ᐋᐴᓯᑕᓖᑦ ᐱᓂᐊᕐᓂᖏᑦ 3
3
ᐱᓱᒍᓐᓇᖏᑦᑑᑉ ᐱᓱᒍᓐᓇᕐᓯᑎᑕᐅᓂᖓ
1ᑕᕝᕙ ᐲᑦᑐᕉᓯ ᔪᐊᓇᓯᓗ ᑐᒃᓯᐊᕐᕕᒡᔪᐊᒧᐊᓕᕐᐴᒃ ᑐᒃᓯᐊᕐᓇᕐᓯᓕᕐᑎᓪᓗᒍ ᐃᑲᕐᕋᒥ, ᐅᓐᓄᓴᒃᑯᑦ 3ᒨᕐᑎᓪᓗᒍ. 2ᐃᑎᕐᑕᕐᕕᖕᒧᑦ ᑕᑯᒥᓇᕐᑐᕐᔪᐊᕐᒥᒃ ᐊᑎᓕᖕᒧᑦ ᑎᑭᓕᕐᑎᓪᓗᒋᒃ ᐊᒡᔭᕐᑕᐅᔪᖃᕐᐳᖅ ᐊᖑᒻᒥᒃ ᐃᓅᓕᕐᓂᕐᒥᓂᑦ ᐱᓱᒍᓐᓇᖏᑦᑐᒥᒃ, ᑖᓐᓇᓗ ᖃᐅᑕᒫᑦ ᐊᒡᔭᕐᑕᐅᖃᑦᑕᓚᐅᕐᐳᖅ ᑕᕝᕗᖓ ᑐᒃᓯᐊᕐᕕᒡᔪᐊᑉ ᐃᑎᕐᑕᕐᕕᖓᓄᑦ, ᐃᑎᓕᕐᑐᓂᑦ ᕿᓄᖁᓪᓗᒍ ᑮᓇᐅᔭᓂᒃ. 3ᐲᑦᑐᕉᓯᒃᑯᒃ ᔪᐊᓇᓯᒃᑯᒃ ᑐᒃᓯᐊᕐᕕᒡᔪᐊᕐᒧᑦ ᐃᑎᕆᐊᕐᑐᕐᑑᒃ ᑕᑯᒐᒥᒋᒃ, ᑐᒃᓯᕋᓕᕐᐳᖅ ᑮᓇᐅᔭᓂᒃ. 4ᐲᑦᑐᕉᓯᐅᑉ ᔪᐊᓇᓯᐅᓪᓗ ᕿᕕᐊᕐᓗᒍ ᑕᑯᓐᓈᓕᕐᐹᒃ, ᐅᖃᐅᑎᓪᓗᒍ, “ᑕᑯᓴᕐᑎᒍᒃ.” 5ᑖᓐᓇ ᑕᑯᓴᕐᐳᖅ ᑖᒃᑯᖕᓄᖓ, ᑐᓂᓯᕕᐅᓂᐊᕋᓱᒋᓪᓗᓂ. 6ᐲᑦᑐᕉᓯᐅᑉ ᐅᖃᐅᑎᕚ, “ᑮᓇᐅᔭᖃᓐᖏᓚᖓ, ᐱᒋᔭᓐᓂᒡᓕ ᑐᓂᓯᕝᕕᒋᕙᒋᑦ; ᔩᓱᓯ ᙭ᔅᑑᓯᐅᑉ ᓈᓴᕇᑎᒥᐅᑉ ᐊᑎᖓᓂ ᐅᖃᐅᑎᕙᒋᑦ, ᐱᓱᒋᑦ.” 7ᐊᒡᒐᖏᑕ ᑕᓕᕐᐱᐊᒍᑦ ᑎᒍᓪᓗᓂᐅᒃ ᓂᑯᕕᑎᑉᐹ; ᑕᕝᕔᓐᓇᖅ ᐃᑎᒐᖏᑦ ᓯᖏᕐᓂᖏᒡᓗ ᓄᑭᒃᑖᕐᐳᑦ. 8ᓂᑯᕕᓐᓇᒥ ᕿᒡᒋᕐᐳᖅ ᐱᓱᓕᕐᓗᓂ ᑐᒃᓯᐊᕐᕕᒡᔪᐊᕐᒧᑦ ᐃᑎᖃᑕᐅᓕᕐᐳᖅ, ᐱᓱᒃᓗᓂ ᕿᒡᒋᖃᑦᑕᕐᓗᓂᓗ ᒎᑎ ᓂᕐᑐᕐᐹ. 9ᐃᓄᓕᒫᓂᑦ ᑕᑯᔭᐅᒐᒥ ᐱᓱᓕᕐᑐᖅ ᒎᑎᒥᒡᓗ ᓂᕐᑐᐃᑎᓪᓗᒍ, 10ᐃᓕᑕᕆᕚᑦ ᑍᓐᓇᐅᖕᒪᑦ ᑐᒃᓯᐊᕐᕕᒡᔪᐊᑉ ᐃᑎᕐᑕᕐᕕᖓᓂ ᑕᑯᒥᓇᕐᑐᕐᔪᐊᒥᒃ ᐊᑎᓕᖕᒥ ᐃᒃᓯᕙᖃᑦᑕᓚᐅᕐᑐ ᑐᒃᓯᕋᕐᓗᓂ ᑮᓇᐅᔭᓂᒃ; ᐃᓄᐃᑦ ᑲᒪᒻᒪᕆᓕᕐᐳᑦ ᖁᐊᕐᓵᖓᓪᓗᑎᒡᓗ ᐋᖅᑭᒃᑕᐅᓂᖓᓄᑦ.
ᐲᑦᑐᕉᓯᐅᑉ ᐊᔪᕆᕐᑐᐃᓂᖓ ᑐᒃᓯᐊᕐᕕᒡᔪᐊᒥ
11ᐊᖑᑦ ᐲᑦᑐᕉᓯᒥᒃ ᔪᐊᓇᓯᒥᒡᓗ ᑎᒍᒥᐊᕐᑎᓪᓗᒍ ᓱᓕ, ᐃᓄᐃᑦ ᑐᐊᕕᕐᓗᑎᒃ ᑖᒃᑯᓄᓐᖓᕐᐳᑦ ᑲᒪᒻᒪᕆᒡᓗᑎᒃ, ᑕᕝᕗᖓ ᓲᓗᒨᓂᐅᑉ ᑐᕐᓲᖓᓂᒃ ᑍᔭᐅᔪᒧᑦ. 12ᐲᑦᑐᕉᓯᐅᑉ ᐃᓄᐃᑦ ᑕᑯᒐᒥᒋᑦ ᐅᖃᐅᑎᕔᑦ, “ᐃᓴᕆᐊᓕᒥᐅᖑᔪᓯ, ᓲᖅ ᑕᒪᓐᓇ ᑲᒪᓂᐊᕈᑎᒋᕕᓯᐅᒃ? ᓱᖕᒪᑦ ᐅᕙᑦᑎᓐᓄᑦ ᑕᑯᓐᓇᕐᐱᓰ? ᐅᕙᒍᒃ ᓇᖕᒥᓂᖅ ᐱᔪᓐᓇᕐᓂᑦᑎᓐᓄᑦ ᐅᒃᐱᑦᓯᐊᕐᓂᑦᑎᓐᓄᓪᓘᓐᓃᑦ ᐆᒥᖓ ᐱᓱᒍᓐᓇᕐᓯᑎᑦᓯᓇᓱᒋᕕᑎᒎᒃ? 13#ᒨᓯᓯ ᐂᑉᐸᖏᑦ 3:15.ᐂᑉᕋᕼᐋᒻ ᒎᑎᖓ ᐂᓴᑭᐅᓪᓗ ᒎᑎᖓ ᔧᑰᓪᓗ ᒎᑎᖓᑕ, ᓯᕗᓕᕕᓂᑦᑕᓗ ᒎᑎᖓᑕ, ᐱᔨᓂ ᔩᓱᓯ ᓂᕐᑐᕐᓇᕐᓯᑎᓚᐅᕐᐹ, ᑖᓐᓇ ᐊᖓᔪᖅᑳᓄᑦ ᑎᒍᔭᐅᑎᓚᐅᕐᑕᓯ ᓇᕐᕈᓇᕐᓯᑎᓚᐅᕐᑕᓯᓗ ᐰᓛᑑᓯᐅᑉ ᑕᒃᑯᐊᓂ, ᐰᓛᑑᓯᐅᑉ ᐊᓂᑎᑕᐅᖁᒐᓗᐊᕐᑎᓪᓗᓂᐅᒃ. 14#ᒫᑎᐅᓯ 27:15-23; ᒫᑯᓯ 15:6-14; ᓘᑲᓯ 23:13-23; ᔪᐊᓇᓯ 19:12-15.ᑖᓐᓇ ᐃᑦᔪᕐᓁᑦᑐᖅ ᐊᑲᐅᔪᕐᓗ ᓇᕐᕈᒋᓚᐅᕐᐸᓯ, ᐃᓄᐊᕐᓯᒪᔪᒥᒃ ᐊᓂᑎᑕᐅᖁᔨᖔᓚᐅᕐᐳᓯ, 15ᑐᖁᑕᐅᑎᑦᓯᓚᐅᕐᐳᓯ ᐃᓅᓯᕐᑖᕐᑎᑦᓯᔨᒥᒃ, ᑖᓐᓇ ᒎᑎᐅᑉ ᒪᑭᑎᓚᐅᕐᐹ ᑐᖁᒥᑦ. ᑕᒪᑐᒥᖓ ᖃᐅᔨᓯᒪᓪᓗᑕ ᓇᓗᓁᕐᓯᔨᐅᕗᒍᑦ. 16ᑖᑦᓱᒪ ᐱᔪᓐᓇᕐᓂᖓᓄᑦ ᐅᒃᐱᕐᓂᒃᑯᑦ ᑖᑦᓱᒪ ᐊᑎᖓᓄᑦ, ᐅᓇ ᐱᓱᒍᓐᓇᓚᐅᖏᑦᑐᖅ ᓄᑭᒃᑖᕐᑎᑕᐅᕗᖅ ᑕᑯᔭᓯ ᖃᐅᔨᒪᔭᓯᓗ; ᐅᒃᐱᕐᓂᒃᒧᑦ ᔩᓱᓯᒃᑯᑦ ᖃᓄᐃᖏᑦᓯᐊᓕᕐᐳᖅ ᐃᓘᓐᓇᓯ ᒫᓐᓇ ᑕᑯᔭᓯ.
17“ᒫᓐᓇ ᐃᓅᖃᑎᒃᑲ, ᖃᐅᔨᒪᕗᖓ ᓇᓗᓂᕐᒧᑦ ᐊᖓᔪᖅᑳᓯᓗ ᔩᓱᓯᒥᒃ ᑍᒤᓕᐅᕆᓚᐅᕐᐳᓯ. 18ᒎᑎᐅᑉ ᓯᕗᓂᖓᓂ ᐅᖃᐅᓯᕆᓯᒪᖕᒪᒍ ᓇᓚᐅᑦᑍᔪᑎᒍᑦ, ᙭ᔅᑑᓯᖁᑎᓂ ᐋᓐᓂᐊᑎᑕᐅᓂᐊᕐᓂᕋᕐᓗᒍ, ᑍᒤᑎᓚᐅᕐᐹᓗ. 19ᑍᒤᒻᒪᑦ ᖃᕿᐊᓕᕆᑦᓯ, ᒎᑎᒧᓪᓗ ᓵᒋᐊᕐᓗᓯ, ᐱᐅᖏᑐᓕᓂᓯ ᑕᕝᕙ ᐲᔭᕐᓂᐊᕐᐰᑦ, ᓄᑖᒥᒡᓗ ᐱᔪᓐᓇᕐᓂᕐᑖᕐᑎᑕᐅᖃᑦᑕᕐᓂᐊᕐᐳᓯ ᐊᑕᓂᐅᑉ ᓇᔫᑎᓂᖓᓄᑦ, 20ᒎᑎᐅᑉ ᑎᓕᓂᐊᕐᐹ ᙭ᔅᑑᓯ ᓂᕈᐊᕐᓯᒪᔭᓂ ᐱᑦᔪᑎᒋᓪᓗᓯ, ᑕᕝᕙ ᔩᓱᓯ. 21ᑖᓐᓇ ᕿᓚᖕᒦᑦᑕᕆᐊᖃᓚᐅᕐᐳᖅ ᒎᑎᐅᑉ ᑍᑦᓱᒪᓂᐊᓗᖕᓂᑦ ᐅᖃᐅᓯᕆᓯᒪᔭᖏᑦ ᓇᓚᐅᑦᑍᔪᑎᒍᑦ ᐃᑦᔪᕐᓁᑦᑐᑎᒍᑦ ᓈᒻᒪᒃᓯᑎᑕᐅᓚᐅᖏᓐᓂᖏᓐᓂ. 22#ᒨᓯᓯ ᑕᓪᓕᒪᖏᑦ 18:15,18.ᒨᓯᓯ ᐅᖃᓚᐅᕐᒪᑦ, ‘ᐊᑕᓂᐅᑉ ᒎᑎᑦᓯ ᑎᓕᓯᕕᒋᔪᒫᕐᐹᓯ ᓇᓚᐅᑦᑍᔪᒥᒃ ᐃᓅᖃᑎᑦᓯ ᐃᓚᖓᓐᓂᒃ ᑍᒫᑦᓮᓐᓇᖅ ᑎᓕᓚᐅᕋᒥᖓ. ᓈᓚᒋᐊᖃᕈᒫᕐᐸᓯ ᖃᓄᑐᐃᓐᓇᖅ ᐅᖃᐅᑎᑐᐊᕐᐸᓯ. 23#ᒨᓯᓯ ᑕᓪᓕᒪᖏᑦ 18:19.ᐃᒤᑦᓱᒫᕐᐳᕐᓗ ᓇᓪᓕᐊᑦ ᑖᑦᓱᒥᖓ ᓇᓚᐅᑦᑍᔪᒥᒃ ᓈᓚᖏᑦᑐᖅ, ᐃᓄᖕᓂᑦ ᐊᕕᑕᐅᓗᓂ ᐊᓯᕈᕐᑕᐅᔪᒫᕐᐳᖅ.’ 24ᓇᓚᐅᑦᑍᔪᑦ, ᓴᒧᐃᓕᒥᑦ ᐱᒋᐊᕐᓗᑎᒃ ᑭᖑᓪᓕᖏᓐᓄᓪᓗ ᐅᖃᐅᓯᐅᓚᐅᕐᐳᖅ ᑕᒪᓐᓇ ᐅᓪᓗᒥ ᐊᑐᕐᑕᐅᔪᖅ. 25#ᒨᓯᓯ ᓯᕗᓪᓖᑦ 22:18.ᑭᖑᕚᖑᕗᓯ ᓇᓚᐅᑦᑍᔪᑦ ᒎᑎᐅᓪᓗ ᐊᖏᕈᑎᒋᓯᒪᔭᖓᓄᑦ ᓯᕗᓪᓕᕕᓂᑦᓯᓐᓄᑦ ᐃᓚᐅᕗᓯ, ᐂᑉᕋᕼᐋᒻᒧᑦ ᐅᖃᓚᐅᕐᒪᑦ, ‘ᐃᕝᕕᑦ ᑭᖑᕚᖏᑎᒍᑦ ᐃᓄᓕᒫᑦ ᓄᓇᕐᔪᐊᕐᒦᑦᑐᑦ ᓮᒻᒪᕐᑎᑕᐅᔪᒫᕐᐳᑦ.’ 26ᒎᑎᐅᑉ ᐱᔨᓂ ᓂᕈᐊᕋᒥᐅᒃ ᑎᓕᓚᐅᕐᐹ ᐃᓕᑦᓯᓐᓄᑦ ᓯᕗᓪᓕᕐᐹᒥᒃ, ᓮᒻᒪᕐᑎᑦᓯᓂᖓᒍᑦ ᑕᒪᑦᓯ ᐊᑐᓂᑦ ᐊᔪᕐᑐᓕᓂᕐᒥᒃ ᕿᒤᖁᓪᓗᓯ.”
Dewis Presennol:
ᐋᐴᓯᑕᓖᑦ ᐱᓂᐊᕐᓂᖏᑦ 3: EAIB
Uwcholeuo
Rhanna
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
Eastern Arctic Inuktitut Bible © Canadian Bible Society, 2012, 2021-2023.