Fartottit hi Abittot 6
6
Malxin yakhdamoona dooriman
1Amaa maxadde, katattaynitti manga osak tedee gedda, amaa Giriikih waanishsha Yahuud ten gubon maxti folot kelodde baddaahiteenimhi sabbatah Cibriya waanishsha Yahuudulle alle yemmeererin. 2Amaa lamman kee taman inkoh katattaynitih inkidde akah deecimeenih: “Nanu maaddi naysaasaw ciloh Yallih waanitta warroyshaanam xabno nolle mitane. 3Amaydo, saculuk, ta fadhdhishimta ciyyo alle naxawo ciloh mece ware leh, Ufaye kee kasko yemmeege malxina xiyawto sinni fantaako dora. 4Nanu laakin dhaaco kee Yallahi waanittat warroyishnanadde hamminno kino” akko yerhxin. 5Usun yerhxiinim inkoh amaa xiyaw xedenishsheyaako, imaan kee Quddus kin Ufayeko yemmeege Istifaanos kee Filibboos, Birokhoros, Nikanoor, Timoon, Barmenaas kee Yahuud diin kabbaate Anthaakiyaako kin Nikolawos dooren. 6Ta xiyaw amaa dhaaco abak yine fartottitti nifille daw ten ishen, usun lel sinni gabub alle hayen.
7Yallih waani faax-arhxuk faax-terhxe, Yerusaalemille katattaynitti manga nabaatih ziyadde, sheekhaako mango mari lel yeemenin.
Istifaanos yumudhdhuwe
8Istifaanos nicma kee xaylah yemmeegeh, amaa xiyawhi fanadde naba bexsishsham kee ishaarar abak yine. 9Tenko gari Xululuttem akko yarhxin sunagoogeeti xiyaw, Kureeneeti xiyaw, Aleksaanderiyaati xiyaw kee Kilikiya kee Aasiyaati zoobahi xiyawko gari ugutenyaako Istifaanoslih yemzeegexin. 10Usuk akah waanishak yine kas kee Ufayeko laakin curoona mirhiicinnooni. 11Sarrah: “Ta xiyawti Moosa kee Yallah waatimak kaa noobbeh nane” yarhxe mara suctodde mangarishen. 12Taginah xiyaw, naba mara kee sercat dhiiceenit uguugusenyaako, usun yemeetiinih kaa yibbirhinyaako araballe kaa baahen. 13“Ta xiyawti ta quddus kin makaano kee Moosat sercat hi didde kin waani waanisham caduruh mixabinna” tarhxe zirabti shohoda baahen. 14Usun: “Naazret Yeesus ta makaano dumuseyaako Moosa noh baahe cayda yasqayyaro kinam arhxuk kaa noobbe” yerhxin. 15Inkoh amaa arabadde defeyak yine mari kulux adde yerhxinyaako, kaa nif malaykatti nifih yimmingideh akah yumbulluwe.
Právě zvoleno:
Fartottit hi Abittot 6: SCC
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
©2024 Wycliffe Ethiopia