Fartottit hi Abittot 1
1
Quddus kin Ufaye hi wacde
1 #
Luukas 1:1-4
Te-ofiloso, erhedhdhot yi kitaabadde Yeesus abo erherhishem kee yuydurusem kolle uktubeh ine. 2Amayim lel carshelle yamuqqucendah, Quddus kin Ufayeh abeh usuk doore fartottitih amrit yoxoyemko sarrah kinni. 3Yimcizzibeh rabemko sarrah, mango gedda yashshimine seththeelih akah yumbulluwe. Marootom lellectiyah addadde mangole gedda akah ambulluwik lel Yallih nigsinnahi zacabah tenlih waanishe.
4 #
Luukas 24:49
Tenlih anuk lel tahe akko yerhxe: “Abba wacde akah sayeh, tamaa yooko toobbiinim ilala kibah Yerusaalemko maadayna. 5#Maatiyos 3:11; Markos 1:8; Luukas 3:16; Yohannis 1:33 Yohannis layeh yiythimmiqhe, atin laakin dago lellecik sarrah Quddus kin Ufayeh tanthammaqhoona kitin” akko yerhxe.
Yeesus kornan carshelle
6Inkidde yekettiinih anuk lel taginah kaa esseroona erherhishen: “Maddara, Israa-eelille nigsinna tadabbo litom ta zabanadde kinniho?” 7Usuk lel: “Abba ishi reezah yixiggire zaban kee waqhte taarhagoona sinah masmuux maki. 8#Maatiyos 28:19; Markos 16:15; Luukas 24:47-48Quddus kin Ufayi sinalle ooba gedda laakin, xayla kabbattoona kitin. Yerusaalem, umbuka Yahuudiya kee Samaariya, amayim balih baarhot abayshima fanah yi shohoda takkoona kitin” akko yerhxe. 9#Markos 16:19; Luukas 24:50-51Tayim yerhxemko sarrah lel, usun kaa ablik, aganalle yumuqquceyaako darur ten mablooko kaa sucuse. 10Usuk aduuk, usun lel caranalle kulux-arhxuk, taykinna, saadifih wuli cado sara sarite lamma xiyawti ten agaagalle daw-yerhxiinih: 11“Galiilaati xiyawo, aymih kinni caranalle kulux-arhxuk daw-arhxuk taniinim? Ta sinko carshelle beyeenih yanin, Yeesus, tamaa carshelle aduuk akah kaa tubliiniikah yamaato kinni” akko yerhxin.
Mattiyas Yahuudaati caradde doorima
12Tayimko sarrah amaa fartottit, Oolac kooma akko yarhxin koomaako Yerusaalem fanah gaxen. Oolac kooma Yerusaalemko Sambat lellec hi gerho#1:12 Sambat lellec hi gerho Inki kiilometer takkem kinni.h idhdha dheerha. 13Amaa daafodde orobeenik sarrah, bukat caredde yewcin. Amadde yine mari lel: Bithroos, Yohannis, Yacqoob, Indiryaas, Filibboos, Toomaas, Bartolomaayos, Maatiyos, Alfaayos barha kin Yacqoob kee wathan-kixin kin Simcoon kee Yacqoob barha kin Yahuuda kuuk yinin. 14Ta mari lel inkoh inkidde yekkiinih, sayyoolih, Yeesus ina kin Maryam kee kaa sacullih inki afcaadoh dhaaco abitak yinin.
15Amaa ayyamadde, Bithroos saculti fantaako uguteyaako (inkoh inkidde yine zoobit bool kee lamaatanna takkem kuuk yinin): 16“Ko yi saculo, tamaa Yeesus yibbirhe marahi santisheena yekkeh yemeete Yahuudaati zacabah, yookomeh Quddus kin Ufayi Dawud afko Kutuubudde waanishem takmalo alle tane. 17Amayim lel usuk nottadde loyyiimeh ta khidmadde gaba yessegelle tiya kinni” akko yerhxe. 18#Maatiyos 27:3-8(Taykinna, ta xiyawti abe ishi cagabhi casbeh dhage dhammimteh tane. Dambarah aseh lel nabseeko lammalle gaxe. Uluc lel akko yewceh yane. 19Tayim inkoh Yerusaalemille martamah timidhdhigeh lel sinni waanih “Hakeldama” akko yerhxiinih yinin. Tee macna lel “Biili Dhage” kinni.) 20#Zaabur 69:25; 109:8“Tayim lel Zaaburudde:
‘Kaa cari zibboo,
inketti lel adde sige wayoo’
yarhxiinim kee
‘Kaa cara aketti beyoo’”
yarhxiinim tunkuttubeh tanemhi sabbatah kinni.
21Amaydo, Yeesus nottaalih anuk umbuka waqhte ni goorishsheh tine xiyaw, 22#Maatiyos 3:16; Markos 1:9; 16:19; Luukas 3:21; 24:51Yeesus Yohannisih anthimmiqhuk yine geddaako erherhisheenih aykee usuk nottaako carshelle kaa beyaanandah, ta maraako inketti kaa rabaakohi ugutnan shaahid nottaalih yakko alle tane. 23Amaymih lamma xiyawto yeyyeecin: saareh Yustus le Yoosuf Barsabbaas akko yarhxinya kee Mattiyas kuuk yinin. 24-25Amaymik sarrah: “Maddara, umman tiyahi afcaado taarhige. Ta lammaako fartotta yekkeh Yahuudaati idhdhadde ta ciyyoh cara yabbarho miyatto doortem ni uybulluu. Usuk ta ciyyo xabeyaako isheh missil cara fanah akko yedeeh yane” yerhxiinih dhaaco aben. 26Sarrah, cija akah cideenih amaa cija Mattiyasadde tewce. Usuk lel inikan kee tamanadde ossiime.
Právě zvoleno:
Fartottit hi Abittot 1: SCC
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
©2024 Wycliffe Ethiopia