Luke 9
9
1ကိုယ်တော်လော့ ယတပည့် ဟာလက်ဟိ ဘိက်အိပ်လော့သဲ့ စုလော့သဲ့ မကောင်းဆိုးဝါးအားလုံးငဲ့ အမောင်းထုတ်ခုနောက်ဒွန်းလော့ အနာရောဂါဝဲ့ အကျုပ်ခုနောက်ဒွန်းတန်ခိုးစွမ်းအား အပိတ်။ 2အနီပုန်ပိဇ ယနိယာ ဘုရားရှင်သာသနာ စိုင်းရိုင်လော့ ရောဂါ အကုဝိုင်သိမ် အလှို့သို့။ 3ကိုယ်တော်လော့ ယနိယာ ''နောင်နိဟွေးတူ ဘောင်းဟောစိအိရိုင်သိ'' ဆုံးခေါ် ၊ ခရီးဆောင်အိပ်၊ မအေအုပ်ဗုန်း၊ ဟင်းစ၊ လူးဝတ်လှိုင် အပို အောင်ကျီ ယနိရဲ့ စိအိရိုင်သိ 4နောင်နိ အကြိုတိုဟော့ အင်းနာ အဲ့နီမြို့ဝါဟော့နဆုငှား ဆောင်ရှေ့ သိုင်အိုင်ဘွေ့။ 5တကယ်လော့ နောင်နိ အကြိုဆိုဟော့ အင်း ပဆိတ်ကာဆိတ် မြို့ဝဲ့ငှာဟော့ နောက်နိတုလူးကနို သတိနပိတ်အနေရို နောင်နိခူးဝါဟော ဒိက်မှုန် ခါသလော့သဲ့ သတိအပိတ်ဘွေ့'' သိမ်အဟောက်။ 6တပည့်တော်တို့ဟော့ ယနိဆုလူးအလော့တဲ့ နယ်နယ်ရပ်ရပ်အာ စိအလော့ ဘုရားနှုတ်ကပတ်တော် င်္ဂလာသတင်းကောင်းဟော့ ဟောပြောအလော့တဲ့ ဝေဒနာရှင် ဟော့ဟော မနာ ရောဂါ ကျုံအုတ်အုံ အကုသပိတ်။ 7ဘုရင်ဟေရုဒ်လော့ ကိုယ်တော်ယေရှု ဟော့ သတင်းဟော့ အပျက်များ ယောက်ပြီးစလော့ ပူပင်သောက အဖြစ်လူး။ ချောင်တစ်ချိုလော့ ရေနှစ်မင်္ဂလာ အပိတ်ဟော့ ဗတ္တိဇံဆရာ ယောဟန်ဟော့ အဆောက်အဟဏ် ဘူးပေါ်ဟီသိမ် ယနိဟော့အော ဆမော။ 8အခြား ယနိလော့ 'ဧလိယ' အလူဟီ ဆိတ်ငှားလော့ဟော ဝေးရှေ့ခတ် အရမ်းအာဟော့ ပညာရှိ ပရောဖက် ပရောက် ပြန်လော့အဟန် လူးပေါ်သိမ်ဟော့ယနိဟော့ အပေါ့ရာ ငနိဟော့ဆာ။ 9အနိပြီးစလော့တဲ့ ဟေရုဒ်မင်းကမူ "ကေ့ဟော့ ယောဟန် ဟော့အလူဟော့ အဘောင်းဟောက်ပေါင်ဟီ၊ ကေ့နိုဝါရယ်ငှားအုံ ကယောက်လာဟော့ဟော သတင်းဟော့ နိဆိတ်ပဲရိုး" သိမ်ဟော့လော့တဲ့ ကိုယ်တော်ဟော့ကခွန့်လအယ် ဆန္ဒပျင်းထန်လူး။ 10တပည့်တော်မျးးဟော့ ခရီးအဟော့ ယနိပြန်လူးခွာ ကိုယ်တော်ယေရှုလော့ နောင်နိ ဆောင်ရွက်ဟောက်ဟော့ ပြန်လောဟော့ပိတ်ပဝယ်။ ပြီစလော့ ကိုယ်တော်ဟော့ တပည့်တော် ဟောက်အာ ယနိဟိတူ ဘိတ်အလော့တဲ့ ဗက်ဇဲဒရွာအာ အစိ။ ဟောနိနေရာအာ ယနိဟော့နော့ သီသန့်ယနိမော့။ 11ဆိတ်လော့ဟော မနည်းဟော့ ချောင်ငလော့ ကိုယ်တော်ဟော့ ရှူးအလော့တဲ့ ကိုယ်တော် နူးအို ယနိတောင်းဝါ ကိုယ်တော်လော့ ယနိဟော့ ကြိုဆိုလ တော့ ။ကိုယ်တော်လော့ ဘုရားရှင်ဟော့ သာသနာတော် အကြောင်ယဟော့ ရှင်းလင်း ဟောက်ပိက်ပြီစလော့ ရောဂါဟော့ ဟောအကျုံမိုက်လှိုက်။ 12မွန်းတည့် အချိန်ကျော်ပြီးစလော့ တပည့်တော် တစ်ဆယ်ကလော့ ပေါဟိ ဟော့တည် ကိုယ်တော်ထံ ငွါယနိဖိုး ဟီမိုး "ဟော့နိ ချောင်အုပ်လင်းဟော့ အနီးအနား တစ်ဝိုက်အာမော့ဟောက် လယ်ကွင်းအာ အလှို့ပေါ့။ ယနိ ယနိအုံနယ်သောက် အအေးအုတ် အဲအလို အပ်ဟောက့်။ ဟောနိနေရာအာ မောင်းဟောမော့ ရ နိအရပ်ဟော့ ကန္တရ. ကဲ့သို့ပြင် ဖြစ်" သိမ်အလျှောက်တင်ဆမော်။ 13ကိုယ်တော်လော့ "နောင်နိလော့ယအာ အအေးအယ်ဟော့ အုတ်အောက်ပိတ်ပြီးရဲ့" သိမ် တပည့်တော်အာ အမိန်တော်မူလိုက်ရာ ယနိလော့ "ကေ့နိအာ ပေါင်မုန်းအညှောင်းစအော လုံးငို လော့ ငိုးထိက်ဟိ နော်မော့ နိချောင်ငလာမစိုးဝယ်နိုးပဝါတဲ့ အစားသောက်များ ဟော့ လှေ့ဟော် ဘော်လအယ်" သိမ် အဟောက်ဟော။ 14ချောင်အုတ်ဒုတ်အာ ပတိုးဦးရေ ထုံငို ခန့်ယနိမော့။ကိုယ်တော်လော့ ယ တပည့်တော် အားလုံးအာ "ချောင်ပေါင်း ငါးဆယ် ဆီ စုဟော့စီအာအအုံတို့" သိမ်အဟောက်။ 15တပည့်တော် တိလော့ဟော ကိုယ်တော် အမိန့်အတိုင်း ဆောင်ရွက်ဟေ့။ ချောင်အားလုံးဟော့ တစ်လှောက်အာအုံမိုက်။ 16ကိုယ်တော်လော့ ပေါင်မုန့်ငါးလုံးလော့ ငါးထိတ်ဟိ လော့လောတဲ့ နိဗ္ဗာန် ရွှေမြို့တော် အာ မှန်းမျှော်လော့ ဘုရားရှင် ဟော့ ဂုဏ်ကျေးဇူးတော် ဟော့ ချီမွန်းဆုတောင်း သော့ဆမော်။ ပြီးစလော့ ကိုယ်တော်အကုတ်အို ပေါင်မုန်းလော့ ငိုးဟော့ ဖဲ့လော့တဲ့ တပည့်တော်များအာ ချောင်ငလော့ ဝေငှပိတ်ဟော့ မာက်။ 17ချောင်မနည်းဟော့ အဝအလင်ယနိအေးလ ယနိလော့ အေးအုတ်ကျန် ဟော့ စောင်နနိရမ်းနောက်တုံး အို တောင်းတစ်ဆယ့်နှစ်တောင်း အိုအလွှိ့လှယ်။ 18ကိုယ်တော် ယေရှုလော့ ပယောက်လှောက် အဆုတောင်း တုံ့အာ တပည့်တော်ဟောက် ယနိဖိုးလူးဝါ ကိုယ်တော် လော့ ယနိဟောက် "ချောင်ငဲ့ဟော့ ကိုယ်တော်အကြောင်းငဲ့ မောင်ငဲ့ယနိဟောက် အိုး" သိမ် အစက်။ 19ယလော့ "တချို့လော့ ကိုယ်တော်ဟော့ ရေနစ်မင်္ဂလာဆရာ ယောဟန်သိမ်ဟေ့ ယနိဟောက်၊ ဧလိယသိမ်ဟော့ သိတ်ဟော့ယနိဟောက်၊ ပြန်ဟော့ ဟိုင်ဟော့ ယနိဟောက်၊ ပြန်လော့အဟန်လူးဟော့ ပရောဖက်ပရောက် သိမ်ဟောက် ယနိဟောက်" သိမ်လျှောက်ယနိဟေ့။ 20နိကြောင်းဝါ ကိုယ်တော်လော့ "နောင်နိလော့ ကေ့အာ နည်းသိမ်နောက်နူးဝိုး" သိမ်အစိုက်။ ပေတရုလော့ "အရှင်ဟာ ဘုရားရှင်စေလွှတ်တော်မူသော် 'မေရိယ' အရှင်စမိုး" သိမ်အဟောက်။ 21ကိုယ်တော်လော့ နီအကြောင်းငဟော့နီယာဟော့ ဟောင်ဝိုင်းတို့ သိမ် တင်းတင်းကျပ်ကျပ် ပညတ်လော့အသောက်။ 22ကိုယ်တော်လော့ ယတပည့်တော်ဝဲ့ယာ "ပတိုးခေါင်းဆောင်ငဲ့၊ ဘာသာရေးဂိုဏ်းချုပ်ကဲ့လော့မောရှေကျမ်းဟယ်ဟော့ ပညာရှင်နဲ့လော့ 'လူ့သားတော်' ယနိညှင်းပန်းဟလို့ ယနိ နှိပ်စက်သိုင်။ ယနိလော့ ယဝဟော့ ညာန်းအလို့သဲ့ ယနိသုတ်ကိုင်။ ဆိတ်လော့ဟော နှုတ်ထုံ အကြာကနို ပြန်လော ဟိုင်ဘော်ဝိုင်" သိမ် အမိန့် ဘော်။ 23အနီပုန်ပိလော့ ကိုယ်တော်လော့ ပုရိတ်သတ်သဲ့ဝါ "တကယ်လော့ နောင်နိ ကေ့ တပည့်ဖြစ်ဟူးဟော့ချောင်ငဟော့ မပဟိုးအလိုဝဟော့ မလှို့လာ့ဝိုင်။ လက်ဝါးကပ်တိုင်ငဟော့ နောင်နိကိုယ်တိုင်လော့ကို့သလို့သဲ့ ကေ့နှိုးဝါ နောင်နိတာန်းအွမ်ခုချောင်အဖြစ်လာ့ဝိုင်။ 24နောင်နိဘဝ နောင်နိကယ်ဝိုင့်ကနို အတ္တဝို လွိဟော့ ဘဝစွန့်လှို့ ဘွေ့တို့။ ဆိတ်လော့ဟော ကိုယ်တော်အတွက် ကြောင်းငို နောင်နိဟော့ အစွန့်လွှတ်ဟော့ ယလော့ ယနိဟော အကယ်ခွန်းအွမ်လာ့ဝိုင်။ 25နောင်နိယဟော့ ကမ္ဘာကြီးအုဝေါတ်လုံး အပိုင်လာ့ကနိုဟော နောင်နိဘဝပျက်စီးလော့ အဆောက်ဆုံးရှုံးလဟနို နီးတောက် အကျိုးနအယ် မိုး။ 26နောင်နိလော့ ကိုယ်တော်ကြောင့်ငို နောက်နိလှောက်အောက်ကနို 'လူ့သားတွေ' ဟော့ ပအော်ဘုရား ဘုန်းတန်ဝဟော့၊ မြင့်မြတ်ဟော့ ဟော့ နောတ်စေတမာန် နဲ့ဝို အတွက်တူဝါအလူးဟနိုဟော အလှောက်အောက် မူဝိုင်။ 27အသေချာဝဟော့ အုဝေါတ်တဟော့ နီနေရာဝါ ယားလော့အွမ်းနဟော့ချောင်တချို့ ဝဟော့ ဘုရားရှင် ထွန်းကားဝါဟော့ ဖူးလာ့တအုံ အဒူးလာ့ဟိုင် ဆိတ်လာ့'' သိမ် အဟောက်။ 28အပုဝါလှောက်ကာ အမိန့်ပေါန်ပိ ကွန်ရှက် အကြာ ပိဇ ကိုယ်တော် ပေတရု၊ ယောဟန်၊ ယာကုပ်ဝဲ့ ဘိက်အိပ်လော့သဲ့ ဝတ်ပြု ဆုတောင်းအောင် ငိုင်သိမ်တုန်ငါယနိစိ။ 29ကိုယ်တော်လော့ဆုတောင်းတွမ်းနာ ယအဆင်းသဏ္ဍာန်နဟော့ပြောင်းအောင်လော့သဲ့ ယဝတ်ရုံဟော ဘုတ်ဖူးလော့သဲ့ အပြောင်လှိုင်း။ 30ဝါ့စအောင်ကြာပိဇ မောရှေ လော့ ဧလိယ ဟွေ့ရဲ့ ကိုယ်တော်ဝို ယနိသက်အက်တို့။ 31တပည့်တော့ဝဲ့ ဟော ကိုယ်တော် ဘုန်းတခိုးဝဲ့ အထွန်းလင်းပိဇ ယေရှုတလင်မြို့ဝါ ကိုယ်တော်လော့ အဒူး ခွေန်းအွမ်လာ့ဝိုင်ယဟော့ ယနိပြ။ 32ပေတရုလော့ အရာတပည့်တော် ဝဲ့ အိပ်မောကျောက်အလို့သဲ့ ယနိမွက်တို။ ယနိခါက် ပိဇချက်ချင်းပ ဘုန်းတန်တော်ဝို ပြည့်စုံဟော့ ကိုယ်တော် ယနိဖူးလာ့။ ယနိလော့ ကိုယ်တော်ဝိုသက်အက်ဟော့ချောင်ပေန်းဟိဟော ယနိခွန်းလာ့တို့။ 33မောရှေလော့ ဧလိယဟွေ့ ယဟိစိပေါန်ပိဇ ပေတရု လော့ကိုယ်တော်ဝါ ''အရှင် နီနေရာဝဟော့ ကီးကယ်မအွမ်းနိုင် အဘွယ်။ကိုယ်တော်အတွက် သိုင်လုံးငေတ် ၊ ဧလိယ အတွက် သိုင် လုံးငေတ်၊ မောရှေ အတွက် သိုင်လုံးငေတ် ကနိလှူဝိုင့်'' သိမ်အလျှာက်။ဆိတ်လော့ဟော ယလော့ ယဝါ ဘောင်းအဟောင့်ဝေါတ်သိမ်ပ မှတ်အပ်သ။ 34ပေတရု အလှောက်အဟောင့်တွန်နာ မိုးရုတ် အုဝေါတ်တဟော့ ယနိပုဝါအုပ်လော့အသောက်ကြောင်းငို အရိပ်အကျောက်ကြောင်းငို ကီးကယ် ယနိကေ့အေလော့ ယနိလစ်လစ်အစ်လူးတို့။ 35အနီချိန်ငါ မိုးရုတ်ဒိတ်ကာဟော့ ''နီချောင်ငဟော့ ကေ့ကဟဲ့ ယဟော့ ကစိုးအဖြစ်။ ယဟောက်ခူ ရောက်အောက်ဘွေ့တို့'' သိမ် အထိုင်းဆုလူး။ 36အနီအထိုင်းဆုလူးပိဇ ပေတရု၊ ယောဟန်လော့ ယာကုပ်ကဲ့လော့ကိုယ်တော်ပါးဝါတ်နော ယနိမီုဖူးလာ့သို့။ယနိလော့ ယနိလော့ ယနိခွန်းနဟော့ အကြာင်းအရာဝဲ့နီယာဟော ဟောက်တအုံ သိမ်းအလော့ယနိအွမ်း။ 37အရာနှုတ်တော့ဒွန်းနို ကိုယ်တော်လော့တပည့်ပေန်းထုံ နဲ့ တုံငါဟော့ အကွန်းလူး ပိဇ ချောင်မနဲ့အုပ် ယနိခွန်း။ 38ပရိတ်သတ်ဒိတ်ကာဟော့ ချော်ပေန်းနောတ်လော့ ''အရှင်နော ကျေးဇူးပြုသလော့ ကေ့စိုးစဟော့ ကာန်းဘော်အုံ အစိုင်းပိတ်ကေး။ ယဝဟော့ ပေန်းနောတ်နော်မွက်ဟော့ ကစိုးစအောင်နော။ ယဝါ 39ခွက်ရိုင်းလော့ပူးအူ လော့သဲ့ အနှိက်စက်ကြောင်းငို နောက်လော့သဲ့ မပါန်အာမ်၊ ယတစ်ကိုယ့်လုံးငဟော့ လစ်လစ်အစ်လော့သဲ့ အဟောက်ခူးဝါဟော အမြုပ်ကဲ့အတုထေ့။ အနီခွက်ရိုင်းလော့ ယဝါ ပါန်မာရှောက်လော့သဲ့နော ခက်ခက်ခဲခဲ အရှုထေ့။ 40ကေ့နိ ကိုယ်တော် ဟော့ ပတည့်တော်များအား တောင်းပန်းလော့တဲ့ နိမကောင်းဆိုးဝါးဟော့ မောင်းထုတ်အိုလော့ဟော့ ယနိလော့ စိုက်ခူးဝအုတ်" သိမ် ယနိဟော့လူး။ 41ကိုယ်တော်လော့ တပည့်တော်ဝဲ့ဝါ "နောင်နိယဟော့ ကီးကယ်ခေါင်းမာသလော့သဲ့ ယုံကြည်မှုအားနနိုင်းဟွန်း နောင်နိယို ပခေ့ ကြာအုံ ကအွန်းခုဝိုင်ရိုး" သိမ် အစက်။ကိုယ်တော်လော့ "နောင်းစိုးဝဟော့ ကေ့ငှာထို့ဘူးဘွေ့" သိမ်အဟောက်။ 42အနီဆမီး အဘိက်အိပ်ဘူးဟနို ခွက်ရိုင်းယဟော့ ယဝါပူးအူလော့သဲ့ အပုန်းအားလုံး အစအာက်မာက်။ ကိုယ်တော်လော့ ခွက်ရိုင်းရာ အမိန့်ပိတ်ပိဇ အအွမ်းဘော်။ ကိုယ်တော်လော့ အနီပတိုးဆမီးစအော် ပြန်လော့ကုပိတ်လော့သဲ့ ယပေါင်အာင်ဝါပြန်လော့ အအွပ်ဘော်။ 43ချောင်အားလုံး ဟော့ ဘုရားရှင်ဟော့ လင်ဟော့တန်ခိုး တော် အနန္တ ဝဲ့ ယနိဖူးလာ့ကြောင်းငို အံ့ဩ အလို့ဆုံးငအို့။ 44ကိုယ်တော်ယေရှုလော့ အစိုင်း ယဟော့ ချောင်တကားလော့ ယနိအံ့ဩတွန်းနာ ကိုယ်တော်လော့ ယနပည့်ဝါ "ကိုယ်တော် လော့ နောင်နိယာ အဟောင့်ဝဟော့ ဂရုစိုက်သလော့ အာရုံစိုက်ဘွေ့တို့။ ' လူ့သားတော်' ဝဟော့ ရန်သူကွက်တာ အအွပ်သိုင်းဟီ။ 45ဆိတ်လော့ဟော တပည့်တော်ဝဲ့လော ကိုယ်တော်လော့ အဟောင့်ဝဟော့ အကြောင်းရင်းမှတ်တအို့။ အနီအဓိပ္ပာယ် အပြည့်အစုံ ငဟော့ ထု အလော့ ယနိသောက်။ ယနိလော့ ရောက်စု ဟအလို့ဟော အစက်သိုင်ယနိကေ့။ 46တပည့်တော်ဝဲ့လော့ ယနိဒိက်ကာ နီယဟော အလင်ဟိုက်ဆုံးလော့ အမြတ်ဆုံးသိမ် ယနိညာန်းအာန်။ 47ကိုယ်တော် လော့ ယနိညာန်းအာန်နဟော့ အမှတ်။ဆမီးပေန်းနောတ်တဟော့ ကိုယ်တော် အစိမ်းငါ ရားလော့သဲ့ အအွမ်း။ 48အနီပိဇ ကိုယ်တော်လော့ တပည့်တော်ဝဲ့ ယာ "ကိုယ်တော်ကြောင်းငို ဆမီးပေန်းနောတ် အကြိုဆို ဟနို နောင်နိလော့ ကေ့နောင်နိကြိုဆိုနော အဖြစ်။ကေ့ နောင်နိကြိုဆို ကနို ကေ့ အလှို့ဟော့ အရှင် ဟော နောင်နိကြိဆို နော အဖြစ်။ နောင်နိဒိက်ကာ နှိမ့်ချဟိုက်ဟော့ချောင်ငဟော့ အကြီးမြတ်ဆုံး အဖြစ်" သိမ်အဟောက်ဘော်။ 49ယောဟန် "အရှင်ကနိဝဟော့ အရှင်နှာမိန် ဆွန်အွမ်အလို့သဲ့ ချောင်ငဲ့ ငှာဟော့ ပွယ်ငှားဟော့ ခွက်ရိုင်းရဲ လှာန်လော့ ချောင်ကခွန်းနောတ်" သိမ်အဟောင့်။ 50ကိုယ်တော်လော့ "ယတားဝိုင်းတွက် နောင်နိအဆန့်ကျင်ငှားဟော့ ချောင်ငဟော့ နောင်နိပသိုဟော့နော" သိမ်အဟောက်။ 51ကိုယ်တော်လော့ နိဗ္ဗာန်ရွှေမြို့တော်ဝါ အကွယ်ရိုင်သိမ် အချိန်လှိုးသိက်ကကြောင်းငို ယဟော့ ယေရှုဆလင်မြို့ဝါ အစိရိုင်သိမ် စိတ်အဆုံးဖြတ်အပ်။ 52ယလော့ တပည့်တော် တချို့ဝါ ရှမာရိရွာ ဝါ အရာန် လှို့လော့သဲ့ အဆင့်သင့်အကျန်အာန်သို့။ 53ဆိတ်လော့ဟော ယေရှုဆလင် နာစိရိုင်ဟော လွန်းတစ်လျှောက်ကာ ဟော့ချောင်ငဲ့လော့ ကိုယ်တော်ဝဟော့ အကြိုဆိုဝိုင်း ယဟော့ ဘနိညာန်း။ 54အနီပိဇလော့ ယာကုပ်လော့ ယောဟန် လော့အနီယဟော့မှုပိလော့ "အရှင်ဘုရား၊ ကနိယဟော့ အာကာဝဟော့ မီးရဲ့ ကျောက်လျှောက်အိုလော့သဲ့ နိနန်းကချိုပ်လာ့ဝိုင် မိုး" သိမ်ယနိလျှောက်တင်။ 55ဆိတ်လော့ ကိုယ်တော် လော့ဟော့သိုင်လော့သဲ့ "နောင်နိ ယဟော့ဉာဏ်အလင်းနို နောင်နိဆိုင်အိုင်သိမ် နောင်နိမှတ်တသိမိုး၊ 'လူ့သားတော်' ဝဟေ ချောင်ငဲ့ အရောက် ယနိဟိုင်ငဟော့ အဖျက်ဆီးရိုင်သိမ် အကြွလူးဆိပ်က၊ ချောင်ငဲ့ အကယ်ရိုင်းသိမ်နော" သိမ်ဟောင်လော့သဲ့ 56ယနိယဟော့ အရာနန်းနန်းနောတ်တာ ယနိရှုလူးသို့။ 57လွန်းခရီးတစ်လျှောက်ကာ ချောင်ပေန်းနောတ်လော့ ကိုယ်တော် "ကနိယဟော့ အရှင်နစိ ဒွန်းနာ ကလူးပိရိုင်" သိမ် အဟောက်။ 58ကိုယ်တော်လော့ "တောင်အွေး ရာခူ အမွက်၊ ဖရိုဝါ အဘူးအမွက်၊ ဆိတ်လော့ဟော 'လူ့သားတော်' ဝါသဲ့ အင်းမွက်ရ" သိမ်အဟောက်။ 59ကိုယ်တော်လော့ အရာချောင်ပေန်းနောတ်တဟော့ ယဟွေးတူလူဝိုင်သိမမ် အဘိက်အိပ်ပိ ဇ "အရှင် ဝစအောင်အစုန်းငဲ့။ ကေ့ပအောင်အလောင်းဝဟော့ အရာန်စိဟလော့ ကချုခွင့်အမ်ပိတ်ငှိုဝဲ့" သိမ်ကဟောက်။ 60ကိုယ်တော်လော့ "နောင်ငဟော့ ဘုရားရှင် သာသနာအကြောင်းနောင်နိဟောက်ဟနို ဒူဟော့ချောင်ငဲ့ ဒူဟော့လော့ စောင့်ရှောက်ဆီးဘွေ့" သိမ်အဟောက် သို့။ 61အရာပေန်းနောတ်လော့ "အရှင် ကနိ အရှင့်နှိုးဝို ကတောန်းအွမ်နိုင်။ ဆိတ်လော့ဟော ကနိအင်းနာပြန်ဟလို့ ကသိမ်းလာ့ဝိုင် ဟော့ သိမ်းငိုင်ခွင့်အပြုဝဲ့" သိမ် အဟောက်။ 62ကိုယ်တော်လော့ "ထွန်းတုံး ခိုက်လော့သဲ့ အနှိုးဝါ သိုင်ဟော့ချောင်ငဟော့ ဘုရားရှင်သာသနာအတွက် အသုံးဝေါင်င" သိမ်အဟောက်။
دیاریکراوەکانی ئێستا:
Luke 9: ctpv-rv
بەرچاوکردن
هاوبەشی بکە
لەبەرگرتنەوە
دەتەوێت هایلایتەکانت بپارێزرێت لەناو ئامێرەکانتدا> ? داخڵ ببە
This translation of the Chin-Ekai Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.