Mateo 22
22
Lusona lwa mndewa
1Yesu kedika kawalongela kabili kwa mizungu yolonga: 2“Undewa wa kuulanga ulumba na Mndewa imonga yamtendele mwanage lusona lwa kusola mwehe. 3Kawatuma nyakadala zake, wawakeme wagonekwe weze halusona; ahewo walema ukwiza. 4Kawatuma kabili nyakadala wayagwe, yolonga, ‘Walongeleni waja wagonekwe, loleni nika goya mandiya gangu, mikambaku ya ngʼombe zangu na vinonile visikigwa, na vyose vimala kwikigwa goya; izoni halusona!ʼ 5Bali hawasinhuke, wachola na zawo, imonga kumgunda wake, iyagwe kuchuluzi wake. 6Awaja wasigale wawagoga nyakadala zake, wawatowa, imala wawakoma. 7Baho yuja imndewa kagwa lusango, kagala minyalinyali yake, kawakoma wandumu waja, kadisoma diwambo jawo. 8Yomala kawalongela nyakadala zake, ‘Imwali kalawa, bali waja wagonekwe hawandakane mulusona. 9Avo choleni kunzila mhanda, na waja wose wonda mwone wakemeni halusona!ʼ 10Nyakadala walawa wachola kunzila nghulu, wawalundiza wose wawawene, wehile wanogile; lusona lumema wahenza.
11Viyengile yuja mndewa giladi yawalole wahenza zake, kamona muja munhu imonga, havalile kihambo cha lusona. 12Kamuuza, ‘Mbwiga, wingileze muno, na gweye kwabule ikihambo cha lusona? Na heyo kabule ya ukulonga. 13Mndewa kawalongela wasanghani, Mdazeni imikono na imigulu, msoleni mkamwase kunze mdiziza, kuko kondakuwe ndilo na kugegeda gameno. 14Kilumbo wakemigwe bwando, komu wasaguligwe wadodo.”
Kumulavila mtawala kodi
15Baho Mafariseo wachola na zawo, watenda mzengwe wa kumsepa Yesu muna ulonzi. 16Wawagala kumwake wanahina zawo hamonga na wanhu wa Herode, walonga, “Mkulufunzi, tukutanga kamba gweye kwa munhu wa ihoko, kolanguliza nzila za Mulungu mwihoko hata hudumba ukulu wa munhu, kilumbo hulola vihanga vya wanhu. 17Avo tulongele kokonaze. Vyandakana kumulavila kodi Mtawala wa iisi, hebu si vivo?” 18Yesu kautanga wihilo uwali nawo, kalonga, “Habali mungeza mweye wazenzeleganye? Ndagusileni mhiya za kodi.” Na hewo wamgalila lobo. 19Kawauza, “Cha nani kihanga kino na utango uno?” 20Wamulongela, “Uno wa Mtawala Kaisari.” 21Kawalongela, “Muliheni Mtawala gali gake, na Mulungu gali gake Mulungu!” 22Vuwahulike wakanganya, wamuleka, wachola na zawo.
Kuzuka kwa wafile
23Disiku didija Masadukeo, wanhu walongaga kamba haduhu kuzuka, wamgendela Yesu wamuuze mbuli. 24Walonga, “Mkulufunzi, Mose kalonga munhu yahafa yahawa bule wana, ndugu yake yamwingilile yuja disano jake, giladi yamlelele ndugu yake wana. 25Avo kumwetu kukala wandugu saba. Imulongozi kasola kadanganika, halelile wana, kamulekela ndugu yake dija disano. 26Waikabili na heyo vivo, na wekadatu mpaka saba wose. 27Vuwamalile wose, yuja imtwanzi na heyo kadanganika. 28Aho hali disiku ja ukuzuka kokuwa sano ja yalihi muna iwanhu waja saba, kilumbo wose wakala nayo?”
29Yesu kedika kawalongela, “Mokwaga, kilumbo hamgatanga gandikigwe, na mhiko za Mulungu hamzitanga. 30Kilumbo hana ukuzuka hawasola wala hawasoligwa, bali wogalamka kamba malaika kuulanga. 31Kabili muna mbuli za kuzuka kwa wafile, hamnadisoma Longa dilongigwe na Mulungu: 32Niye na Mulungu wa Abrahamu na Mulungu wa Isaka na Mulungu wa Yakobo? Mulungu si Mulungu wawo wafile bali wali na upile.”
33Wanhu vuwahulike wakanganya kilumbo cha malangulizo gake.
Ndagizi nghulu iyo ilihi
34Na hewo Mafariseo vuwahulike kamba kawaziba imilomo waja Wasadukeo, weka zundo hamonga. 35Na imonga miyawo, mwana-Nhaguso kamuuza yomgeza, 36“Mkulufunzi, muna zinzuma ndagizi inghulu ilihi?” 37Kamulongela, “Mnogele Mndewa Mulungu wako kwa moyo wako wose, kwa iloho yako yose na kwa fiyuko zako zose! 38Ino iyo ndagizi inghulu, ayo iyo ilongole. 39Ija yekabili ilingana nayo, iyo ino: Mnogele yukala nayo habehi, kamba vuwinogele mwenyecho! 40Ndagizo zino mbili ziduganya Nzuma ngima na Walaguzi.”
Mwanage Daudi yuyo bwana wake
41Mafariseo vuwelundize, Yesu kawauza, 42kalonga, “Mokonaze kwa kilumbo cha Kristo, heyo mwanage nani?” Wamulongela, “Mwanage Daudi.” 43Kawauza, “Vokuwaze amba Daudi muna Iloho kamkema Mndewa wake, yolonga,
44Bwana Mulungu kamulongela Mndewa wangu,
Ukale mkono wangu wa ukulume
mpaka vondaniweke wandumu wako wawe hasi ya migulu yako!
45Avo Daudi yahamkema Mndewa wake, vokuwaze yawe mwanage?” 46Basi haduhu munhu yadahile kumwidika mbuli; kabili habwaduke munhu yoyose kumuuza mbuli lulawile isiku ija.
Právě zvoleno:
Mateo 22: ZAM75
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
New Testament in Zaramo © United Bible Societies, 1975.
