Yuhani 5
5
Yakai baibaiyu Bithezatha pawdringai ki macaeme
1Sangilribatenga kwidra, yacengecenge ka tatulrisisisiane ki swa Yuda, ku Yesu la udradha mu Yerusalrime. 2Ikai Yerusalrime, deethe ki Kiu ka lrawlrawdru la ikai ku baibaiyu, arakai ku vaga ki swa Hiburu sia Bithezatha, kwi babiabila ki baibaiyu laka talulrimale ku ruka#5.2 “deethe ki Kiu ka lrawlrawdru la ikai ku baibaiyu, ... kwi babiabila ki baibaiyu laka talulrimale ku ruka” ku wahunyake madu iya kai “adeethe kwini ki tapawngungulane ki kiu yakai ku taluvaale ka taikaiyane ... ku ngiathalringulu kikai ki taikaiyane yakai ku lrima ku ruka”.. 3Ikai ruka swaete apece ku lamacaeme, yakai ku mamukici ku mapiapilai ku drapale, ku malrunai.#5.3 Yakai ku lasidrumane ka hungu ku wadrima kai mwasaka 4 ka vaga “Kwini lalasu mwakalavalava ku angivelevelane kwini acilai ka baibaiyu, asi lwiyane, masalru kwini lalasu kai tarathaininu, ku sasiakawlu ki Tamatama mwalebe si velevele kwini ki baibaiyu, sana ngivelevele kwini acilai, ku aswalaalanga mutaburu ku macaeme, adravane ka ngitwatumane ku caemane, tara mwadriingai.” 5Ikai kwini yakai ku tangea ku macaeme tara 38 ka caili. 6Ku Yesu la drele saapece kwini lasu, si la thingale ka macaeme kawlainga ka caili, la kivaga iniane, “Apia kipawdringaisu?”
7Kwini macaeme la tubalre, “Sinsi, lu ngivelevele kai acilai, kadrwa ku paralubu nakwane, pulebe mwa ki baibaiyu, lu nau mwanga iyaku, yakainga ku aswala nakwane mulebe.”
8Ku Yesu la iya kai iniane, “Ngidrakala, la malra kwini sapasu si katwase!” 9Kwini umawmase la makakai udringai, la malra kwini sapaini si katwase.
Sakavai kwini yacengecenge ka Taisadrasadrane ka vai, 10ngwalai kwini, ku lamabelenge ki swa Yuda la iya kai kwini ki kiapawdringai, “Kaikameane yai Taisadrasadrane ka vai, kaika kakudhane kai malrasu kai tapeapecanesu.”
11Kwi lasu la iya kai, “Kwidra pawadringai nakwane peaelaela nakwane, ‘Malra kai sapasu si katwase’ iya!”
12Kwi lalasu la kivaga, “Aneane kwini kawariva muswane malra kai sapasu si katwasa iya?”
13Ai kwini kiapawdringai kai wathingale ka aneane, asi lwiyane ikai kwini takaalra turamuru ku laumawmase, ku Yesu la katwaseenga.
14Sangilribatenga, ku Yesu yakai ki daane ki Twaumase kidringai iniane, la iya kai iniane, “Mwadringaingasu, madha pasalrisalriwnga pela, amani lu kipadradreesengengasu ku madradrau ku amatikurwane.”
15Kwini umawmase sa katwasenga, la pelaela ki lamabelenge ki swa Yuda, Yesu ka pawadringai nakwane iya. 16Twalainga kai, ku swa Yuda twalainga tulilisi ki Yesu, asi lwiyane yakai ki Taisadrasadrane ka vai pawdringai ki macaeme. 17Ku Yesu la iya kai liniane, “Ku Ama mawaungu, la mialriaku kawaungu.”
18Kikai vaga kai, ku lamabelenge ki swa Yuda la aru kalritheethe ku kidremedreme lini ku apapacadhane iniane, asi lwiyane pangialisiane ku tinukakudhanane pangukai ki Taisadrasadrane ka vai, si la ngitatu Tamaini ki Twaumase, ngiapakiraramau ki Twaumase.
Puku ki Lalake
19La pacuungulu, ku Yesu amia kai liniane, “Lri pudriadriingadhaku pelaela numiane, ku Lalake lu ngisasingikai kadrwa ku atumananeini ku manemane; wadrele ku tapiane ki Tamaini, ala pia ku manemane. Ku tapiane ki Tama, paiya ku Lalake. 20Ku Tama kialibake ki Lalake, la pelaela ku piapiaini ki Lalake. Lri malra ku silrialribate kikai ku awngane si pelaela ki Lalake; ani kasamali iya numiane. 21Ku tapiane ki Tama pasielane papanianiake ki wapacainga ka umawmase, si patarumara ku niake liniane; lri mialri, ku Lalake ngisasingikai ki kidremedremeini baai ku niake ki umawmase. 22Ku Tama kai lri ngikakamani ku wasaibange ki umawmase; ku asaibangane ku puku wabaai ki Lalake, 23Ngwalai ku ausakenane ki laumawmase ki Lalake, mia lu usakene ki Tama. Kudra kai mwasakene ki Lalake, amani ku kai mwasakene ki siakawlu iniane ka Tama.
24“Pwadriadriingadhaku pelaela numiane, ku kialalra kai vagali, la kasalru kudra ki amani ku siakawlu nakwane, lri ikai ku palralrawthu ka niake. Kai lri kitupasalrivane, amaninga kudra matwasenga ki apacadhane si mwa ki apanianiakane. 25Lri pwadriadriingadhaku pelaela numiane, lri kelanga kudra vai, amaninga kikai, ku wapacainga ku umawmase lri kilalra ku lingau ki Lalake ki Twaumase; kudra kialalra, lri siwlri panianiake makanaelre. 26Mararaamau ki Ama ka amani ku tatwaladhane ki niake, la mialri pangimia ki lalakeini atatwaladhane ki niake. 27La baai ki Lalake ku puku ku asaibangane, amani saka Lalake ki Umawmase. 28Kunumi madha ngwalalai kikai si kasamali; asi lwiyane lri kelanga kudra vai, ku yadringi tadralredralrekane ku umawmase lri kilalra makanaelre ku lingauini, 29si lai twalai tadralredralrekane kainganai; ku paiya ku mathariri ku kakudhane, lri sielane si malra ku niake; ku paiyaiya ku ngialisiane ku kakudhane, lri siela si kitupasalrivane.”
Pasiakai ki Yesu akasi
30“Lu ngisasingikaiyaku kadrwa ku adulrwaneli pia ku manemane; singiakaiyaku ku kidremedreme ki Twaumase kainganai saibange, ku sasaibanganeli laka aparamaramau; asi lwiyane kainaku wasilape ku urikaili, kathane ku apangimianeli ku kidremedreme kwidra ki siakawlu nakwane.
31“Alaiyasi ngipapasikaiyaku akasi, kudra taiyaneli kaika adulrwane kipawtenga. 32Ai, yakai kudra tangea ku lri pasikai nakwane akasi, wathingalaku kudra tapasikaiyane nakwane akasi yai patengane. 33Nasiakawlu numi ki umawmase katwase kikawriva ki Yuhani, la kilalranga numi ku sarakaiyaneini akasi ku patengane ka sabulrwane. 34Ku patengatengane, kainaku mwarikai ku akasi ki umawmase; lu iyaku kai kawriva, pakaiyaku ku akipalribulane numi. 35Ku Yuhani maru nipadaladhane ka tinaki, la palraingi numi padaalru kisupilri ku ledraini. 36Ai lri dulrwaku putaluvaivai padrele ku takasapupukwananeli ki Yuhani, amani kai awnganeli, ka patarumara ki Ama ka atulrepenganeli ka awngane. Kikai awngane lri dulru pelaela ala ka Ama ku siakawlu nakwane. 37Kudra siakawlu pakela nakwane ka Ama mialri pasikai nakwane akasi. Kainu kialalrana ku lingauini, la kai numi dreleana ku lringauini, 38la kai numi pikidremedreme ku vagaini, asi lwiyane kainu masalru kudra ki sikawluini. 39Lu silrilrigu numi kai Sisiu, lri dulru patwalai adringi kidringai ku palralrawthu ka niake amia numi; ai ku patengatengane kai vaga ki Sisiu amani ku waakasi nakwane! 40Ai, kai numi mwabangalre mwa nakwane kisilape ku niake.
41“Kainaku mwarikai ku adrengedrengerane nakwane ki umawmase. 42Ai patakwalringaunga naku drele numiane, kadrwa ku kilibakane ki Twaumase kwi kidremedreme numi. 43Pangwakaiyaku ku nagane ki Ama kainganai, la kai numi tarumara nakwane; ai lu ikai ku pangwakai ku naganeini kainganai, tarwamaaralringa numi iniane. 44Madalame numi madrengedrengedrengere, la kai numi kisilape patwalai ki vaeva ka Twaumase ku akidrengedrengerane, lukamiyaiya kai, lri tumane numi dulru kasalru? 45Lri pelaela ku pasalrivane numi madha iyaiya nakwane icucubungu ki Ama; ku lri pelaela ku pasalrivane numi, amani kudra sidramadrama numi ka Musi. 46Alaiyasi ka patengane numi kasalru ki Musi, lri kasalru numi nakwane, asi lwiyane piakai ki tapacasaneini pacase ku kakudhaneli. 47Kudra kai numi masalru ku pacaseini, lai tumane numi dulru kasalru kai vagali?”
Dewis Presennol:
Yuhani 5: NDV
Uwcholeuo
Rhanna
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
© The Bible Society in Taiwan, 2017
All rights reserved
© 臺灣聖經公會版權所有，2017