Adnodau Beiblaidd Poblogaidd o John 15

Rhanna

Nūgwa um qāḵula, sūk dāḵw mīs klināks, yiḵī da kupetlāk sē um klā gla wun, kun kupētlāk sē mī‐kl glū klī, hī um kīnum klis nūnawīmas‐īlī‐kl, kīyosī lāḵ ā kūs qīgīlas lāḵ kāsū ūgwilātla um lāḵ gāḵun.

Kupētlāk sē umā gla wun kun kupētlāk sē mī glūs: kā īḵs kīyosa ī qīh‐īda ās ī da klināk qilīxum nūnawīmas‐īla, hīga umḵs uḵātlā ī lāḵā qāḵulā; wa kīyos um ḵa ā wīs is qīh‐īda āsā, hīgā um kāsū kupētlāk sē um‐kl gla wun.

Gilh dāḵw mī klā kūs kupētlāk sē um‐kl gla wun, gla wun wātldum ī kupētlāk sē um glūs, lāh dāḵw klis uḵkyālā‐kl ḵīs mas kla ūs qayū‐kl, lā klī hī‐um‐kl qēlā yū‐kl lūkl

Kīsa ā kūs sū kūklā gāḵun, nūgwa ā glas kūklūkl, glū qayūbis‐ūkl, kās lāh dāḵwa ūs nūnawīmas‐īla, hī mīs kā dūda‐kiwīsī sīs nūnawīmas ūs: kā zaw mī‐kl tsī da Umpa sīs mās lāḵa ūs ūḵkyāla sū‐kl lāk ī, lāḵun glīkum ī.

Kīyosa ī bagwānum uknūgwādis naukayā awīlā‐kāwīs gāda, ḵā numūq bagwānum zaw sīs baqīnāyī kā īs glīgla‐glaula.

Kā nāhwē klināk uḵātlā gāḵun kīs nūnawīmas‐īlā hī um uḵūtsūs ī; wa yiḵī da nāhwē klināk nūnawīmas‐īlā, hī um aēkyāsūs‐ī, kā kīnāqilīs nūnawīmas as.

Ga mun nūs wātldum gāda, kās tlāhwilā pah dāḵwa ūs, hī qīx in tlāhwila nūqī‐nī nūq ūs.

Ga mīs la glorify ḵun Umpa, kāh dāḵws kīnum ī sīs nūnawīmas ūs; la mīs is nūs dāḵw‐kl disciples‐kl.

Nūgwa um aulā kyal qāḵulā, hī mīs un Umpā aāḵsīlā.

Gil ma ī da bagwānum kīs kupētlā gla wun, lā tā zuḵ‐īdāyau hī qīxī da klināk, kās hwils‐īdī, lā kupēsa wā, kās lāhklā‐nawī lāḵā gwiltā, la hyīḵ‐īdā

Hī mun lā gītl nīḵs lūkl kā gīgākayī sin ekyīkulā lūkl, glū kā kūtī sīs hūs ūs ekyīkula.

Gilh dāḵw mī klā kūs āḵīlā‐kl ḵun wātldum ī, lāh dāḵw klis kupētlāk sē um‐kl gla wun nauḵāyī, hī qīx in lā‐īnāyī āḵīlāh duḵ wātldum ā sun Umpā, glū kupētlāk sē um glū naukāyā sī.

Ga mī sin wātldum ūklī gādā, kās tlāhwilā‐pah dāḵwa ūs.

Gilhdāḵw mī lāḵā kūs gāyūtl lāḵwā awīnāgwīs īḵ, lā lā ḵūk da awīnāgwīs īḵ tlāhwila nūq sīs uḵī: wa kā īs kīzīnīh dāḵwūs gāyūtl lāḵwā awīnāgwīs īḵ, kūglānum ī gā glūkl lāḵwā awīnāgwīs īḵ, hī mīs lāgītl tsūḵ da awīnāgwīs īḵ klīsī‐lūkl.