Rhufeiniaid 10:17-21

Felly, o'r hyn a glywir y daw ffydd, a daw'r clywed trwy air Crist. Ond y mae'n rhaid gofyn, “A oedd dichon iddynt fethu clywed?” Nac oedd, yn wir, oherwydd: “Aeth eu lleferydd allan i'r holl ddaear, a'u geiriau hyd eithafoedd byd.” Ond i ofyn peth arall, “A oedd dichon i Israel fethu deall?” Ceir yr ateb yn gyntaf gan Moses: “Fe'ch gwnaf chwi'n eiddigeddus wrth genedl nad yw'n genedl, a'ch gwneud yn ddig wrth genedl ddiddeall.” Ac yna, y mae Eseia'n beiddio dweud: “Cafwyd fi gan rai nad oeddent yn fy ngheisio; gwelwyd fi gan rai nad oeddent yn holi amdanaf.” Ond am Israel y mae'n dweud: “Ar hyd y dydd bûm yn estyn fy nwylo at bobl anufudd a gwrthnysig.”

Cynlluniau Darllen am ddim a Defosiynau yn ymwneud â Rhufeiniaid 10:17-21