Genese 35
35
1Nzambi wamwilili Yakoba, nindi, Nyamukaku, yaŋa kuBeteli, wakashakamuku; wakatuŋiluku kameŋa kaNzambi wadimwekesheli kudeyi hana hiwamutemukili mana kweyi Esawu. 2Hohenohu Yakoba hakuyila akwamukala windi, niantu ejima adiŋiyi nawu, nindi, Fumishenu mukachi kenu akishi akwacheŋi imudinawu, mudijiliki, vwalenu nimahina acheŋi. 3Tunyamukenu, tuyenu kuBeteli, nakatuŋiluku kameŋa kaNzambi waŋakwili hefuku dinamweni yihupu, inadiŋi nindi munjila yami yinendeli. 4Amwinkeli Yakoba akishi akwacheŋi adiŋuwu nawu ejima, nituzeya twadiŋi kumatu awu. Yakoba wayivumbikili mwishina damukula wadiŋi kwakwihi nakuShekemi.
5Hiyakuya nikuya. Hanyikala yadiŋi kwakwihi nawena hadiŋi womawaweni, hiyalondeleli mwayili anyana kaYakobaku. 6Dichi Yakoba washi kili kuLuzi, wekala mwituŋa daKenani, diku kuBeteli, niyena niantuadiŋiyi nawu ejima. 7Watuŋililuku kameŋa, watumbiluku ijina, nindi KuEli Beteli; nanochu kwadimwekesheliyi Nzambi kwenoku, hatemukili yimana kwindi.
8Nleli yaRebeka Debora wafwili, amujiikili kuBeteli muchikulu, mwishina damukula, awutumba niijina dawu, nawu, Mukula Wakudilila.
9Nzambi wadi mwekesheli cheŋi kudi Yakoba hafuminiyi kuPadani Arama, wamukiswilili nkisu. 10Nzambi wamwilili nindi, ijina deyi yeyi Yakoba. Ijina deyi hiyakaditena cheŋi nawu Yakobaku, ijina deyi dakelayeyi Isarela. Wanamutumbili ijina dindi nindi, Yeyi Isarela. 11Nzambi wamwilili nindi, Yami Nzambi Chinaweji, semunune nuŋa, mwakavulaŋa. Muza nimukanka wanyuza wakafuma mudeyi, nianyanta akafuma mumayeyi. 12Ituŋa dinenkeli Abarahama naIsaka, nakakwinkadu eyi, nakayinkaduni anya neyi akahiŋa mudeyi. 13Nzambi wafumini kudi yena kwahosheleli yinindi, hakuya mwiwulu. 14Yakoba wemi kili kaposhi kwahosheleli yinindi, kaposhi kelola. Wahuŋunwininuhu himulambu wakuhuŋununa, wahuŋunwininuhu nimanji. 15Kwenakuna kwahosheleliyi nindi Nzambi, Yakoba watumbiluku ijina, nindi kuBeteli.
16Hiyakuya nakufuma kuBeteli. Kwasheli kachintampu kantesha nakushika kuEfwarata, Racheli hakufunyisha, hakukata nankashi nyisoŋu yakuvwala. 17Chakatiliyi nankashi nyisopu yakuvwala, nkoŋu wamwilili nindi, Bayi wutiya womaku, keŋa wuvwali mwana weyala mukwawu. 18Chelili mwevulu windi hiwukuya, muloŋa hakufwa, hakunamutumba ijina dindi, nindi diyi Benoni. Ilaŋa tata vindi wanamutumbili ijina dindi, nindi diyi Benjamini. 19Racheli wafwili, amujiikili munjila yakuya kuEfwarata, diku kuBetelemi. 20Yakoba wemi kili kaposhi hejamu dindi, diku kaposhi kakwijamu daRacheli nilelu. 21Isarela hakwenda cheŋi, walemeni itenti dindi kwakupandakana itala dadilehi dakuEdari.
22Hashakaminiyi Isarela mwituŋa diŋa, Rubeni wayili nakukama naŋodatatayindi wanduŋu Biliha, Isarela hakuchitiya. Anyana kaYakoba amayala adiŋi ikumi nayedi. 23Anyana kaLeya, iwu wedi waYakoba Rubeni, iwu Simeyona, iwu Levi, iwu Yuda, iwu Isakari, iwu Zebuluni. 24Anyana kaRacheli, iwu Yosefu, iwu Benjamini. 25Anyana kanduŋu yaKacheli Biliha, iwu Dani, iwu Nafwatali. 26Anyanakanduŋu yaLeya Zilipa, iwu Gadi, iwu Asheri. Diwu anyana kaYakoba amayala, amuvweleluwu muPadani Arama. 27Yakoba washi kili kuMamiri, kudi tata yindi Isaka, kwoku Kiriyata Araba, diku kuHeberoni, kwashakaminuwu Abarahama naIsaka chawenyi. 28Mafuku aIsaka ashikili munyaka nkulakaji nanyaka makumi atanu nasatu. 29Isaka wumi windi wamufumini, afwani kufwa, amutweli kwaya antaŋa jindi, wela dehi kashinakaji, wanyaka nanyaka. Anyanindi aEsawu naYakoba amujiikili.
دیاریکراوەکانی ئێستا:
Genese 35: MW62
بەرچاوکردن
هاوبەشی بکە
لەبەرگرتنەوە
دەتەوێت هایلایتەکانت بپارێزرێت لەناو ئامێرەکانتدا> ? داخڵ ببە
The Bible in Lunda: Ndembu (Lunda of Kalunda) © B. F. B. S. 1962.