Luke 20
20
Teȣasen-aton teioteriȣasonterakȣen Oriȣatokenti tsini hoiaton Roiatatokenti Luc.
1Tsinikariȣes sakotatiskȣe oni sakorionniennihakȣe Ononsatokentikoȣane, eh ȣahonneȣe ne ratitsihenstakȣeniios, ratiiatons oni ratiianerenseronni.
2Ȣahonniron, tsi ȣahonȣaȣennarane: takȣarori kah nitisakȣeniatserenha kehiken nonȣa nisierha; ok ne ens onka iakȣeniatseraȣi?
3Nok ne Iesos ȣahenron tsi tontasakoȣennaȣeron: tsioriȣat oni nii enkȣariȣanontonse, nok tontakȣariȣaserakȣas.
4Karonhiakekha kenh ne San raotenokȣahestak katen onȣentsiakekha?
5Rontonhakȣe ne raotinikonrakon: toka enhiakȣenron karonhiakekha, enthenron ȣahi oh kati nontieren tsi iah tetiseȣetakȣen.
6Nok nenhiakȣenron onȣentsiakekha, onkȣeokon nehne enhionkhinenhioiake; aseken akȣekon ok tiakaȣetakȣenne tsi Rotokense ne San.
7Ne kati ȣaonni ȣaonniron: iah othenon teionkȣaterientare, kah nitiaȣenonne.
8Tontahenron ne Iesos: Iah ki oni nii takȣarori, kah nitkieratha tsini kierha.
9Ethone are onen tonsasakoriȣakentonkȣen nonkȣeokon ȣahenron: Enskat oni nah neronkȣe ȣahanenharaientho, nok ratinenharaienthos ȣasakohni, nok kariȣes tsinahe rotention.
10Nok tsiniȣaiaris raonnhatsera iahotori ȣahaiakoha; nok tanon ne ratinenharaienthos niarekȣe ȣahonȣasokȣaȣesson nok rahoiatoskon sahonȣatori.
11Sekon tihaiatate ionsahotori, eh oni nehne nontahonȣaierase, nok tontahonȣatekȣate.
12Sekon ionsahotori nasen-aton: tahonȣakareȣatanion oni nehne nok astste tahonȣaiatonti.
13Ethone onen ȣahenron ne rotenenharhare: One kenh nenkiere? Riienha neh nakȣa thinoronkȣa ienhiiatori, toka nah nehne tenhonȣarhoton.
14Nok ne ratinenharaienttos ȣahonniron nonen siiahonȣaken tare; Neh ȣahi tohiken ne raoȣenk seȣatonsere; enhnio kati hetsiteȣario, nok ii onkȣaȣenk enȣaton tsini hoien.
15Astste ionsahonȣaiatonti nok ȣahonȣario. Oh onte nenhatiere ne ranenharakȣeniio?
16Tentre, nok enhatennhane enhonȣanaȣentho tohiken ratinenharaienttos, nok akoren ensesakohnenharani. Nok ne rononha tahonniron: iah ki onte eh teiaȣensere!
17Ȣasakotkathoseron, nok ȣahenron: nahoten kati nehne kenton tsini kaiaton: Neh ne rotineniasȣenhon ne ratinonsonni, neh ȣakanenhiakȣeniione tsi tekaiosaien?
18Onkakiok eh enhaiatienenne onenhiake, tenhaia tarine; nok tenhoiatorarake nonka enhorrienenne.
19Ratitsihenstakȣeniios oni ne ratiiatons, ȣahontenienten nok saok ahonȣaiena: aseken ȣahotinikonraientane tsi rononha ȣatesakoriȣakentonkȣate: onkȣeokon ki sesakotistsaniskȣe.
20Onen senha ȣahonȣanehtentakte, neh nonȣa ionsahonȣanatori nakȣa karionnienni oni rontatonnis aontaionkȣetaierike, natahatiierekenha nahoȣennakarenrako nok neh ahostonte kaianerensera akonȣanaskon.
21Kenh kati nahatiiere tsi ȣahonȣaȣennarane, ȣahonniron; Seȣenniio! ionkȣaterientare tsi neok ne kaȣennanorons teseȣenninekens, neok oni ne tkariȣaieri serionnienni, nok oni tsi iah tatosonkȣetaiestasions akȣa oni neok noriȣiio tsinisherionnienni ne Niio raoriȣasonha.
22Ionkȣateriȣaienni kenh naiakȣakariake tsini sonkȣakaraienni ne Cesar, katen iah?
23Roterientaratsion ne raonha tsini hotinikonraieraton, ȣasakaȣenhase: Ohniiotieren tsi iseȣere askȣanikonrhaten?
24Takȣanatonhas toh nikaȣistoten: onka eh kasennare oni kakonsare? tahonniron Cesar:
25Tontahenron: Satsitsion kinioh ne Cesar tsinahoten Cesar raoȣenk, nok Niio ne Niio raoȣenk.
26Iah othenon teshotiriȣatsenrion ne tahontahonȣaȣennaȣeronke akohenton nonkȣeokon, akȣa neok ne rotinerakohon nok thatontotate.
27Onen nonȣa Sadusean nehne rontennoȣentha tsi tsiontonnhests; sahonȣateranentakten nok ȣahonȣariȣanontonse.
28Ȣahonniron; Seȣenniio! Moïs raȣen tsi sonkȣaianerenseraȣi, onkakiok enhrenheie roniakon nok iah tehoȣiraientaon, neh ne teiatennontere shotiniak ne iotereons, aotȣatsironnien ne rotsikenha.
29Enskat kati ne tsiatak natehontennontere, ȣahoniake ne takoȣanen, nok ȣarenheie iah tehoȣiraien.
30Nehne shokenha sahotiniake, iah oni nehne tehoȣiraientaon nok ȣarenheie.
31Onen neh nasenhaton sahotiniake, tsiniiore iathotinenrokten ne tsiatak natehontennontere akȣekon ȣahonniheie nok iah onka teioȣiraientaon.
32Nok onaken iahaonniate ne tsiothonȣisen ȣakenheie.
33Kah kati nikaien ensroneke nonen entsiontonnhete? akȣekon seȣahi niiehotiniakon netsiatak nihati.
34Iesos tontasakoȣennaȣeron, ȣahenron: iakohniaks tsiniiakon iakonnhetie ne kentho ionȣentsiate.
35Nok tanon tsiniiakon enhiakorihontake naonsaiontonnhete oni niahonsaiakonnheke neh nonȣe teȣenniserate iahse tetsiakoniakhe.
36Aseken iah tetsiahiheionsere: aseken tenshontieren Eronhiakeronon okon, nok Niio sakoienokonha enskenhake tsi onen tsiakotonnheton.
37Nok kenh kaien tsi tokenske tsiontonnhests niakaȣenheon, Moïs rattrori okȣirokon satnitaren, ȣahenron: II raoti-Niio ne Abraham, Isaak nok Jacob.
38Iah kati ȣahi tehonȣa-Niio ne iakaȣenheion, neok kati ȣahi neiakonnhe; aseken akȣekon niieiakonnhe ne raonhake.
39Ethone otiake tontahontati ne ratiiatons ȣahonniron: Seȣenniio! oriȣiio tsi tasierite tsinahoten ȣasiron.
40Ethone onen iah onka othenon teshonȣariȣanontonni tsi ok nitioteriȣaieraton.
41Tontasakaȣenhase: oh kati nah neh niiot tsi ionton Taȣit Roienha ne Keristos?
42Aseken akȣa raonha ne Taȣit raȣen raoiatonserakon teieriȣakȣatha: Roianer raȣenhni nʼAkianer; satien tsi keȣeientetakȣen.
43Tsiniiore iatakheniarorarake ne iesasȣens, nok asheiarasitokeȣatakȣake.
44Oh kati nekonh naiaȣenne ne roienha akenhake, raton se ne Taȣit Rakeȣenniio?
45Nok tsi akȣekon ok nonkȣe ronȣataonsate, ȣasakaȣenhase ne raotiokȣa.
46Teietsinikonrarasek ne ratiiatons, ratinonȣe nahotikhareson tsi rontiataȣasts, nok ronnonȣeskȣani tahonȣatinonȣeratonseke tsi ionkȣene, ehneken iahatistskȣarake tsi ionterennaientakȣa, nok ohenton ah atistskȣarake tsi ȣatenniote.
47Sakotinonskariatha iohnatereons tsini honaterennaientatseresons; aseken senha ihsinonȣe tsi nenhonȣatireȣatakȣe.
Dewis Presennol:
Luke 20: MHK
Uwcholeuo
Rhanna
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.