John 16
16
1Nīkin klasig lūkl, gwākutli gūkl qih‐īdā matsa‐wā.
2Kyāya wil‐zumh dāḵw klis lāḵā synagogue: kēgl, gāh um qāsū tlilī da hīh dum klā qēlas klūkl, ḵā ungwā ḵla tlilā mas klūkl, wūtl‐um klī nīk‐kl ek‐āgīklīs qīh‐īda as yisa īkē Gīkumī.
3Hī um lāgītl klis hī qīgīlā klī, kā īs kīzīnīh dāḵw kauklilā ḵā Umpa, kīs kād kauklilā gāḵun.
4Hī din lāgītl nīk sig lūkl, kū lā‐kl hī qēlā klī, kās gīgaī‐kulāk dāḵwī klūs āk ḵgin nītlī gūklās: wa kīs din qātlil nīk sig lūkl, kā un kupētlā īnī umk dī glūs.
5La um glin lā‐kl lākā yālākum nūqā un, wa kīyos tas wuklā nūq gāḵun, wī klas lī?
6Kā un la‐īnāyī nīks gin wātldāmi lēlag lūkl, hī um lāgītl tsū aulā zihyilūs naukayā kūs.
7Kāḵ gin kīs‐īg au‐um wālā lūkl, aulī gin wātldumg yiḵs ekyā ī kāh dāḵws kun lē: kā īḵs kīsī kla gāḵ klī da Hāyātlilkulē lūkl kun klu kīs lā klū: gil mī glātl gin lā‐kl, lā klin yālākā‐kl tsī lukl.
8Wa yikī kū gāḵ‐kl glīḵsāla‐kl ḵwā awīnāgwīs īḵ lāḵ yēkināyī glū ēgālazī glū dādalītā
9Lāḵ yekīnāyī kā īs kīzīnīh dākw ūqis gāḵun;
10Lāḵ egālazī kā un la‐īnī‐kl lā ḵā Umpā lāh dāḵw klis qātl dūqilā‐kl gāḵun,
11Lāḵ dādalītā, kā ūḵ da gīkumāyāḵ sa awīnāgwis āḵ lā īḵ dādalītā sa wa.
12Kīnum gin wotldumī kīgā ūkl, lā tas kīs dāḵw hītl‐āzaulā kig.
13Wa yiglātl kī kū gāḵ‐kl, ḵā Spirit as aulā, zāzumk sīlā klūkl lāk nāhwā aulā: kā īḵs kīsī klā qilī kyāla um‐kl, hīma ā glīs mās nāhwā klā wuglitl‐kl, hī um wātldum klisayī: lā klī nītla klūkl sā gāḵ kla.
14Glorify klī gāḵun kā īḵs uḵ‐īdī kla lāḵa nūsī kās nītlī klīsi lūkl.
15Yīḵā nāhwā uḵ sa Umpā nūsmī: hīmī sin lāgītl nīkī, uḵ‐īdī kla lāḵā nūsī kās nītlī klisī lūkl.
16Numātlātlā bīdū‐kl, kāsū lāh dāḵw‐kl ḵīs dūqilā‐kl gāḵun: wa ītid numātlātla bīdū‐kl lāh dāḵw klis dūqilā‐kl gāḵun, kā un la‐īnīkl lāḵā Umpā.
17Hī mīs lāgītl tsī da waūqī lāḵ disciples as nīkyā‐yā pāla, mā zūḵ wātldum āḵs gāḵunts, numātlātlā bīdū‐kl kāsu lāh dāḵw‐kl kīs dūqilākl gākūn, wa ītīd numātlātla bīdū‐kl lāh dāḵw klis dūqilā‐kl gāḵun: glū, kā un la‐īni‐kl lāḵā Umpā?
18Lāh dāḵwītl as nīkyā, mā zūḵ wātldum āḵs, numātlātla bīdu‐kl, wīlāqunts kauklila ḵūḵ wātldum āḵs.
19Dūqilā mīsī Jesus ā kīḵs wuklīḵs dih dāḵwa āk, la nīk yuk, wāklā pah dāḵwa sa, ḵgin nīk yīk, numātlātlā bīdū‐kl kāsū lāh dāḵw kīs dūqilā‐kl gāḵun, wa ītīd numātlātla bīdū‐kl, lāh dākw klis dūqilā‐kl gāḵun.
20Aulī gin nīk ūkl, yiḵs qāsāh dāḵwī kla kūs lāgwātl‐kl, lā glā klūḵ da awīnāgwīs īḵ ekīkulālā‐kl: zihyilāq dāḵw klis, lā glā tā klīs zihyilā yūs naukī ekīkulā mātsu‐kl.
21Gil mā ī da zidāk māmāyū klā, la zihyilāqā, kā īḵs gāḵā ī gāḵ āklilīs hīh dum qēlā klī; wa gil mīs gla māyūtl īda, la kis auglātā la gīga‐īkulā ḵīs qāyilkātla ās dē, kā īs lā ekīkulā sīs māyūglum āḵs gāḵa ī.
22Wa lāgītl dāḵwūs zihyilāqā; lā glā tā klin dūqila um‐kl ītīd klūkl, lā klūs naukāyā kūs ekīkulā‐kl, wa yiḵīs ekīkulā kla ūs kīyos numūq uḵ‐īd kla kī lūkl.
23Wa lāḵī da nālā klā kīyos dāḵw klis wuklā sū‐kl gāḵun: aulin nīk ūkl, gilhdāḵw mī klā kūs uḵkyālā sū nūq‐kl lāḵā Umpā, lā mī sī zaw klisī lūkl, lāḵ un glīkum.
24Kīyos dāḵw mīs glas uḵ‐kyālā sū lāḵ un glīkum, uḵ‐kyālāla lāh dāḵw klis lo‐kl, kā kūtī sīs ekīkula yūs.
25Tāyaulin kla sig lūkl: qātldum nūq um glā klin tāyaula klūkl, kun klū lā‐kl nītlā klūklā sa Umpa.
26Hī mī sis lāh dum‐kl uḵ‐kyālā‐kl lāḵ un glīkum: kīs tun lā nīk ūklāḵ gin hawāḵ‐ūlī kla gā ḵā Umpā kās:
27Kā ī da Ump āḵs tlāhwilā nūqā yūs, kā īs la‐īnīh dāḵwūs tlāhwila nūqun, glūḵs lā īḵ ūqis un gāyā nāqil lāḵā Umpā.
28Gāyā nāqilun lāḵā Umpā, gāḵ un lāḵwā awīnāgwīs īḵ: la mī sin bo‐kl sa awīnāgwīs īḵ kun lē ītīd lāḵā Umpā.
29Lī disciples as nīkyā, wa, hī ums ātlī hīlālī, kīsis lā tāyaulā.
30Lā wīs glā nūh kautl‐āklilāḵs kauklila ā kūs āḵ nāhwā, kīs ḵād lā woklīmas ungwē bagwānum; la munūh ūqis īd tsīk yiḵs gāyā nāqila ā kūs lāḵ God.
31Lī Jesus nānāḵmīk, lāh dāḵw mās ūqisa ā?
32Dūqātlā la‐gā qāsūtlilā, gāḵ mūḵ ḵīs lāh dumh daḵw klūs gwītl‐īd‐kl, nāhwā bagwānum lā ḵīs husāk, kās lē‐kl numūgwīs aula um‐kl gāḵun: kīs ḵād numūgwīs um‐kl, kā ī da Umpā‐ḵs kupētla ma ā gla wun.
33Nīkin klas ig lūkl, kās hītlilkulāh dāḵwa ūs gāḵun: tlālāwotlilāh dāḵwis lāḵwā awīnāgwīs īk: ekīkulāh dāḵw la hyī glākl, la mun tloq lāḵwā awīnāgwīs īḵ.
Dewis Presennol:
John 16: Kwak
Uwcholeuo
Rhanna
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
Historical texts first published by the British and Foreign Bible Society 1882-1897. These texts were digitised for the Canadian Bible Society.