ?
26ᓄᓇᕐᔪᐊᑉ ᐊᖓᔪᖅᑳᕐᔪᐊᖏᑦ ᐅᐸᓗᖕᒊᔭᓕᕐᐳᑦ,
ᐊᐅᓚᑦᓯᔨᓪᓗ ᑲᑎᒪᓕᕐᐳᑦ,
ᐊᑭᕋᕐᑐᕈᒪᓪᓗᑎᒃ ᐊᑕᓂᕐᒧᑦ ᙭ᔅᑑᓯᖓᓄᓪᓗ.’
27 #
ᓘᑲᓯ 23:7-11;
ᒫᑎᐅᓯ 27:1,2; ᒫᑯᓯ 15:1; ᓘᑲᓯ 23:1; ᔪᐊᓇᓯ 18:28,29. “ᓇᓗᓇᖏᒻᒪᑦ ᓄᓇᓕᖕᓂ ᐅᕙᓂ ᐃᕉᑕᓯ, ᐴᓐᑎᐅᓯ ᐰᓛᑑᓯᓗ ᔫᑎᐅᖏᑦᑐᓪᓗ, ᐃᓴᕆᐊᓕᒥᐅᓪᓗ ᑲᑐᑦᔨᓕᓚᐅᕐᒪᑕ, ᐱᔨᒋᔧᑦ ᐃᑦᔪᕐᓁᑦᑐᖅ ᔩᓱᓯ ᙭ᔅᑑᓯᖁᑎᒋᔧᑦ ᐊᑭᕋᕐᑐᕐᓗᒍ. 28ᑖᒃᑯᐊ ᑍᒤᓕᐅᓚᐅᕐᐳᑦ ᐋᖅᑭᒃᓯᒪᔭᕇᕐᑍᑦ ᐱᔪᓐᓇᕐᓂᕐᓄᑦ ᐱᓇᓱᐊᕈᒪᓯᒪᔧᑦ ᐱᓂᐊᕈᑎᒋᓪᓗᒍ, 29ᒫᓐᓇ ᐊᑕᓃᖅ, ᓯᕘᕋᓵᕆᑦᔪᑎᖏᑦ ᑕᑯᓚᐅᒃᑭᑦ, ᐱᔨᑎᑦ ᐅᖃᐅᓯᕆᖁᔭᕐᓂᒃ ᐅᖃᕈᓐᓇᕐᑎᒃᑭᑦ ᓯᕘᕋᖏᓪᓗᑎᒃ, 30ᐱᔪᓐᓇᕐᓃᑦ ᓴᖅᑭᑎᓚᐅᕈᒃ ᐋᖅᑮᖃᑦᑕᕐᓂᒃᑯᑦ, ᑲᒪᓇᕐᑐᓕᓂᕐᓂᒃ ᓇᓗᓁᒃᑯᑕᕐᓂᒡᓗ ᐱᔪᖃᖁᓪᓗᒍ ᐱᔨᕕᑦ ᐃᑦᔪᕐᓁᑦᑑᑉ ᔩᓱᓯᐅᑉ ᐊᑎᖓᒍᑦ.”
31ᑐᒃᓯᐊᕐᒪᑕ, ᑖᓐᓇ ᑲᑎᒪᕝᕕᒋᔭᖓᑦ ᐊᐅᓚᕗᖅ; ᐊᓂᕐᓂᕐᒥᒡᓗ ᐃᑦᔪᕐᓁᑦᑐᒥᒃ ᐃᓗᒻᒥᕐᑕᐅᕗᑦ ᑕᒪᕐᒥᒃ, ᒎᑎᐅᑉ ᐅᖃᐅᓯᖏᓐᓂᒃ ᐅᖃᓪᓚᓕᓚᐅᕐᐳᑦ ᓯᕘᕋᓇᑎᒃ.
ᐅᒃᐱᕐᑐᑦ ᐱᒋᔭᒥᖕᓂᒃ ᑲᑐᑦᔨᖃᑎᒌᖕᓂᖓᑦ
32 #
ᐋᐴᓯᑕᓖᑦ 2:44,45. ᐅᒃᐱᕐᑑᖃᑎᒌᓕᒫᑦ ᐆᒻᒪᑎᒥᒃᑎᒍᑦ ᑕᕐᓂᕐᒥᒃᑎᒍᓪᓗ ᐊᑕᐅᓯᐅᓕᖅᑲᖓᑦᓯᐊᓚᐅᕐᐳᑦ ᐃᓚᒌᑦᓯᐊᕐᓗᑎᒃ, ᐱᖁᑎᒥᖕᓂᒃ ᓇᖕᒥᓂᖃᕐᓂᕋᕐᓗᑎᒃ ᑍᓯᔪᖃᓚᐅᓐᖏᓚᑦ, ᑕᒪᕐᒥᒃ ᐱᒋᔭᒥᖕᓂᒃ ᑲᑐᑦᔨᓚᐅᕐᐳᑦ ᐊᑦᔨᒌᒃᑐᒥᒃ. 33ᐱᔪᓐᓇᕐᓂᕐᔪᐊᖃᕐᓗᑎᒃ ᐋᐴᓯᑕᓖᑦ ᐅᖃᐅᓯᖃᕐᐳᑦ ᓇᓗᓁᕐᓯᓪᓗᑎᒃ ᐊᑕᓂᐅᑉ ᔩᓱᓯᐅᑉ ᒪᑭᓯᒪᓂᖓᓂᒃ, ᒎᑎᐅᓪᓗ ᓮᒻᒪᕐᑎᑦᓯᓂᕐᔪᐊᖓᑕ ᑕᒪᕐᒥᒃ ᓇᔪᓚᐅᕐᐰᑦ. 34ᐃᓚᒌᒃᑐᓂ ᐊᔪᕐᓴᕐᑐᖃᓚᐅᓐᖏᓚᖅ, ᐱᕈᕐᓰᕕᖁᑎᓖᑦ ᐃᒡᓗᖁᑎᓖᓪᓗ ᓂᐅᕐᕈᑎᖃᕌᖓᒥᒃ, ᐊᑭᓕᐅᑕᐅᔪᓂᒃ ᑲᑎᑦᓯᖃᑦᑕᓚᐅᕐᐳᑦ, 35ᐋᐴᓯᑕᓕᖕᓄᑦ ᑐᓂᓪᓗᒋᑦ; ᑖᒃᑯᓇᓐᖓᑦ ᑮᓇᐅᔧᑦ ᑐᓂᐅᖅᑲᐅᑕᐅᕗᑦ ᐃᓄᐃᑦ ᐱᔭᕆᐊᖃᕐᓂᖏᑦ ᒪᓕᒡᓗᒋᑦ.
36ᔫᓯᐱᑦᑕᐅᖅ ᓕᕔᑎᐅᔪᖅ, ᓮᐳᕋᓯᒥ ᐃᕐᓂᐊᖑᓯᒪᔪᖅ, ᐋᐴᓯᑕᓕᖕᓂᑦ ᑍᔭᐅᔪᖅ ᐸᕐᓇᐹᓯᒥᒃ (ᐊᑎᖓᑕ ᑐᑭᖓ ᐱᕙᓪᓕᕐᑎᑦᓯᔨ). 37ᑖᑦᓱᒪ ᐱᕈᕐᓰᕕᖁᑎᓂ ᓂᐅᕐᕈᑎᒋᕚ, ᐊᑭᖏᑦ ᐋᑉᐰᑦ, ᑐᓂᓪᓗᒋᑦ ᐋᐴᓯᑕᓕᖕᓄ.
Dewis Presennol:
ᐋᐴᓯᑕᓖᑦ ᐱᓂᐊᕐᓂᖏᑦ 4: EAIB
Uwcholeuo
Rhanna
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
Eastern Arctic Inuktitut Bible © Canadian Bible Society, 2012, 2021-2023.