MAWOOKIONYI 13
13
Abramu na Loti walekana
1Abramu kado awuka Misri o, na mka oke, na orio kindo awewode na Loti handu hamu nao, mṟasa ora lo nuka lo Kanaani. 2Abramu nawei msuṟi mnu, ko shuma, na fesa na sahapu. 3Kaengeṟa ihenda wokia ora lo nuka mṟasa Betheli, handu ihema lilya lyake lyiwei kuwoka, makidi hawi ha Betheli na Ai, 4Nyipfo kundo kuwei rasionyi iya aleisungusia ili kuwoka, Abramu kaidapfumiaho rina lya Mndumii. 5Na Loti ichu awei kyaṟonyi kimu na Abramu nao nawewode mapo ha mmbe na machondi, na mahema. 6Na oruka lulya lulakiwashike, ke wakae handu hamu, kipfa masaa hawo halepfumbuka walaidime ikaa kimu. 7Welisa shuma sha Abramu wakawa moloyana na welisa shuma wa Loti na maheri halya Wakanaani na Waperizi wawei kulya orukenyi. 8Abramu kawia Loti, “Nahong'u, kulakaepfo kiloyo kiidi kyako inyi na iyo, manya kiidi kya welisa wapfo na welisa wako, kyamba lukeri wana wa mka. 9A orukalu lose chi lui oshangunyi lopfo? Kyasiang'u ngakuterewa nokulekanyieng'u na inyi, kohenda ora lo kumoso, na inyi njechihenda ora lo kulyo; kohenda ora lo kulyo, na inyi njechihenda ora lo kumoso.” 10 Loti kairia meso hake kawona pichi lyose lya Yordani, lyiwode mṟinga mandi Mndumii alawemekape Sodoma na Gomora, lyiwei cha mhunda fo Mndumii, cha oruka lulya lo Misri wohenda Soari. 11Nahong'u Loti kakusambuṟia pichi lyose lya Yordani; Loti kahenda ora lo ngamenyi wakalekana wo wenyi ko wenyi. 12Abramu kakaa orukenyi lo Kanaani na Loti kakaa mṟinyi ya rendewele lyilya, katikira ihema lyake mṟasa Sodoma. 13Kyaindi wandu wa Sodoma wawei wawicho, wenyamaṟia mnu Mndumii.
Abramu aloṟo Oruka
14Kyasia Abramu amemaa ilekana na Loti, Mndumii kawia Abramu, “Iria meso hapfo wulalu, noambuye wokia o handu ukeri, ora lo mtsudu, na ora lo nuka, na lo ngamenyi na lo kyukanyi, 15 kyamba orukalu uluwonyi njechikuinenga iyo na luwa lyapfo tane mlungana. 16Njechipfumbutsa luwa lyapfo cha kiluli; na kokoya mndu kechiidima iitala kiluli, na luwa lyapfo nawo nechiidima iliitala. 17Kyekure nosengude orukalu, wuleshe wolo, na wulandari wolo, kipfa njechikuinenga iyo.” 18Nalyo Abramu katikira ihema lyake, kacha ikaa kulya mashidinyi ha Mamre, naho nyi mashidi hakeri Hebronii, kawikiapfo Mndumii kitaṟa kedasia.
Právě zvoleno:
MAWOOKIONYI 13: KIM2
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Kimochi Bible © Bible Society of Tanzania, 2016.