John 15
15
1Nūgwa um aulā kyal qāḵulā, hī mīs un Umpā aāḵsīlā.
2Kā nāhwē klināk uḵātlā gāḵun kīs nūnawīmas‐īlā hī um uḵūtsūs ī; wa yiḵī da nāhwē klināk nūnawīmas‐īlā, hī um aēkyāsūs‐ī, kā kīnāqilīs nūnawīmas as.
3Wa lāh dāḵw ums ekyā kā ī da wātldum ī yiḵun lā wātldum ūkl.
4Kupētlāk sē umā gla wun kun kupētlāk sē mī glūs: kā īḵs kīyosa ī qīh‐īda ās ī da klināk qilīxum nūnawīmas‐īla, hīga umḵs uḵātlā ī lāḵā qāḵulā; wa kīyos um ḵa ā wīs is qīh‐īda āsā, hīgā um kāsū kupētlāk sē um‐kl gla wun.
5Nūgwa um qāḵula, sūk dāḵw mīs klināks, yiḵī da kupetlāk sē um klā gla wun, kun kupētlāk sē mī‐kl glū klī, hī um kīnum klis nūnawīmas‐īlī‐kl, kīyosī lāḵ ā kūs qīgīlas lāḵ kāsū ūgwilātla um lāḵ gāḵun.
6Gil ma ī da bagwānum kīs kupētlā gla wun, lā tā zuḵ‐īdāyau hī qīxī da klināk, kās hwils‐īdī, lā kupēsa wā, kās lāhklā‐nawī lāḵā gwiltā, la hyīḵ‐īdā
7Gilh dāḵw mī klā kūs kupētlāk sē um‐kl gla wun, gla wun wātldum ī kupētlāk sē um glūs, lāh dāḵw klis uḵkyālā‐kl ḵīs mas kla ūs qayū‐kl, lā klī hī‐um‐kl qēlā yū‐kl lūkl
8Ga mīs la glorify ḵun Umpa, kāh dāḵws kīnum ī sīs nūnawīmas ūs; la mīs is nūs dāḵw‐kl disciples‐kl.
9Hī qīxī da Umpā‐ḵs tlāhwilā nūqa un lin ūgwākā tlāhwilā nūq ūs, kupētlāk sēh dāḵw um a lāḵ un naukāyī.
10Gilh dāḵw mī klā kūs āḵīlā‐kl ḵun wātldum ī, lāh dāḵw klis kupētlāk sē um‐kl gla wun nauḵāyī, hī qīx in lā‐īnāyī āḵīlāh duḵ wātldum ā sun Umpā, glū kupētlāk sē um glū naukāyā sī.
11Hī mun lā gītl nīḵs lūkl kā gīgākayī sin ekyīkulā lūkl, glū kā kūtī sīs hūs ūs ekyīkula.
12Ga mun nūs wātldum gāda, kās tlāhwilā pah dāḵwa ūs, hī qīx in tlāhwila nūqī‐nī nūq ūs.
13Kīyosa ī bagwānum uknūgwādis naukayā awīlā‐kāwīs gāda, ḵā numūq bagwānum zaw sīs baqīnāyī kā īs glīgla‐glaula.
14Sū mīs un glīgla‐glaulas kāsū hī lāḵ qīgīla lāḵ un wātldum ūkl.
15Kīs in la glīkulās hīlūbātl‐zanāyī lāh dāḵw ūkl kā ī dā hīlūbātl‐zanāyāḵs kīsa ī kauklilāḵ qīgīlasā sīs gīkumāyī: lā tin glīḵ‐īdis glīgla glaula lūkl: kāḵ gin lēg khālā‐mātsa nāhwē un wuglitl lāḵ un Umpa lūkl.
16Kīsa ā kūs sū kūklā gāḵun, nūgwa ā glas kūklūkl, glū qayūbis‐ūkl, kās lāh dāḵwa ūs nūnawīmas‐īla, hī mīs kā dūda‐kiwīsī sīs nūnawīmas ūs: kā zaw mī‐kl tsī da Umpa sīs mās lāḵa ūs ūḵkyāla sū‐kl lāk ī, lāḵun glīkum ī.
17Ga mī sin wātldum ūklī gādā, kās tlāhwilā‐pah dāḵwa ūs.
18Gil ma asūḵ da awīnāgwīs īḵ ḵlīsī‐lūkl, kauklilāh dākw mī tsī kūḵs klīsīla īḵ gāḵun gālā‐kawī sīḵs la ī klīsī‐lūkl.
19Gilhdāḵw mī lāḵā kūs gāyūtl lāḵwā awīnāgwīs īḵ, lā lā ḵūk da awīnāgwīs īḵ tlāhwila nūq sīs uḵī: wa kā īs kīzīnīh dāḵwūs gāyūtl lāḵwā awīnāgwīs īḵ, kūglānum ī gā glūkl lāḵwā awīnāgwīs īḵ, hī mīs lāgītl tsūḵ da awīnāgwīs īḵ klīsī‐lūkl.
20Khātlā‐la ḵūn wātldum īḵ gin nikī gūkl, ḵa hībūbātl‐zanāyāḵs kīsa ī awīlā‐kāwī sīs gīkumāyī: gilhdāḵw ma āḵs lā māmīklātlā gāḵun, lāh dāḵw klūḵ māmīklātlā um‐kl kād lūkl; gilhdāḵw ma āḵs la āḵīlā ḵun wātldum ī, lāh dāḵw klūḵ aḵīlā‐kl ḵa ā ḵīs wātldum ūs.
21Gēs tā mīs glātl qīgīlas klis ūḵ lūkl kā un glīkum, kā ūḵs kīsa īḵ kauklilā ḵā yālakum nūqā un.
22Gil mī lāḵs di gin kīs gāḵ nīk yuq, kīs dāḵw lāḵs di tūḵ yāksāmā, kīyos tā la kumkyālā yū sūk kā ūs yēkīnāyīḵ.
23Yiḵī da klīsīlē gāḵun klīsīla um ḵa ā wīsī ḵun Umpā.
24Gil mī lāks di gin kīs hī qīgīlāq yiḵ kisi qīgīlats ūgwilē bagwānum, kīs lāḵs di tūḵ yāksamā: wa la mūḵ dūqila lāḵa ūḵ klīsīla gāḵun gla wun Umpā.
25Wa hī mīs glātl lāgītl tsūḵ hī qēlī, kā aulī sī da wātldum ī kyātātla lāḵūḵ kyāduq dāḵwāḵs, klīsīlah dāḵwa ī gāḵun kā kīyo.
26Gil um‐kl wīs glī da Hāyātlilkulē gāḵ‐kl, ḵun yālākum klā gēh‐īd‐kl lāḵā Umpa, yiḵī da Spirit as aula, ḵā gayūtl zaulē lāḵā Umpā, hī umkl lā‐kl zikyātlilā klun.
27Wa lāh dāḵw kla ḵa ās zikyātlilākl, kāīs qātlilā inā yūs kupētla gla wun.
Dewis Presennol:
John 15: Kwak
Uwcholeuo
Rhanna
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
Historical texts first published by the British and Foreign Bible Society 1882-1897. These texts were digitised for the Canadian Bible Society.