Luka 13
13
Ano caay Pifalic to Faloco' i, Matkop
1Itiya i, ira ko paratohay ci Yisan. Sowal sa, <<Yo mipato'aya a misalisin ko Kalili a tamdaw i, patayen ni Pilato cangra,>> saan. 2Pasowal sa ci Yis i cangraan, <<O sakahatira nora Kalili a tamdaw i, o nika ikaka no raraw no 'alomanay a Kalili a tamdaw ko raraw nangra aka ka saan ko harateng namo. 3Sowalen Ako kamo, ano kamoto i, ano caay pipasasiyor kamo to faloco' a pasayni i Kawas i, o mamalcadto kamo ato cangra a matkop a ma^min. 4O romasato yo mapolin ko pikacawan no Siloam a niyaro' i, mapa^kel a mapatay ko falo ko safaw a tamdaw. O sakahatira nora tamdaw i, o nika ikaka no raraw no 'alomanay a maro'ay i Yirusalim a tamdaw ko raraw nangra aka ka saan ko harateng namo. 5Sowalen Ako kamo, ano kamoto i, ano caay pipasasiyor kamo to faloco' a pasayni i Kawas i, o mamalcadto kamo ato cangra a matkop a ma^min,>> han ni Yis.
O Tinako to caay ka Cihci a Sokon a Kilang
6Itiya i, pasowal ci Yis to ccay a tinako. <<Ira ko ccay a tamdaw. Ira ko nipalomaan ningra a sokon a kilang i pisafadisoso'an ningra. Tayra cingra a sapialaan to hci noya sokon. 'Arawhani, awaay ko hci. 7Sowal sa cingra to maomahay ningra, <Toloto a mihca ko nipisataynini ako a minengneng to hci nonini a sokon a kilang, 'arawhani, awaay ko hci nira. Ano hatira i, ltek hanto. O mila'omay aca to sra konini,> han ningra. 8Paca'of sa koya maomahay a tamdaw a somowal, <Tawkiaw, palihaenenho tonini a mihcaan. Karkaren ako ko taliyok a mitanam a pahiliw#13.8 hiliw -- o no Ripon a sowal.. 9Ano cihci ano roma a mihca konini a kilang i, nga'ayay. Ano caay ka cihci i, nga'ayto a ltek hanto,> han ningra a somowal,>> han ni Yis.
O Piadah to Matakonolay a Fafahiyan i Pasla'an a Romi'ad
10Yo Pasla'an a Romi'ad i, pasifana' ci Yis i ccay a kasa'opoan a loma'. 11Itiya i, ira ko ccay a fafahiyan to maaro'ay no palafoay. Falo ko safaw no mihcaan ko nika adada ningra. Matakonol cingra, caay ka nga'anga'ay a fiyacen ningra ko tireng. 12Nengneng sa ci Yis toya fafahiyan. Tahidang han Ningra a somowal, <<Salikaka, maadahto ko adada iso,>> han Ningra. 13Ta kapa han ni Yis ko tireng noya fafahiyan i, tangsol sa a mafiyac ko koror ningra. Saka, hmek sato cingra to Kawas.
14Nikawrira, makter ko citodongay to kasa'opoan a kakridan to nipiadah ni Yis i Pasla'an a Romi'ad saka, sowal sa i finawlan, <<^Nem a romi'ad ko katayalan ita. Saka, kaitiya a romi'ad kamo a papiadah, caay ka nga'ay i Pasla'an a Romi'ad!>> han ningra.
15Pasowal sa ko Tapang i cingraan a somowal, <<Kamo o misamangahay ko dmak a tamdaw, ano cimato namo i, mitdal kamo to kolong ano ^ca i, o lofa namo. Kitingen namo nai pakolongan a patayra i cinanomay a pananom i Pasla'an a Romi'ad. 16Onini a fafahiyan i, o tloc ni Apraham. Falo ko safaw no mihcaan a mapalit ni Satan cingra. Saka, ano o paslasla'an a romi'ad i, caay ka nga'ay a mitdal cingraan saw?>> han Ningra a somowal. 17Saka, ngodo sato a ma^min koya pacoliay ci Yisan a tamdaw. Salipahak sato ko finawlan a ma^min to nika tadamaan no dmak Ningra a ma^min.
O Tinako to Falo no Kolang
(Matay 13.31-32; Maroko 4.30-32)
18Pasowal sa ci Yis, <<O maan ko milcaday to Kitakit no Kawas hakiya? O maan ko sapasasotiri' Ako hakiya? 19Matiya o ccay a falo no kolang. Alaen no tamdaw a paloma i padatengan ningra, yo lomahadto koya kolang i, malakilangto, ta haloma^feray a 'ayam a padipong i ca'ang niira,>> han ni Yis.
O Tinako to Tamod
(Matay 13.33)
20Pasowal haca ci Yis, <<O maan ko sapasasotiri' Ako to Kitakit no Kawas hakiya? 21Matiya o dmak no tamod ciira. Alaen no ccay a fafahiyan ko tamod a mipacamol i spat polo' a kongsen no aped no ^mi i, mafihahak konini a ma^min,>> han Ningra.
Kincoay a 'Adawang
(Matay 7.13-14, 21-23)
22Yo tayra ci Yis i Yirusalim i, sano nika tayra han Ningra ko pipasifana' Ningra i niyaroaro'. 23Itiya i, ira ko ccay a tamdaw a milicay i ci Yisan, <<Tapangaw, caay ka 'aloman ko mamapa'orip no Kawas saw?>> han ningra.
24Paca'of sa ci Yis i cangraan, <<Ka o kincoay a 'adawang ko sa'icelen namo a micomod. Sowalen Ako kamo, 'aloman ko sapicomodananay a tamdaw, nikawrira, caay pakacomod. 25Tinako sa, ano itiyato i nika hrek no tapang no loma' a mi'def to fawahan a mikongkong kamo, <Tapangaw, fawahenho kami a pacomod!> o sasaan kamo i papotal. Nikawrira, paca'of asa ko tapang, <Caay ka fana' kako to nika o nai cowaay a tamdaw kamo,> wa han ningra. 26Itiya i, sowal asa kamo, <Nano malakapotay kita a mitahka kiyami. Pasifana' kiso i niyaro' niyam kiyami,> o sasaan kamo. 27Nikawrira, pasowal asa koya tapang, <Caay ka fana' kako to nika o nai cowaay a tamdaw kamo. Piliyas kamo o tatiihay ko dmak a ma^min i takowanan,> wa han ningra. 28O mamafahkol kamo i papotal. Itiya i, o mama'araw namo ci Apraham ci Isak aci Yakop ato pali'ayaway to sowal no Kawas a ma^min i Kitakit no Kawas. Saka, itiyato kamo a tomangic a mingric to wadis. 29O tatayra ko naiwaliay, nai^tipay, nai'amisay, naitimolay a tamdaw i Kitakit no Kawas a mikapot a mitahka. 30Oya saikoray a tamdaw i, o mamalasa'ayawayto. O sa'ayaway a tamdaw i, o mamalasaikorayto,>> han ni Yis.
O Tangic to Saki Yirusalim
(Matay 23.37-39)
31Itiya i, ira ko papinapina a Farisay a tamdaw a tayra i ci Yisan a pasowal, <<Olili, piliyas tonini a niyaro'. Nawhani sapipatayan Tisowanan ci Hiroti,>> han nangra.
32Paca'of sa ci Yis i cangraan, <<Olili. Pasowalen koya koyo, <Anini ato anocila i, mifahfah Kako to palafoay a pasadak nai tamdaw. Miadah Kako to adadaay a tamdaw. Ta sakatolo a romi'ad i, malahci Ako ko dmak Ako.> 33Nikawrira, anini anocila anoci:la i, o papararid Kako a mirakat to niyaroaro' a matayal tangasa i Yirusalim. Nawhani o aitiratira aca i Yirusalim a mapatay ko pali'ayaway to sowal no Kawas saan, han ko sowal,>> han ni Yis.
34<<Aya: kamo o Yirusalim a tamdaw, patayen namo ko pali'ayaway to sowal no Kawas. Tkolen namo to fokloh a mipatay ko niocoran a patayra i tamowanan a tamdamdaw. Kinapinapi:nato Kako a mangalay a misa'opo to finawlan namo a matiya o pisa'opo no tawinaan to ciwciw i laloma' no sapikpik nira i, caay kakahi kamo. 35Orasaka, o mamaforifor a mafalah ko loma' namo. Sowalen Ako kamo, caayto ko mama'araw namo Kako tangasa i nika somowal namo toya, <Nanay mapakalmed no Kawas ko niocoran no Tapang pakayni i ngangan Ningra,> sanay a sowal,>> han ni Yis.
Dewis Presennol:
Luka 13: AMIS2019
Uwcholeuo
Rhanna
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
© The Bible Society in Taiwan, 2019