Exodus 16
16
1 Yr Israeliaid yn dyfod i Sin; 2 ac yn tuchan o eisiau bara. 4 Duw yn addo iddynt fara o’r nefoedd. 11 Danfon soflieir, 14 a manna. 16 Trefn y manna. 25 Na cheid ef ar y dydd Saboth. 32 Cadw llond omer ohono ef.
1A hwy a symudasant o Elim; a holl gynulleidfa meibion Israel a ddaethant i #Num 33:11anialwch Sin, yr hwn sydd rhwng Elim a Sinai, ar y pymthegfed dydd o’r ail fis, wedi iddynt fyned allan o wlad yr Aifft. 2A holl gynulleidfa meibion Israel a duchanasant yn erbyn Moses ac Aaron yn yr anialwch. 3A meibion Israel a ddywedasant wrthynt, O na buasem feirw trwy law yr Arglwydd yng ngwlad yr Aifft, #Num 11:4, 5pan oeddem yn eistedd wrth y crochanau cig, ac yn bwyta bara ein gwala: ond chwi a’n dygasoch ni allan i’r anialwch hwn, i ladd yr holl dyrfa hon â newyn.
4Yna y dywedodd yr Arglwydd wrth Moses, Wele, mi a lawiaf arnoch #Salm 78:24, 25; 105:40; Ioan 6:31, 32; 1 Cor 10:3fara o’r nefoedd: a’r bobl a ânt allan, ac a gasglant #Diar 30:8; Mat 6:11ddogn dydd yn ei ddydd; fel y gallwyf eu #Pen 15:25; Deut 8:2, 16profi, a rodiant yn fy nghyfraith, ai nas gwnânt. 5Ond ar y chweched dydd y darparant yr hyn a ddygant i mewn; a #Edrych Lef 25:21hynny fydd dau cymaint ag a gasglant beunydd. 6A dywedodd Moses ac Aaron wrth holl feibion Israel, #Edrych ad. 13Yn yr hwyr y cewch wybod mai yr Arglwydd a’ch dug chwi allan o wlad yr Aifft. 7Y bore hefyd y cewch weled #Edrych ad. 10gogoniant yr Arglwydd; am iddo glywed eich tuchan chwi yn erbyn yr Arglwydd: a pha beth ydym ni, i chwi i duchan i’n herbyn? 8Moses hefyd a ddywedodd, Hyn fydd pan roddo yr Arglwydd i chwi yn yr hwyr gig i’w fwyta, a’r bore fara eich gwala; am glywed o’r Arglwydd eich tuchan chwi, yr hwn a wnaethoch yn ei erbyn ef: oherwydd beth ydym ni? nid yn ein herbyn ni y mae eich tuchan, ond #Edrych 1 Sam 8:7; Luc 10:16; Rhuf 13:2yn erbyn yr Arglwydd.
9A Moses a ddywedodd wrth Aaron, Dywed wrth holl gynulleidfa meibion Israel, Deuwch yn nes gerbron yr Arglwydd: oherwydd efe a glywodd eich tuchan chwi. 10Ac fel yr oedd Aaron yn llefaru wrth holl gynulleidfa meibion Israel, yna yr edrychasant tua’r anialwch; ac wele, gogoniant yr Arglwydd #Pen 13:21a ymddangosodd yn y cwmwl.
11A’r Arglwydd a lefarodd wrth Moses, gan ddywedyd, 12Clywais duchan meibion Israel: llefara wrthynt, gan ddywedyd, Yn yr hwyr cewch fwyta cig, a’r bore y’ch diwellir o fara: cewch hefyd wybod mai myfi yw yr Arglwydd eich Duw chwi. 13Felly yn yr hwyr y #Num 11:31; Salm 105:40soflieir a ddaethant, ac a orchuddiasant y wersyllfa; a’r bore yr oedd caenen o wlith o amgylch y gwersyll. 14A phan #Num 11:7; Neh 9:15; Salm 78:24; 105:40gododd y gaenen wlith, wele ar hyd wyneb yr anialwch dipynnau crynion cyn faned â’r llwydrew ar y ddaear. 15Pan welodd meibion Israel hynny, hwy a ddywedasant wrth ei gilydd, #16:15 Nen, Beth yw hwn? neu, Rhan yw.Manna yw: canys ni wyddent beth ydoedd. A dywedodd Moses wrthynt, #Ioan 6:31; 1 Cor 10:3Hwn yw y bara a roddodd yr Arglwydd i chwi i’w fwyta.
16Hyn yw y peth a orchmynnodd yr Arglwydd; Cesglwch ohono bob un yn ôl ei fwyta: omer i bob #16:16 Heb. pen.un yn ôl rhifedi eich eneidiau; cymerwch bob un i’r rhai fyddant yn ei bebyll. 17A meibion Israel a wnaethant felly; ac a gasglasant, rhai fwy, a rhai lai. 18A phan fesurasant wrth yr omer, #2 Cor 8:15nid oedd gweddill i’r hwn a gasglasai lawer, ac nid oedd eisiau ar yr hwn a gasglasai ychydig: casglasant bob un yn ôl ei fwyta. 19A dywedodd Moses wrthynt, Na weddilled neb ddim ohono hyd y bore. 20Er hynny ni wrandawsant ar Moses, ond gado a wnaeth rhai ohono hyd y bore; ac efe a fagodd bryfed, ac a ddrewodd: am hynny Moses a ddigiodd wrthynt. 21A hwy a’i casglasant ef bob bore, pob un yn ôl ei fwyta: a phan wresogai yr haul, efe a doddai.
22Ac ar y chweched dydd y casglent ddau cymaint o fara, dau omer i un: a holl benaethiaid y gynulleidfa a ddaethant ac a fynegasant i Moses. 23Ac efe a ddywedodd wrthynt, Hyn yw y peth a lefarodd yr Arglwydd; Yfory y mae #Gen 2:3gorffwysfa Saboth sanctaidd i’r Arglwydd: pobwch heddiw yr hyn a boboch, a berwch yr hyn a ferwoch; a’r holl weddill, rhoddwch i gadw i chwi hyd y bore. 24A hwy a’i cadwasant hyd y bore, fel y gorchmynasai Moses: ac ni ddrewodd, ac nid oedd pryf ynddo. 25A dywedodd Moses, Bwytewch hwn heddiw; oblegid Saboth yw heddiw i’r Arglwydd: ni chewch hwn yn y maes heddiw. 26Chwe diwrnod y cesglwch chwi ef; ond ar y seithfed dydd, yr hwn yw y Saboth, ni bydd efe.
27Eto rhai o’r bobl a aethant allan ar y seithfed dydd, i gasglu; ond ni chawsant ddim. 28A’r Arglwydd a ddywedodd wrth Moses, Pa hyd y gwrthodwch gadw fy ngorchmynion a’m cyfreithiau? 29Gwelwch mai yr Arglwydd a roddodd i chwi y Saboth; am hynny efe a roddodd i chwi y chweched dydd fara dros ddau ddydd: arhoswch bawb gartref; nac aed un o’i le y seithfed dydd. 30Felly y bobl a orffwysasant y seithfed dydd. 31A thŷ Israel a alwasant ei enw ef Manna: ac #Num 11:7yr oedd efe fel had coriander, yn wyn, a’i flas fel afrllad o fêl.
32A Moses a ddywedodd, Dyma y peth a orchmynnodd yr Arglwydd; Llanw omer ohono, i’w gadw i’ch cenedlaethau; fel y gwelont y bara y porthais chwi ag ef yn yr anialwch, pan y’ch dygais allan o wlad yr Aifft. 33A Moses a ddywedodd wrth Aaron, #1 Bren 8:9; Heb 9:4Cymer grochan, a dod ynddo lonaid omer o’r manna; a gosod ef gerbron yr Arglwydd yng nghadw i’ch cenedlaethau. 34Megis y gorchmynnodd yr Arglwydd i Moses, felly y gosododd Aaron ef i gadw gerbron y dystiolaeth. 35A meibion Israel a fwytasant y manna ddeugain mlynedd, #Jos 5:12; Neh 9:15nes eu dyfod i dir cyfanheddol: manna a fwytasant nes eu dyfod i gwr gwlad Canaan. 36A’r omer ydoedd ddegfed ran effa.
Dewis Presennol:
Exodus 16: BWM1955C
Uwcholeuo
Rhanna
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
Adolygiad Parry/Davies o Feibl William Morgan gyda chroesgyfeiriadau © 1955 Cymdeithas y Beibl Prydeinig a Thramor
The Parry/Davies revision of the William Morgan Bible with cross-references © 1955 British and Foreign Bible Society