John 5
5
Ȣisk-aton nateioteriȣasonterakȣen tsini hoiaton Roiatatokenti San.
1ETHONE are onen ionsakaeȣe tsini honentanoronse ne Sitaeronon Jerusalem niiahare ne Iesos.
2Jerusalem nonȣe, akta tsi iontenaskȣatkerontakȣa teiotinakarontonha, niionaȣerote, nehne Bethesda ratinatonkȣakȣe ne Hebreh neh oni ne ȣisk niionekotentonhakȣe.
3Kentiokoȣanen etho nonȣe niieiatakerontatiene ne iakohnonȣaktanionni, teieronȣekon, ionstshinokata, nok oni ne iakoiatakenheion neh iakorhare ne taontnekaȣenrie.
4Aseken ȣatoken tsi natekaron tatsnentakȣe raronhiakeronon, nok tenhanekaȣenrie nekenh iohnaȣerote, nokʼsʼ enʼsʼ ne rahente iahatsnente sahaieȣen-taneʼsʼ tsi ok oni nikannroten ahononȣaktanittake.
5Etho saiatat rentakere onen asen niioserasen nok satekon tsinahe sihononȣaktani.
6Ȣahoken ne Iesos eh raiationni, roterientaratsihon oni tsi onen ȣaonnise etho satehoterientakarien, ȣahaȣenhase, ȣahenron: tesatonȣentsioni ken naonsasieȣentane?
7Tontahenron ne rohnonȣaktani: Saianer! iah teȣakonkȣetaien ne iahakiatente tsi ionaȣerote nonen tekanekaȣenrie; nok teionkiataskennies tsiniiore niienhenke, akorens ens iahastsnente.
8Ȣahenron kati ne Iesos: Satkestsko, tesek ne sanakta nok sasatenti.
9Neh nakȣa oksaok sahaieȣentane, nok ȣatrakȣe ne raonakta nok sahatenti; Aȣentatokentike kenhiken ȣenniserate eh nahaȣen.
10Ȣahonȣenhase are ne Sitaeronon ne kenh shoieȣentaonhatie, ȣahonniron: iaȣentatokenton nonȣa ȣatiaȣenre nasatketate ne sanakta.
11Tontahenron, neh ki ne sahaketsiente raton: tesek ne sanakta nok sasatenti.
12Ethone sahonȣariȣanontonse, ȣahonniron: Kah nires neneh raton: tesek ne sanakta nok sasatenti?
13Iah tanon tehoterientare onka; aseken ne Iesos ok eh kanenrakon tishotatonton.
14Onakenke kati ne Iesos ionsahokon Ononsatokentike, ȣahaȣenhase: onen ȣahi tsi saieȣentaon, tosa kati saseriȣanerak, onȣaʼsʼ enʼsʼ naha senha isinonȣe tsi nensaiataȣen.
15Oksaok sasakororiana ne Sitaeronon tsi Iesos ne shotsienton.
16Nese ȣahonni ronȣasereskȣe ne Sitaeronon, ronnesakskȣe oni kah naontahatiierate ahonȣario; ne tsi aȣentatokentike rotetsienton.
17Nok tanon ne Iesos tontasakoȣennaȣeron, ȣahenron: Iah tehatorishenhe ne Rakeniha tsi roiotatie, eh kati oni nii niiot ȣakiotatie ki.
18Onen tanon ne Sitaeronon senha tahonkȣisron tsi ȣathonhionnharikhon, iah neok teioriȣake tsi roiotens naȣentatokentike, neh oni tsi raton. Niio ne Rakeniha akȣa kati eh nithatattasts tsi niiot ne Niio.
19Tontasakoȣennaȣeron kati ne Iesos, ȣahenron: Oriȣiio akȣa Oriȣiio tsi kȣaroris: tsi iah othenon tahakȣeni ne Roienha ne raonhaa akenhake, ne iah tatahokanerake ne Roniha othenon nahaiere; aseken tsiki nenhaiere ne Roniha, eh ki nonhaiere ne Roienha.
20Aseken ne Roniha ronoronkȣa ne Roienha, nok aȣkekon ronatonnihatie tsinihatierha, sekon oni senha ioriȣanerakȣatenions enshorihonnien tsiniiot ne kenh kaien, nese ȣaonni akȣa ise enseȣanerakȣenhaton.
21Tsi ki niiot, tsi sesakaonnhests ne Roniha ne iakaȣenheion, eh ki oni neneh niiot ne Roienha ok tenhanonton onka onsesakaonnhete.
22Aseken iah onka tatasakoiatorete ne Roniha, oriȣakȣekon tanon nehne Roienha rokȣeniatseraȣi ne tahaiatorete.
23Eh naontaȣe akȣekon ahonȣakonnienste ne Roienha, tsi nihonȣakonniensta ne Roniha. Onka iah tehokonniensta ne Roienha iah ki tehokonniensta ne Roniha, aseken raonha thotennieton.
24Oriȣiio akȣa oriȣiio tsi kȣarori, onka kiok enhataonsatate nakeȣenna entretakȣe oni raosennakon ne thakatorion, roien naronnheke onȣe, iah oni tahorane ne kareȣatatsera, onen ok tanon tehotohestston ne kenheiatne tsinonkȣati tsi iensronnheke onȣe.
25Oriȣiio akȣa oriȣiio tsi kȣarori, tsi ienȣatenniseriheȣe onen oni ieiohe, tsinonȣe nenhonȣaȣennaronke niakaȣenheion ne Niio Roienha, nok tsiniiakon enhonȣaȣennaronke enhiakonnheke.
26Aseken tsiniiot ne Roniha roien ne rahonhake tharonnheke, eh ki niiot tsi roȣi ne Roienha ahoientake ne raonhake tharonnheke.
27Raonha oni rokȣeniatseraȣi ne tasakoiatorete, aseken Onkȣe Roienha.
28Tosa kati neneh seȣanerako, tsi ienȣatenniseriheȣe tsiniiakon nonȣentsiokon ieiekeron enhonȣaȣennaronke ne Niio Roienha.
29Nok tsiniiakon entiakoriȣaieriton, neh tentieiakenstakȣe nonȣentsiokon ne Karonhiake iaiontaȣeiate; kenh kaien ne iah tetiakoriȣaieriton neh tentieiakenstakȣe nonȣentsiokon naiontetsirate onȣe.
30Iah othenon takeriȣakȣeni ne ok ii taontakanonton. Neh tetiatoretakȣa tsiniiot tsi karonkas, nok iottakȣarision nakiatoretatsera; aseken iah neh teksere nakatennikonra, neh tanon rinikonrasere ne Rakeniha thakatorion.
31Nene ok ii akatateriȣaniratiheke, iah othenon tekasta, iah oni teioriȣiio.
32Tihate tanon ne rakeriȣanirati, ȣakaterientare oni tsi oriȣiio ioteriȣakȣarision tsinihakeriȣanirati.
33Ieietsiiatorion tsi itreskȣe ne Saȣatis, thoriȣakȣarision tsi rotrori noriȣiio.
34Iah sane tekesaks nonkȣe aionkeriȣaniratse, neki ok nise seȣatsennonniat tsi katrori neh nikarihoten.
35Akȣa neh teskaierontare tsinonkȣa ne Saȣatis, tsiniiot ne kahaseriio oni teiosȣathe, nese oni ȣaonni ȣeseȣaianerase ki nikariȣesha aetsionnharakȣe tsi teiosȣathe ne raosȣathetsera.
36Senha tanon ii iorihoȣanens ȣakeriȣanirati tsiniiot ne Saȣatis: aseken tsi nikaiotenserotens ne Rakeniha rakkȣeniatseraȣi tsi nakiere, neh kati tsi eh nikierha, neh ȣakeriȣanirati tsi Rakeniha takatorion.
37Nok oni ne Rakeniha takatorion, akȣa raonha rakeriȣanirati; iah nonȣenton tetsiseȣaȣennaronken, iah oni tetsiseȣakonsaken.
38Nok iah teseȣaienas ne raoȣenna, aseken iah ki tehsiseȣataonsatati ne thotennieton.
39Seȣatennikonraren tsi seȣaȣennanotons ne kaiatonseratokenti, nese ȣahi seȣaniahesen aheseȣanatonhase tsiniieiothahinon ne Karonhiake, neh oni kariȣanirasts nakeriȣasonha.
40Iah ki tanon teseȣathontasts niine aeseȣatsenri naetsionnheke onȣe.
41Iahse Onkȣene tetekhas nakiatanerakȣatsera.
42Nok ki tanon kȣaienteri; ȣakaterientare oni tsi iah teseȣaien ne Niio raonoronkȣatsera.
43Rakeniha raosennakon teȣakientakon, nok iah tateskȣarhotonnis; tihaiatate, raonha oni rahotennikonra tsi ahontare, tentsiseȣarhoton neneh.
44Oh nah oni naiaȣenne naonteseȣetakȣe, ise neneok seȣesaks nonkȣesonha akorensarontsera, nok iah neh teseȣesaks ne Niio okʼ raorensarontsera?
45Tosa seȣerhok ii kenh enkȣariȣarho rahohenton ne Rakeniha; kaien onka enhietsiriȣarho, Moïs, nehne seȣarharekȣen, neh entsiseȣariȣarho.
46Aseken natsiseȣaȣennarakȣake ne Moïs, askȣa ȣennarakȣake ki oni nii: aseken ii akatennikonra tsini hoiaton.
47Toka seȣatennoȣentta tsini hoiaton, oh kati naiaȣenne nahonteseȣetakȣe tsini kȣaroris?
Dewis Presennol:
John 5: MHK
Uwcholeuo
Rhanna
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.