Matthew 17
17
Gweddnewidiad neu drawsffurfiad Crist.
[Marc 9:2–10; Luc 9:28–36]
1Ac ar ol chwe' diwrnod y cymmerodd yr Iesu gyd ag ef Petr, ac Iago, ac Ioan ei frawd, ac a'u dug hwy i fynydd uchel o'r neilldu. 2Ac efe a drawsffurfiwyd#17:2 A drawsffurfiwyd, yn hytrach nag “a ddullnewidiwyd.” Y mae ffurf (morphê) yn cyfranogi o sylwedd neu natur peth, ac felly yn wahanol i ddull (schema), yr hwn sydd allanol a chyfnewidiol: Dull y byd sydd yn myned heibio. Felly, nid cyfnewidiad yn ymddangosiad allanol ein Harglwydd a gymmerodd le; ond yr oedd y gogoniant allanol yn effaith y gogoniant mewnol a chynhenid — yn adlewyrchiad o'r natur Ddwyfol oedd ynddo. Yr oedd yna fwy nâ dysgleirdeb gwyneb a gwisg Iesu. Llewyrchai allan o hono belydrau ei Ddwyfoliaeth; ac yr oedd yr oll yn broffwydoliaeth o'i ddynoliaeth wedi ei gogoneddu. Gweddnewidiwyd Moses gan ogoniant allanol; yr Iesu gan ei ogoniant mewnol — “a drawsffurfiwyd.” Gwel ar Marc 9:2. ger eu bron hwy; a'i wyneb a ddysglaeriodd fel yr haul, a'i ddillad a aethant cyn wyned â'r goleuni. 3Ac wele, ymddangosodd iddynt Moses ac Elias, yn ymddyddan ag ef. 4A Phetr a atebodd ac a ddywedodd wrth yr Iesu, Arglwydd, da yw i ni fod yma#17:4 Neu, “Da ydyw ein bod ni yma.” “Da i ti ein bod ni yma,” Meyer.: os ewyllysi, mi#17:4 Mi a wnaf א B C Brnd. ond Tr.; gwnawn D L Δ Tr. a wnaf yma dair pabell, un i ti, ac un i Moses, ac un i Elias. 5A thra yr oedd efe yn llefaru, wele, cwmmwl goleu#17:5 Photeinos, yn llawn goleuni. a'u cysgododd hwynt; ac wele lef o'r cwmmwl yn dywedyd,
Hwn yw fy Anwyl Fab,
Yn yr hwn y'm boddlonwyd:
Gwrandewch arno ef.#Salm 2:7, 12; Es 42:1
6A phan glybu y Dysgyblion, hwy a syrthiasant ar eu gwyneb, ac a ofnasant yn ddirfawr. 7A daeth yr Iesu, ac a gyffyrddodd â hwynt, ac a ddywedodd, Cyfodwch, ac nac ofnwch. 8Ac wedi codi eu llygaid, ni welsant neb ond yr Iesu yn unig.
Dyfodiad Ioan Fedyddiwr.
[Marc 9:10–13]
9Ac fel yr oeddynt yn dyfod i waered allan o'r#17:9 Allan [ek] o'r mynydd א B C D L Brnd.; o'r [apo] mynydd K. mynydd, yr Iesu a orchymynodd iddynt, gan ddywedyd, Na ddywedwch y weledigaeth i neb hyd oni chyfodir#17:9 Chyfodir B D Brnd.; adgyfodo א C Diw. Mab y Dyn oddiwrth y meirw. 10A'i Ddysgyblion a ofynasant iddo, gan ddywedyd, Paham gan hyny, y mae yr Ysgrifenyddion yn dywedyd fod yn rhaid dyfod o Elias yn gyntaf? 11Ac efe#17:11 Felly B D Brnd.; A'r Iesu a atebodd ac a ddywedodd wrthynt C. a atebodd ac a ddywedodd, Elias yn wir sydd yn dyfod#17:11 Yn gyntaf C Z Δ; Gad. א B D Brnd., ac a edfryd#17:11 Adferu i'w sefyllfa wreiddiol neu gyntefig [Malachi 4:5, 6] bob peth. 12Eithr yr ydwyf fi yn dywedyd i chwi ddyfod o Elias eisoes, ac nid ydynt wedi ei adnabod, ond a wnaethant iddo#17:12 Llyth., ynddo ef, neu gyd ag ef. beth bynag a fynasant; felly y bydd hefyd i Fab y Dyn ddyoddef ganddynt. 13Yna y deallodd y Dysgyblion mai am Ioan Fedyddiwr y dywedasai efe wrthynt.
Gwendid annghrediniaeth; Gwellhad y masglwyfus.
[Marc 9:14–29; Luc 9:37–42]
14Ac wedi eu dyfod at y dyrfa, daeth ato ddyn, ac a syrthiodd ar ei liniau iddo, 15ac a ddywedodd, Arglwydd, trugarha wrth fy mab, canys masglwyfus#17:15 Groeg, selêniazetai, o selênê, y lleuad; felly, yn llythyrenol, “Y mae yn lloerig.” Yr oedd y bobl yn credu fod y lleuad yn dylanwadu ar y masglwyfus (epileptic) ac yn cynnyrchu yr haint. ydyw, ac y#17:15 Yn glaf א B L La. Tr. WH.; yn dyoddef [yn flin] C D Δ Ti. Al. Diw. mae yn glaf iawn, canys yn fynych y mae efe yn syrthio i'r tân, ac yn fynych i'r dwfr. 16Ac mi a'i dygais ef at dy Ddysgyblion di, ac ni allent hwy ei iachau ef. 17A'r Iesu a atebodd ac a ddywedodd, O genedlaeth anffyddiog a throfäus#17:17 Neu, gwrthnysig, llygredig, cyfeiliornus., pa hyd y byddaf gyda chwi? pa hyd y byddaf ymarhöus wrthych? dygwch ef yma ataf fi. 18A'r Iesu a'i ceryddodd ef, a'r cythraul a aeth allan o hono ef; a'r bachgen a iachawyd o'r awr hono. 19Yna y daeth y Dysgyblion at yr Iesu o'r neilldu#17:19 Neu, yn ddirgelaidd., ac y dywedasant, Paham na allem ni ei fwrw ef allan? 20Ac efe#17:20 Iesu C. Gad. א Brnd. a ddywed wrthynt, O herwydd eich ychydig#17:20 Ychydig ffydd [oligopistia] א B Brnd.; annghrediniaeth [apistia] C D L. ffydd; canys yn wir y dywedaf i chwi, Pe bai genych ffydd megys gronyn o hâd mwstard, chwi a ddywedech wrth y mynydd hwn, Symmud oddiyma draw, ac efe a symmudai: ac ni fydd dim yn anmhossibl i chwi. 21[Eithr#17:21 C D L La. [Tr.] Al.; Gad. א B Ti. WH. Diw. nid ä y rhywogaeth hon allan ond drwy weddi ac ympryd.]
Crist yn rhagddweyd yr ail waith ei farwolaeth.
[Marc 9:30–33; Luc 9:43–45]
22Ac fel yr oeddynt yn ymgasglu#17:22 Ymgasglu at eu gilydd [sustrephomenôn] א B Brnd.; yn ymdeithio [ana‐strephomenôn, yn ymsymmud i fyny a lawr] C D Diw. at eu gilydd#17:22 Ymgasglu at eu gilydd [sustrephomenôn] א B Brnd.; yn ymdeithio [ana‐strephomenôn, yn ymsymmud i fyny a lawr] C D Diw. yn Nghalilea, yr Iesu a ddywedodd wrthynt, Y mae Mab y Dyn i gael ei draddodi i ddwylaw dynion; 23a hwy a'i lladdant ef, a'r trydydd dydd y cyfodir#17:23 Y cyfodir א C D Ti. Tr. WH. Al.; y cyfyd B La. ef. A hwy a aethant yn drist iawn.
Rhyddid plant y Deyrnas.
24Ac wedi dyfod o honynt i Capernäum, y rhai oedd yn derbyn yr hanner‐sicl a ddaethant at Petr, ac a ddywedasant, Onid yw eich athraw chwi yn talu yr hanner‐sicl#17:24 Groeg, Didrachma, sef yr hanner sicl yr oedd pob Israeliad i dalu at wasanaeth y Deml; yr oedd yr ardreth hon i'w thalu yn arian cyntefig Israel, ac felly, yr oedd llawer o waith gan y cyfnewidwyr arian [gweler Exodus 30:12–16]? 25Yntau a ddywed, Ydyw. Ac wedi ei ddyfod ef i'r ty, yr Iesu a'i rhagflaenodd ef, gan ddywedyd, Beth yr wyt ti yn ei dybied, Simon? Breninodd y ddaear, oddiwrth bwy y cymmerant drethi#17:25 Telos, nwydd‐dreth, treth ar feddiannau neu drafnidiaeth. neu deyrnged#17:25 Kênsos (Lladin, census), cofrestriad, yna treth yn ol y cofrestriad. Felly, yr oedd hon yn dreth ar bersonau neu unigolion.? oddiwrth eu meibion eu hunain ynte oddiwrth estroniaid#17:25 Hyny yw, deiliaid.? 26A phan#17:26 A phan ddywedodd efe א B C L Brnd.; Petr a ddywedodd wrtho C. ddywedodd efe, Oddiwrth estroniaid, yr Iesu a ddywedodd wrtho, Yn sicr felly y mae y meibion yn rhyddion. 27Er hyny, rhag i ni achosi tramgwydd iddynt, dos i'r môr, a bwrw fach, a chymmer y pysgodyn a ddel i fyny yn gyntaf: ac wedi i ti agoryd ei safn, ti a gei sicl#17:27 Groeg, Statêr, yr hwn oedd gymmaint arall o werth â'r didrachmon, neu yr hanner‐sicl, ac felly yn ddigon i dalu am ddau., hwnw cymmer, a dyro iddynt drosof fi a thithau.
Dewis Presennol:
Matthew 17: CTE
Uwcholeuo
Rhanna
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
Cyfieithiad Newydd o'r Testament Newydd gyda Nodiadau gan Dr William Edwards. Cyhoeddwyd mewn 4 cyfrol 1894-1915.