PIANPATNAK 12
12
Pathian In Abram Sam
1Pathian in, Abram lakah, “Na ngam, na unaupihte le na pa i inn zamsan inna, ka lak tukmi ngamah hawhin hi.#Nung 7:2-3; Heb 11:8; 2Canau tampi pia tung a, hinnam ngengpi in suak haw tuk hi. Muicu pia tung a, na min thangtik tung; mahten mi muicu hi tuk ci. 3Nangmah muicu a piatu cu a humah muicu pia bok tung. Mahnaven nangmah a tamsetu cu tamsia bok tung hi. Nangmah muicu ka piak bangin, leihummi hempoh ten ka lakah muicu ngen haw tuk hi,”#12:3 Nangmah Muicu ngen haw tuk hi tih cu Nangmah hangin leihummi hempoh muicu pia tung tihnak vang hi. tin ti hi.#Gal 3:8;
4Abram cu kum sawm salih le kum nga a kim ten Topa i hilhnak bangin, Haran khua pen tulin, Lot vangin zui bok hi. 5Abram in, a zi Sarai, a nau i capa Lot le Haran khua pen a neih haw mi sal le a neihmi haw hempoh tuah Kanaan ngamah hawh haw hi.
6Kanaan ngam a hen haw ten Abram cu hawhngutin, Shekhem khua mun thiangtho Moreh mun a, Sasua kungah heng hi. Mah hunin, Kanaan mite cu mah ngamah um haw laih hi. 7Topa cu Abram lakah langin, “Na casuan tei lakah ka piak tukmi ngam cu hi ngam hi, tin,” ti hi. Mahlai munah Abram in, a lakah a langmi Topa i ca tukin biaklan dawh hi.#Nung 7:5; Gal 3:16; 8Mahnung ten Abram cu hanglamah, Bethel khua i nisuahnak lam mualhum ngamah thawnin, nitumnak lam pen Bethel, nisuahnak lam pen Ai khua, a laklawh hawah ngiahbuk sa hi. Mahlai heiah biaklan dawhin, Topa cu bia hi. 9Kanaan ngam hang lamah ngiahbuk pa khat nung pa khatsa in thawn pepel hi.
Abram Izipt Ngam Ah
10Kanaan ngamah paampi nasezet tungin, an eih tuk a um ngawl hangin Abram cu Izipt ngamah hun comno sung um tukin hawh hi. 11Izipt ngamngi a hen kuan ten a zi Sarai lakah, “Nang hi numei melpha hi ci. 12Izipt miten amuh haw ten, Abram zi hi, ti haw tuk a, nangmah co nuamin keimah lehlam that sual haw tuk hi. 13A dong haw tale, a celnu ing, tin ti inna, nangmah hangin luat tung a, komno zo haw tuk,” ti hi.#Pian 20:2; 26:7; 14Izipt ngamsung a tum haw ten Sarai cu mawi thong hei, tin Izipt ten na ti ngangai haw hi. 15Bawi upa khenkhatin, amuh haw ten, a mawi daan cu a kumpipa i lakah hilh haw in, kumpi innah hawhpih haw hi. 16Sarai hangin Izipt kumpipa in, Abram cu komzet zo in, tuu le keelte, khui, laak, kalauk honte le sal tampi tianin pia hi.
17Mahti bangin kumpipa in, Sarai cu a laksak hangin, Topa in kumpi le a innsung ummi hempoh humah natnak lauhuaizet hengtik hi. 18Izipt kumpipa#12:18 Izipt kumpipa tihmi cu Faro hi a, mihing min hi ngawlin a nadeh min hi. Lai Thiangtho sungah kumpipa tin mang hung. in, Abram cu samin, “Ita hi bangin kei bawl cim? Itakaw ka zi hi tin ciangno na hilh ngawl? 19Ita ka celnu hi ti nge cim? Ka celnu hi na tih hang si, zi tukin ka laksak. Manlangin, na zi hi la inna, tul un,” tin liat hi. 20Kumpipa in, a khutnuai tei lakah thupia in, Abram cu a zi Sarai le a neihmi hempoh tuah Izipt ngam pen hentul haw hi.
دیاریکراوەکانی ئێستا:
PIANPATNAK 12: NBF1
بەرچاوکردن
هاوبەشی بکە
لەبەرگرتنەوە
دەتەوێت هایلایتەکانت بپارێزرێت لەناو ئامێرەکانتدا> ? داخڵ ببە
Ngawm Bible © Bible Society of Myanmar, 2014.