Mateo 28
28
Yesu viyazukile; uzulunzi wa watambika
1Sabato vimalile, imitondo vuuchele siku ya ikilongozi ya Juma, Maria Magdalena na Maria iyagwe wachola kuilola kabuli. 2Mhunde hakala na kingudemo kikulu cha isi, kilumbo malaika wa Bwana kahulumuka kulawa kuulanga, keza kadibimbilisa didibwe dija, kadikalila. 3Lukuli lwake lukala kamba lumwemwe, na nguwo zake nzelu kamba seluji. 4Waja iwasepi wagudema kwa kudumba, wagalamka kamba wafile.
5Malaika kedika kawalongela waja iwatwanzi, “Sukumdumbe. Nivimanya momzahila Yesu yawambigwe. 6Kahaduhu hano; kazuka kamba viyalongile. Izoni mulole ihanhu hayatambalikwe! 7Choleni mbwisa mkawalongele wanahina zake, Kazuka kulawa kwa wafile, kowalongolela kuchola Galilea; kuko kondammone. Loleni nimulongelani.” 8Wasegela mbwisa hana ikabuli, kuno wodumba na kusamhuka nghani, wokimbila kuwapetela wanahina.
9Mhunde Yesu ketinghana nawo kalonga, “Mwawapile.” Wakwenhuka womfugamila, wamgoga migulu. 10Baho Yesu kawalongela, “Sukumdumbe, gendeni mkawalongele ndugu zangu wachole Galilea, kuko kondawambone.”
11Vuwakalile wachola, wayagwe wa asikali wengila mdiwambo, wawalongela watambika wakulu mbuli zose zitendeke. 12Wehanganya hamonga na iwalala, wasagula msagu; wawagwelela askali mhiya bwando, wawalagiza, 13“Longeni, tweye vitukalile tuwasile, wanahina zake weza ikilo, wawiba mtufi. 14Na mbuli ihahulikwa na luwali, tweye tolonga nayo, tomsegezelani honzolomo.” 15Waja askali wazisola zimhiya, walonga kamba vuwalangukizwe; ulonzi hiwo ubwililika kwa Wayuda na dilelo.
Ndagizi za usenga na ubatizo
16Waja wanahina longo dimwe na imwe wachola Galilea kudigongo kwiyawalagize Yesu. 17Na hewo vuwamuwene wamfugamila, bali wayagwe wakala na kinghwaso. 18Yesu keza kumwawo, kalonga nawo, kawalongela, “Ngolelwa magweka gose kuulanga na muisi. 19Avo gendeni, mkawatende ngholo zose wawe wanahina wangu; mowasingula kwa tagwa ja Tata na ja Mwana na ja Loho Yangʼalile. 20Kuno mowalanguliza kugagoga gose ganimulagizeni mwemwe. Loleni niye nabaha hamonga namwe siku zose hata kuziga kwa isi.”
Právě zvoleno:
Mateo 28: ZAM75
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
New Testament in Zaramo © United Bible Societies, 1975.
