Maroko 1
1
O Pipatnak ni Yohani o Paino'ay
(Matay 3.1-12; Luka 3.1-18; Yohani 1.19-28)
1O satapangan no Nga'ayay Ratoh to pakayniay i Wawa no Kawas#1.1 O roma a katlangay a cudad awaay i Wawa no Kawas. ci Yis Kristoan i, o mahaenay. 2Mado^do ko matiliday i cudad ni Isaya o pali'ayaway to sowal no Kawas toya,
<<O sowal no Kawas i, <Nengnengen, ocoren Ako ko paratohay to saki Takowanan i 'ayaw Iso.
O papatala cingra to malolalan Iso.>
3Ira ko ccay a milkalay i kohkohan a somowal,
<Patalaen ko malolalan no Tapang.
Songila'en ko malolalan Ningra,> >> sanay.
4Saka, ira ci Yohani i kohkohan, mipaino' to tamdaw ta mipatnak#1.4 Saka, ira ci Yohani i kohkohan, mipaino' to tamdaw ta mipatnak -- ira i roma a katlangay a cudad a matilid, So'linay ira ci Yohani o pa'inoay i kohkohan a mipatnak., <<Ka pasasiyor kamo to faloco' a milayap to ino', ta mahpol no Kawas ko raraw namo.>> 5Tayra sato i cingraan ko nai niyaro'ay no Yutaya ato nai Yirusalimay a tamdamdaw. Patalahkal cangra to raraw nangra saka, paino'en ni Yohani cangra i Yortan a 'alo.
6O nisanga'an to fanoh no lakota ko riko' ni Yohani. O rafir ko safaked ningra to tatlecan. O riri' ato waneng no 'odal no pala ko nikaenan ningra. 7Patnak cingra a somowal, <<O aira a tayni i ikor ako ko ikakaay ako ko 'icel a tamdaw. Caay ka tatodong kako a mahkakan#1.7 mahkakan -- o roma i, kakanan (ka'amis), hakakanan (katimol). a mitdal to kaos no cokap Ningra. 8O nanom ko sapaino' ako i tamowanan. Nikawrira, o Fangcalay 'Adingo ko sapaino' Ningra i tamowanan,>> saan.
O Pipaino' ato Salifet ci Yisan
(Matay 3.13--4.11; Luka 3.21-22; 4.1-13)
9Nanoya, ira ci Yis nai Nacali no Kalili a pala. Paino'en ni Yohani Cingra i Yortan a 'alo. 10Yo macakat ci Yis nai nanom i, ma'araw Ningra ko nika fawah no kakarayan. Ma^pod ko Fangcalay 'Adingo a matiya o topi a patfo i tireng Ningra. 11Itiya i, ira ko ngiha' nai kakarayan. Sowal sa, <<O kakaolahan Ako a Wawa Kiso, o kakahmekan Ako Kiso,>> saan.
12Itiyasato, tangsol a macoracor no Fangcalay 'Adingo ci Yis a patayra i kohkohan. 13Spat a polo' a romi'ad Cingra itira a lifeten ni Satan, malacafay ato 'a'adopen Cingra, nikawrira ira ko coyocoyoh a mihamham i Cingraan.
O Pitahidang ni Yis to Saspatay a Mifotingay
(Matay 4.12-22; Luka 4.14-15; 5.1-11)
14I ikor no nika rofo ni Yohani i, tayra ci Yis i Kalili a patnak to Nga'ayay Ratoh no Kawas a somowal, 15<<Maraodto ko romi'ad, mangatato a talahkal ko Kitakit no Kawas! Pipasasiyor to faloco' kamo a paso'lin to Nga'ayay Ratoh,>> han Ningra.
16Yo romakat ci Yis i lilis no fanaw no Kalili i, ma'araw Ningra ko pitafokod no tatosaay i fanaw, ci Simon ato safa ningra ci Antiri. 17Pasowal han ni Yis cangra, <<Katayni! Pitoor i Takowanan. Ta papisa'opoen Ako kamo to tamdaw a matiya o pifoting namo,>> han Ningra. 18Tangsol sa cangra a misawad to tafokod nangra a mitoor i ci Yisan.
19Tala'ayaw ci Yis to mamang i, ma'araw Ningra ko roma a malikakaay a tatosa, o wawa ni Cipitay ci Yakop ato safa ningra ci Yohani i tamina. Misolimet to salil cangra. 20Yo tahidang han ni Yis cangra i, liyas han nangra ko mama nangra ci Cipitay ato milifonay a tamdaw i tamina a mitoor i ci Yisan.
O Maaro'ay no Kaackan a 'Adingo
(Luka 4.31-37)
21Nanoya, tayra ci Yis i Kapirnaum. I Pasla'an a Romi'ad i, micomod ci Yis to kasa'opoan a loma' a pasifana'. 22Fahka' ko tamdamdaw a pakatngil to pakafana' ni Yis. Nawhani o no cisakowanay ko pakafana' Ningra, caay ka lcad to kalopasifana'ay to Rikec.
23Itiya i, ira a micomod i kasa'opoan a loma' ko maaro'ay no kaackan a 'adingo. Cli' sa ciira a somowal, 24<<Yisaw no Nacali, nawiro micara Kiso i tamiyanan saw? O sakatayni Iso i tini i, o sapalasawadaw Iso tamiyanan haw? Mafana' kako to nika o cima Kiso, o Fangcalay a niocoran no Kawas Kiso!>> saan.
25Lalangen ni Yis ko kaackan a 'adingo a somowal, <<Katomrep, kasadak nanitira tora tamdaw,>> han Ningra.
26Itiya i, pafickot han noya kaackan a 'adingo koya tamdaw. Lkal saan a masadak nai cingraan. 27Safahka' sa ko tamdamdaw saka, lalicalicay sa a somowal, <<O maan a dmakan konini? O fa^lohay a sifana' koni saw? Ci'icel ko pipalimo'ot Ningra, halokaackan a 'adingo a mitoor to sowal Ningra,>> saan.
28Mahaen saka, tangsol a matnak i polong no Kalili a pala ko ngangan ni Yis.
O Piadah ni Yis to 'Alomanay a Adadaay
(Matay 8.14-17; Luka 4.38-41)
29Nanoya, liyas sato cangra to kasa'opoan a loma'. Lahaklong sato ci Yakop aci Yohani a tayra i loma' na Simon aci Antiri. 30Malalisan ko ina no fafahi ni Simon. Saka, mafoti' cingra. Tahira ci Yis i, tangsol han nangra a pasowal ci Yis to nika adada ningra. 31Raoden ni Yis cingra a mitatoy to kamay ningra a palowad. Saka, fasaw sato ko lalisan ningra. Lowad sato cingra a mihamham i cangraan.
32Yo pisakalafian, sapiclemanto ko cidal i, patayraen no tamdamdaw i ci Yisan ko adadaay a ma^min ato maaro'ay no palafoay a tamdaw. 33Tihlom sato itiya ko polong no finawlan a masa'opo i fawahan. 34Adahen ni Yis ko ciadadaay to masamaamaanay a adada a ma^min. Fahfahen haca Ningra a pasadak ko 'alomanay a palafoay. Caay haydaen Ningra ko sakasomowalaw noya palafoay. Nawhani mafana' caira cima Cingra.
O Pipatnak i Kalili
(Luka 4.42-44)
35Yo to'manho to sakatosa a romi'ad to dafak i, maratar ci Yis a lomowad, ta miliyas to loma' a masadak, tayra i kato'olan. Mitolon Cingra itira. 36Tayra ci Simon ato kapot ningra a mikilim ci Yisan. 37Yo matama nangra ci Yis i, <<Mikilim ko tamdamdaw i Tisowanan,>> han nangra a somowal.
38Sowal sa ci Yis i cangraan, <<O tatayrayra aca kita i fiyaw a niyaroaro'. O papatnatnaken aca Ako ko i tiraay, nawhani onini ko patosokan Ako a tayni,>> saan.
39Saka, rakaten Ningra ko polong no Kalili a mipatnak i kasa'opo'opoan a loma', ta mifahfah to palafoay.
O Piadah ni Yis to Malono'ay a Adadaay
(Matay 8.1-4; Luka 5.12-16)
40Tayra i ci Yisan ko ccay a malono'ay a tamdaw. Pitosor sa cingra a mingitangit, <<Ano o faloco' Iso i, pakakorac Kiso i takowanan,>> saan.
41Saadayay sa ci Yis i cingraan. Saka, laya' sa to kamay a mikapa i cingraan. <<O faloco' Ako i tisowanan, kakoracto,>> han Ningra a somowal. 42Tangsol sa a maadah koya tamdaw, makoracto cingra. 43-44Itiya i, ca^des ko sowal ni Yis a palimo'ot i cingraan, <<Ka'imer. Aka ka somowal to maan aca i cimacimaan. Katayra kiso i citodongay to ta'ong a patiri' to tireng iso. Ta do^doen ko limo'ot ni Mosi a pacakat to maan i Kawas a pawacay i tamdamdaw to nika korac iso,>> han ni Yis a somowal a patangsol a papiliyas.
45Nikawrira, tayra cingra i cowacowa a palosiyang a paratoh to pakayniay i nika adah no tireng ningra. Saka, nanoya itira sato i lawac no niyaro' i kato'olan ci Yis. Caayto pa'araw cingra a micomod to niyaro'. Nikawrira, tayra ko nai cowacowaay a tamdaw i Cingraan.
Dewis Presennol:
Maroko 1: AMIS2019
Uwcholeuo
Rhanna
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
© The Bible Society in Taiwan, 2019