Adnodau Beiblaidd Poblogaidd o Jn 17

Rhanna

Cha pojcan el eb, yuj yoccan eb etok, yuj a k'anej tol yel chi yala'.

A k'inalej yin tojbalk'inal, chi yal elapnok tol chach yojtaknej el eb anima, ach jun c'otan acaw Dios, c'al in yojtaknen el eb, ayin Jesucristo in, tol chekbilintek oj.

Man asannejok yuj eb chin txajli; palta chin txajli c'apax yuj eb tolto ok yaoc c'ul win yuj tzetak ok yal eb in chekbej ti'. Chin k'an ayach xin, tol junxanejokab chi yun nabal eb masanil. Mamin, junnej wayji etok, junnej c'apax ayji wetok. Matawal axca jayji ti', cayokab tu' chi yun eb, junxanej chi yun eb jetok. Axca tu xin, ok yaoc eb anima yet yulyibank'inal ti' yin c'ul, tol ach cheknejintek.

Man lananok walon ayach, tol cheil eb yulyibank'inal ti' yin aymanil, palta tol chin k'an ayach, tol cha taynej eb, yet watx' c'am eb chi etax el yuj nak yelxac'al yob.

A a watx'ilal ak'bilcan ayin, a max wak' bay eb, yet watx' junxanej chi yuncan nabal eb, axca wayji etok. Ayin ti', ay in oc yin eb, achxa, ayach oc win, yet watx' junxanej ok yun nabal eb. Catatu' ok nachaj el yuj eb anima bay yulyibank'inal ti', tol ach cheknejintek. Ok yil eb tol axca chin ot a camc'ulneni, axca tu' chot a camc'ulnen c'apax eb ti'.