Lucas 13
13
Qa minti' ma tz'ajtz ti'j kyanmiye, che najele
1Tujx ju tq'ijlalil lu e pon junjun xjal xi kyma'n te Jesús kyi'j junjun aj Galilea otoq che kub' b'yo'n tu'n Pilato ex b'aj t-smo'n tib' kychk'el tuk'il kychk'el alumaj otoq che kub' kyb'yo'n te chojb'il. 2Ex xi tma'n Jesús kye:
—¿Chi tok kyu'ne? ¿Maspe aj ilxix qe aj Galilea lu kywitz txqantl aj Galilea, tu'nju e kub' b'yo'n? 3Kxel nma'ne kyeye: Mi'n; ikx kyeye, qa minti' ma tz'ajtz ti'j kyanmiye, che najele kykyaqile. 4Ex qeju wajxaqlaj xjal e kyim, aqeju kub' tz'aq cuartel kyib'aj tuj Siloé. ¿Chi tok kyu'ne? ¿Maspe nimxix kyil kywitz txqantl xjal najl tuj Jerusalén? 5Kxel nma'ne kyeye: Mi'n; ikx kyeye, qa minti' ma tz'ajtz ti'j kyanmiye, che najele kykyaqile.
Aju techal ti'j jun wi' higo minti' twitz
6Ax ikx xi tma'n Jesús aju techal lu:
—At jun xjal at jun wi' higo awa'n tu'n tuj ttx'otx', ex tzaj jyol twitz, ex minti' knet tu'n. 7Xitzun tma'n te kwentil awal: Ja'lo toxin ab'q'i kukx in chin ule jyol jun twitz higo lu, ex minti' jun twitz in knet wu'ne. Tx'eminktza; noqx gan xmu'jin tx'otx' tu'n. 8Atzunte kwentil awal xi ttzaq'we'n: Tat, q'onkja juntl ab'q'i; kb'ajel waq'nane tx'otx' t-xe'; ex k'okel nq'o'ne abon t-xe'. 9Qa ma tz'ok twitz, mlay jaw tx'emit; qatzun minti', b'a'n tu'n tjaw tx'emit.
Jun xu'j tze'j ti'j, b'anix tu'n Jesús tuj q'ij te ojlab'l
10Tuj jun q'ij te ojlab'l in tq'o'ntoq Jesús xnaq'tzb'il tuj jun ja te k'ulb'il; 11ex attoq jun xu'j otoq b'ant-xi wajxaqlaj ab'q'i toklen tyab'il; otoq kyaj tze'jix ti'j tu'n ju'ẍ, ex minti' tumel tu'n tjaw we' ti'j. 12Tej tlonte Jesús, tzaj ttxko'n ex xi tma'n te:
—Aya xu'j, ma tzoqpeta, ma tz'el tyab'ila.
13Kub'tzun tq'o'n Jesús tq'ab' tib'aj; ex jurat jiqumax ti'j xu'j, ex jaw tnimsa'n tb'i Dios. 14Atzunte nejenel tuj ja te k'ulb'il tzaj nim tq'oj tu'n tlaj b'anix jun xjal tu'n Jesús tuj q'ij te ojlab'l, ex xi tma'n nejenel kye xjal:
—O'kx tuj qaq q'ij b'a'n tu'n qaq'nan; atzun q'ij b'a'n tu'n kyule tu'n kyb'anixe, ex mya tuj q'ij te ojlab'l.
15Atzunte Qajaw xi ttzaq'we'n:
—Xmletz' qeye, teyle junjun kyeye ¿maj minti' nne'l tpaju'n twakẍ ex qa tchej tuj q'ij te ojlab'l ex in xi ti'n k'al a'? 16Yajtzun ju xu'j lu, ax tiyjil Abraham, ex wajxaqlaj ab'q'i mer ik tza'n k'alo'ntoq tu'n Satanás tu'n yab'il, ¿myapelo b'a'n tu'n ttzoqpet ex tu'n tel tyab'il tuj q'ij te ojlab'l?
17Tej tmante Jesús tkyaqil jlu, tzaj kych'ixwi qeju in che q'ojin ti'j; atzun kye kykyaqil xjal e jaw tzalaj ti'j tkyaqil tb'inchb'en Jesús tb'anilxix qe.
Aju techal ti'j twitz mostaza
Mateo 13.31-32; Marcos 4.30-32
18Tmatzun Jesús:
—¿Chi tok kyu'ne ti'j tkawb'il Dios? ¿Tza'n tten? Ex ¿alkye jun techal ktzajel qi'n ti'j? 19Ik tten ik tza'n jun twitz mostaza xi ti'n jun xjal ex ku'x tawa'n tuj tpe'n; ex ch'iy, ex ok ma'xix ik tza'n jun tze', ex qe chyu'j kyb'incha kyq'u' kyxol tq'ab'.
Aju techal ti'j t-samel pan
Mateo 13.33
20Ex tma Jesús juntl maj:
—At jun techal kxel nma'ne tza'n tten tkawb'il Dios. 21Ik tten ik tza'n ch'in t-samel pan xi ti'n jun xu'j ex ku'x t-smo'n tuj ox malb'il arin, ex tkyaqil tq'otjil pan jaw mal tk'u'j.
Aju ttzi ja ch'in
Mateo 7.13-14,21-23
22Ik'tzun Jesús kyuj qe tnam ex qe aldey, in tq'o'n xnaq'tzb'il kye xjal, ex kyja' t-xi' tuj Jerusalén. 23Ex xi tma'n jun xjal te:
—Tat, ¿maj nik'xi qeju in che klet?
Xitzun tma'n Jesús kye:
24—Kyq'o'nk kyipune tu'n kyokxe ttzi ja ch'in; ex kxel nma'ne kyeye, nimku xjal k'okel tilil kyu'n tu'n kyokx ex mlay che okx. 25Porke tzul q'ij kjawil we' ju tajaw ja lamol ttzi ja; atzun kyeye qa otoq che kyaj tene ttxa'n pe'n, che okel tene q'ajtzal ttzi ja, ex ok kyma'ye kyja': Tat, Tat, jaqo'nkxa ttzi ja qwitze. Atzunte tajaw ja k'eletz ttzaq'we'n: Minti' b'a'n wu'ne jatum tzajni qeye. 26Atzun kyeye che okel tene q'malte te: O qo wa'ne ex o qo k'ane tuk'ila, ex tzaj tq'o'na xnaq'tzb'il tuj qtanmiye. 27Atzunte tajaw ja ktzajel tma'n kyeye: Kxel nma'ntle kyeye: Minti' b'a'n wu'ne jatum tzajni qeye; kypa'mil kyib'e wi'je kykyaqile aqeye b'inchal mya b'a'n. 28Oktzun che jawil oq'e, ex kqitx'itx'il t-xe kye'ye ok kylonteye Abraham tuk'ix Isaac, tuk'ix Jacob ex kykyaqil t-sanjel Dios ate' tuj tkawb'il Dios, atzun kyeye otoq che kyaj tene ti'jtze. 29Ok che tzajel xjal te okni, te elni, te jawni ex te kub'ni, ex che b'el qe' wa'l ti'j mes tuj tkawb'il Dios. 30Ex aqeju ate' te mankb'il ja'lo, at junjun che okel te tnejel; ex qeju ate' te tnejel ja'lo, at junjun che okel te mankb'il.
Jaw oq' Jesús ti'j tnam Jerusalén
Mateo 23.37-39
31Tujx ju q'ij lu e pon junjun fariseo ex xi kyma'n te Jesús:
—Texa tzalu ex txi'ya, porke taj Herodes tu'n tkub' b'yo'na tu'n.
32Ex xi tma'n Jesús kye:
—Kyxi'ye, ex kyq'manxe te wech Herodes: Aqine in che etz ju'ẍ tuj kyanmi xjal wu'ne, ex che b'anixel xjal wu'ne ja'lo tuk'ix nchi'j, ka'jxitzun kweb'el waq'une, che chikuye te. 33Ex il ti'j tu'n nb'ete ja'lo tuk'ix nchi'j tuk'ix ka'j; ex mlay b'ant tu'n tkyim jun t-sanjel Dios ti'jxi tnam Jerusalén.
34Aya tnam Jerusalén, aya tnam Jerusalén, in che kub' tb'yo'na qe t-sanjel Dios ex in che b'aj t-xo'na tu'n ab'j aqeju in che tzaj t-sama'n Dios tuk'ila. Nimku maj o wajb'eye tu'n kyok nchmo'ne qe tk'wa'la ik tza'n jun ttxu ek' in che ok tchmo'n qe tal tjaq' t-xik', ex minti' o tajb'eya. 35Aju tja Dios at kyxole kyjel kolin tu'n Dios, ex kxel nma'ne kyeye mlay chin kyile juntl maj, maxi chin okel kyke'yine ok tpon tq'ijlalil ok kymanteye: Ky'iwla'n teju tzul, aju ktzajel sama'n tu'n Qman.
Právě zvoleno:
Lucas 13: MAMNO
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Mam de Huehuetenango (ortografía reformada): CHIK'B'AB'L TI'J TU'JIL TYOL DIOS TUJ QYOL © Sociedad Bíblica de Guatemala 2011.
