Fartottit hi Abittot 3
3
Yumunkuse caageeni ure
1Taykinna, Bithroos kee Yohannis salaat saaca kin kasit saaca adoxuh maqhdas care fanah aganalle awcuk yinin. 2Wuli yoobokemko taahe yumunkuse xiyawti yine. Tamaa maqhdas caredde oroba mari dhagso akah yaxawna ciloh maaxi yamaato yaaqhuciinih, “Carha mece Caraf” akko yarhxinille kaa hayak yinin. 3Bithroos kee Yohannis maqhdas caredde oroboona farhak ten yubleyaako dhagso akah yaxawna ten dhaacime. 4Bithroos Yohannislih yekkeh: “Kulux nodde erhex” akko yerhxe. 5Amaa yumunkuse xiyawti lel wulim tenko kabbaato ilaalak tena macalsiite. 6Bithroos lel: “Anu fidda woole dahab maliyo, laakin liyom koh axaye. Naazret Yeesus hi migacalle daw-erhexaaki gerh!” akko yerhxe. 7Sarrah Bithroos mizgi gabadde kaa yibbirheh kaa uguseyaako akkanih kaa iba kee kaa qulxuntat yitrire. 8Bidig-ishiteh uguteyaako lel gerho erherhisheh tenlih maqhdas caredde orobeyaako, helhel-yerhxeh tirtiirak Yalla faylishite. 9Usuk gerhak kee Yalla faylishitak lel xiyaw inkoh kaa yublin. 10Usuk tamaa maqhdas careeko “Carha-mece Caraf” akko yarhxinille defeyah dhagso dhaacimsiitak yine tiya kuuk yinem yeysherheerhegin. Kayyalle tekkemih lel bexsiiteenih cibrah raben.
Bithroos maqhdas caredde abe madare
11Amaa xiyawti Bithroos kee Yohannisidde yirhibbisheh anuk, xiyaw inkoh mangum cibrah rabeenih “Suleymaan gabala” akko yarhxinikke fanah ten gabolle yerdin. 12Bithroos xiyaw madare ashshaabbuk tayim yuble gedda: “Israa-eel xiyawo, tayim cibra aaginah sinalle takke? Aymihi tayim ninni xaylah hido ninni Yallih mashshih gerho kaa dhicshishnem balih nottadde kulux-tarhxiinim? 13#Muuca 3:15Abraahim Yalli, Isxaaq Yalli, Yacqoob Yalli, ni abbubhi Yalli, tamaa atin tosxoynih Bilaatos dhirhiyo abayshe gedda kaa nifille xinten Yeesus ishi khaddaam yeynebeh yane. 14#Maatiyos 27:15-23; Markos 15:6-14; Luukas 23:13-23; Yohannis 19:12-15Atin laakin Quddus kee Xaqqi-wanna xinteenih nabsi-wanna sinah yawco esserten, 15Aniina-yaxaye lel tigdifin. Nanu taymih shohoda kino. 16Ta xiyawti, atin tabliinih taarhiginya, Yeesus migacah yeemenem kaa tiytirire. Yeesus araxah yamiite imaan lel kaamil kin caafiyat inkoh sin nifille akah yoxoyeh yane.
17Kado yi saculo, sinni reezon balih atin gantah sorhadde abteenim aarhige. 18#Luukas 24:27Yalli umbuka nobowahi afah abeyaako kaa Masiix waaxelsiito kinam yookomeh warisheh yinem yiskimile. 19Amaydo, sin zambi inkoh sinah cakalo ciloh totoobiinih gaxa. 20Amayim lel curfen waqhti Maddaraako sinah yamaato kee, yookomeh sinah doore Masiix, Yeesus, sinah dhirhiyo ciloh kinni. 21Yeesus carshelle sugo alle tanem lel Yalli quddus kin ishi nobowah afko dherh muddah waanisheh yine ascassab inkoh yakkendah kinni. 22#Gabbaacime Sercat 18:15,18Moosa yerhxe: ‘Maddara kin Yalli yotta balih kin nabii sin saculko sinah baaho kinni. Atin lel usuk sinah warishinnannim kaa taabboona kitin. 23#Gabbaacime Sercat 18:19Ta nabii aabbinnixeti lel nabaatih xiyawko yawco kinni.’ 24Inkoh nabii Saamiyeel kee kaa sarralle temeete nobowa inkoh ta zabanhi zacabah waanisheenih yinin. 25#Erhedhdhö 22:18Atin nobowat zara kee sin abbublih abe cahdehi dhaylo kitin. Yalli Abraahimik: ‘Ku zarahi araxah umbuka caalamti diika baraka geyto kinni akko yerhxe.’ 26Sin umaaniiko sin yedebbeh sinadde yabaarako ciloh Yalli ishi khaddaam uguseh sinalle dhirhiye” akko yerhxe.
Právě zvoleno:
Fartottit hi Abittot 3: SCC
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
©2024 Wycliffe Ethiopia