Јован 21
21
ГЛАВА 21
(Зачало 66)
1Потоа пак им се јави Исус#Евангелие десетто воскресно: Во она време, им се јави Исус на учениците Свои кај Тиверијадското Море. А вака се јави:
2Беа заедно Симон Петар и Тома, кого го викаа Близнак, и Натанаил од Кана Галилејска, и Заведеевите синови, и двајца други од учениците Негови.
3Симон Петар им рече: – Ќе одам да ловам риби. Му рекоа: – И ние ќе дојдеме со тебе. Тогаш излегоа и веднаш влегоа во кораб, ама таа ноќ ништо не уловија.
4А кога се раздени, застана Исус на брегот, но учениците не Го познаа дека е Исус.
5Исус им рече: – Деца, имате ли нешто за јадење? Му одговорија: – Не!
6А Он им рече: – Фрлете ја мрежата на десната страна од коработ и ќе најдете. Ја фрлија, и не можеа веќе да ја извлечат од многу риби.
7Тогаш ученикот, кого што го сакаше Исус, му рече на Петра: – Господ е! А Симон Петар, штом чу дека е Господ, ја препаша облеката – оти беше необлечен, – и се фрли во морето.
8А другите ученици, влечејќи ја мрежата со риби, дојдоа со коработ, оти не беа далеку од земјата, но само околу двесте лакти.
9Но, кога излегоа на земјата, видоа накладен оган, и на него ставена риба и леб.
10Исус им рече: – Донесете од рибите што ги уловивте сега!
11А Симон Петар влезе и ја извлече мрежата на земја, полна со крупни риби, на број сто педесет и три; и макар што беа толку многу, мрежата не се скина.
12Исус им рече: – Дојдете, јадете! И никој не смееше да Го праша: – Кој си Ти? – Оти гледаа дека е Господ.
13Дојде Исус, зеде леб и им даде, исто така и риба.
14Ова беше веќе третпат како им се јави Исус на учениците Свои, откако воскресна од мртвите.
Крај на десеттото воскресно евангелие
(Зачало 67)
15И кога завршија со јадењето, Исус му рече на Симона Петра:#Евангелие 11-то воскресно, и во сабота од седмата седмица по Воскресение, и на св. Јован Богослов, на утрената, и на 16-ти јануари: Во она време, им се јави Исус на учениците Свои, откако воскресна од мртвите, и му рече на Симона Петра – Симоне Јонин, Ме љубиш ли повеќе, отколку овие? Петар Му рече: – Да, Господи, Ти знаеш дека Те сакам. Исус му рече: – Паси ги јагнињата Мои!
16Пак му рече повторно: – Симоне Јонин, Ме љубиш ли? Петар Му рече: – Да, Господи, Ти знаеш дека Те сакам. Исус му рече: – Паси ги овците Мои!
17И по трепат му рече: – Симоне Јонин, Ме љубиш ли? Петар се нажали дека по третпат му вели: – Ме љубиш ли? И Му рече: – Господи, Ти сѐ знаеш! Ти знаеш дека Те сакам. Исус му рече: – Паси ги овците Мои!
18Вистина, вистина ти велам: кога беше помлад, сам се препашуваше и одеше каде што сакаше; но, кога ќе остариш, ќе ги рашириш рацете свои, и друг ќе те препаше и поведе каде што нејќеш.
19А ова го рече, за да покаже со каква смрт ќе Го прослави Бога. И штом го кажа тоа, му рече: – Оди по Мене!
20А Петар, кога се сврте, виде дека по него оди оној, кого што го милуваше Исус, и кој на вечерата се беше навалил на градите Негови и рекол: Господи, кој ќе Те предаде?
21Петар, штом го виде него, Му рече на Исуса: – Господи, а овој, пак, зошто?!
22Исус му рече: – Ако сакам тој да остане, додека дојдам, тебе што ти е? Ти врви по Мене!
23И се пренесе овој збор меѓу браќата, дека тој ученик нема да умре. Но Исус не му рече дека нема да умре, туку: ако сакам тој да остане, додека дојдам, тебе што ти е?
Читај на св. Јован
Богослов, на литургија
24Тој е ученикот, којшто сведочи за овие работи и ги напиша; и знаеме дека сведоштвото негово е вистинско.
25А има и многу други дела што ги изврши Исус, и коишто, ако би се напишеле по ред, ми се чини, не би можеле да се сместат во целиот свет напишаните кни ги. Амин!
Крај на 11-то воскресно евангелие, на саботата и на св. Јован Богослов.
Právě zvoleno:
Јован 21: MK2008
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© Македонска Православна Црква 2008
© Мacedonian Orthodox Church 2008
