Adnodau Beiblaidd Poblogaidd o Jn 16

Rhanna

Max wal masanil juntzan ti' ayex, yet watx' chex can yin junc'ulalil wuj. A bay yulyibank'inal ti', ok ton e yil yail, palta tec'bajek e ba, yujtol a eb yet yulyibank'inal ti', mayal can eb yalan wuj, ẍi Jesús bay eb.

A to yet ok jay Yespíritu Dios tol yel chi yala', catatu' ok nachaj el e yuj, yujtol man munilok ok yal yul yet. A masanil tzet ok al-lay bay, a ok yala'. Ok yal c'apax e yab tzet tolto ok jayok.

A tinani', c'amto tzet che k'an bay Dios yin in bi. K'anek, ok e cha'. Ok ak'lay ayex, yet watx' ok tz'aknaj el e tzalojc'ulal.

Palta wal yel chi wal ayex, a yuj ok in tok, xan caw wal watx' e yet. Ta c'am chin toji, c'am chi jay jun t'inan colwaj e yetok tu', palta a yet ok in tok, ok in chektek Cham ayex. A yet ok jayok, ok yak' yojtaknej el eb yet yulyibank'inal ti', tol yobtakwom eb. Ok yak' yojtaknej el eb, tol watx'c'al max wut in ba, cax ok yak' c'apax yojtaknej el eb, tol ok beyc'ulnelay eb yuj Dios.

Axca ton junok ix tu', caytu' ok e yunej. Chex ton cus tinani', palta a yet ok ex wilon yet junelxa tu', caw wal ok ex tzaloj pax ajok. Axa jun e tzalojc'ulal tu', c'am mac ok je' yion ec' ayex. A yet jun c'ual tu', c'amxa tzet ok e k'anlej el ayin. Wal yel chi wal ayex, masanilc'al tzet ok e k'an bay co Mam Dios, ok yak' ayex yujtol wet ex.

Wal yel chi wal ayex, ok ex cusok, ok ex ok'ok, axa eb yet yulyibank'inal ti xin, ok tzaloj eb. Ok ex ton cusok, palta a jun e cusc'ulal tu', tzalojc'ulalxa ok yutaj ba.