Genese 34
34
1Diŋa, mwana kaLeya wamumbanda, avweleliyi Yakoba, wayilinakutala anyana awambanda amwituŋa diŋa. 2Shekemi, mwana kaHamori kaHivi, mwanta wetuŋa, wamumweni, hakumutambula, hakukamanindi, hakumutamisha. 3Muchima windi wamulamatili Diŋa mwana kaYakoba mbe, wamukeŋeli ona chaŋadima, hakuhanjika nindi nakumukundeja. 4Shekemi wahosheli natata yindi Hamori, nindi, Nsumbwiliyeniwu chaŋadimiwu. 5Henohu Yakoba wachitiyili dehi nawu yena namutamishi dehi mwanindi Diŋa. Anyanindi adiŋi mumpata nawayimunayindi. Yakoba wadimweneni kwindi zo-o nakutalila chakenzawu. 6Hamori, tata yaShekemi, wayili kudi Yakoba nakuhanjika nindi. 7Anyana kaYakoba, chachitiyiluwu, hiyakufuma mumpata mwadiŋuwu, hiyakwinza. Wena amayala atiyili kutama, azuwili nankashi, muŋayena nakoŋi dehi yawusupi muIsarela, chanakamiyi namwana kaYakoba; chuma china kuchikopa chinjila.
8Hamori wahanjikili nawu, nindi, Mwanami Shekemi nafwili mwanenu. Mwinkenu iyi mwani, asumbuli. 9Twakasumbwapani kwetu, enu mutwinkianyanenu, ninenu nawa mutambuli anyanetu. 10Twaka shakaminenu hamu; ituŋa denu odu; shakamenu kwenu nakulandulwilamu, mwakadihete shelumu mahetenu. 11Shekemi wamwilili tata yamumbandanana kwindi, nindi, Antiyili luwi, nukuyinka mwonsu mumukunleja. 12Nfuukwilenuŋa nyivu mwonsu mumukunfu ukwila mwomu, hela mweneninankashi, nikazundu, mwejima mumwakanleja nukukumina dakuyinkatuhu, chiŋa munyinka iwu chapadima nimusumbuli. 13Anyana kaYakoba ayakwili aShekemi natata yindi Hamori nakudimbana, nanochu chatamishiliyi muhelawu Diŋa; 14ahosheli nakuyilanawu, Etu kwetu chumichi hitunatweshi kuchilaku, tunoni muheletu tumwinkiyi chidima. Chenochu chikututiyisha nsonyi. 15Ilaŋa ntahi neyienu mukwi kala neyi etu, amayala ejima nakuyalamisha, neyi chochinatukuyiŋeja; 16hitukuyinka ni anyanetu, ninetu nawa hitukutambula anyanenu, tukushakama nenu, tukwila antu wowamu. 17Ilaŋa neyi kwontikwenu kututiyilila nakwalamaku, tukutambula kwetu mwanetu, tukudiyila.
18Mazu awu atiyishili aHamori namwanindi Shekemi kuwaha. 19Yenona mukwenzi halabili nakwila chumochuku, nanochu chatiyiliyi kuwaha namwana kaYakoba. Kwitala datata yindi diyi yalemesheluwu chakubadika akwawu ejima. 20AHamori namwanindi Shekemi ayilikuchisu champwembu yamukala wawu, ahanjikili namayala ahamukala wawu, 21nawu, Wenana mayala twashakama nawu chachiwahi; tutŋienukwetu ashakami mwituŋa dinu alandulwilumu. Ituŋa kwadu dinatohi. Tusumbulenu anyanawu, ninetu nawa tuyinki anyanetu. 22Ilaŋa wena hiyakwiteja kushakama nanetu twi kali antu wowamuku, chiŋa etuamayala wejima wetu twalami neyi chalamawu wena. 23Niyimunayawu, niyuma yawu, nianyama jawu ejima akabuli kwikala etwetu? Chakala chituneteji mwanahoshuwu, niwena twakashakama nawu. 24Antuejima edikilaŋa muchisu chamukala windi atiyili chahosheluwu aHamorina mwanindi Shekemi; amayala ejima ayalamishili, wejima wawu edikilaŋamuchisu chamukala windi ayalamishili hohu.
25Chi kwelili ifuku damu chisatu, anatiyi dehi kukata, anyana kaYakoba ayedi, iwu Simeyona, iwu Levi, wowana kwaDina, anoneni wejima wawumpoku jawu jatubali, ayili kumukala chakuyibazu mwisha, ajahili amayala ejima. 26Ajahili aHamori namwanindi Shekemi nampoku yakabali, amwidishili Diŋa mwitala daShekemi, hiyakuya nikuya. 27Anyana kaYakoba ayili kwajahililuwu antu, apupili nimukala, nanochu chatamishilu wumuhelawu. 28Akuŋwili nimpembi jawu, ninyikoku yawu, niŋombiwu, niyimbulu yawu, niyuma yadiŋi mumukala, niyuma yadiŋi mumaha; 29nimahetawu ejima, ni anyanawu anyanya ejima, ni aŋodi jawu, akwatani kukwata hiyankoli jawu, apupili niyuma yejima yadiŋi mumatala. 30Yakoba wayilili aSimeyona naLevi, nindi, Munankabishi, munanunkishi ivumba datama kudi antu amunu mwituŋa, aKenani nawaPerizi; ami nidina wantu antesha, akampompela nakuntapa; nakajila ji-i, ninami nimukalawami. 31Kuchinka wena nawu, Ochu adi kumukoŋa tuhu muheletu neyi chiyakoŋaŋawu chivumbi?
دیاریکراوەکانی ئێستا:
Genese 34: MW62
بەرچاوکردن
هاوبەشی بکە
لەبەرگرتنەوە
دەتەوێت هایلایتەکانت بپارێزرێت لەناو ئامێرەکانتدا> ? داخڵ ببە
The Bible in Lunda: Ndembu (Lunda of Kalunda) © B. F. B. S. 1962.