Luka 19
19
PENE XIX - 19
Ko Zakaio: te ariki e te au tavini: te aerenga ki Ierusalema na runga i te asini: te riri o te au Pharisea: to Iesu aue anga i taua oire ra: te tamā anga i te iero.
1E TAE aturā Iesu ki Ieriko tomo atura, na rotopu atura te aere. 2E i na, tei reira tetai tangata ko Zakaio te ingoa, e tangata apinga; e tutara aia no te au telona. 3I anoano aia i te akara ia Iesu, kia kite i te tu; e kare akera aia i kite i te maata o te tangata, e tangata poto oki aia. 4Oro atura aia na mua, kake atura ki runga i tetai rakau sukamino e akara iaia: te na reira maira oki aia i te aere. 5E tae mairā Iesu ki taua ngai ra, kua akara akera aia ki runga ra, e kite atura iaia, e kua karanga atura, E Zakaio, ka eke mai i tenana; ei to are ra oki au noo ei akonei. 6Kua eke viviki maira aia ki raro, oo maira iaia ma te rekareka. 7E kite akera ratou ra, kua koumuumu iora ratou ravarai, na ko akera, #Mata 9:11; Luka 5:30Te aere atura aia ei manuiri na te tangata rave ara. 8Kua tu ua mairā Zakaio ki muao i te Atu, kua tuatua maira, E te Atu, i na, e oronga au i te afa i toku nei apinga no te tangata ngere; #Luka 3:14e i takinga-kino ana au i etai ke i tetai mea ngiti ake, kia #Exo 22:1; 1 Samu 12:3; 2 Samu 12:6taki a ïa taku e akaoki atu nona. 9Kua karanga aturā Iesu kiaia, Kua tae mai te ora ki teianei ngutuare i teianei rā, #Roma 4:11,12,16; Gala 3:7e tamaiti katoa oki aia #Luka 12:16na Aberahama. 10#Mata 18:11; Mata 10:6; 15:24I aere mai nei oki te Tamaiti a te tangata e kimi i tei ngaro ra e akaora.
11E te akarongo maira ratou i taua tuatua ra, kua tuku katoa atura aia i tetai parabole, no te mea te vaitata atura aia ki Ierusalema, #Anga 1:6e te manako ra ratou e, e kitea mai te basileia o te Atua i reira ra. 12#Mata 25:14; Mare 13:34No reira aia i na ko atu ei, Kua aere atura tetai tangata mana ki te enua mamao, kia rauka iaia te taoonga ariki, e ka oki mai ei. 13Kua karanga atura aia ki nga tavini tino ngauru nona ra, e kua tuku atura i nga #19:13 1 mina - 15 dala e 2 tuata e te raela - £3.2s.6d.#19:13 Te tuatua i roto i te irava kiriti - tuata - Tikaanga e kuata.mina okotai ngauru kia ratou, kua na ko atura kia ratou, E oko ua kotou e kia oki mai au ra. 14#Ioa 1:11Te makitakita ra tona matakeinanga iaia, e kua tono atura i te veka na muri atu, ei na ko atu e, Auraka tenana tangata ei ariki no matou. 15E oki maira aia, ma te taoonga ariki katoa i rungao iaia, kua akaue atura aia i taua au tavini tana i tuku i te moni ra, e aere mai kiaia, kia kite aia i te tu o te apinga i rauka i ta ratou oko anga. 16Kua aere maira tetai, kua tuatua maira, E te atu, okotai ngauru mina i rauka i te mina noou ra. 17Kua karanga atura aia kiaia, Kua tika, e tavini meitaki koe: no te mea #Mata 25:21; Luka 16:10kua akono meitaki koe i tenana apinga iti poepoe, ei tutara koe e kia okotai ngauru oou oire. 18Kua aere maira oki te toko rua, na ko maira E te atu, e rima mina i rauka i te mina noou ra. 19Kua karanga katoa atura aia kiaia, Ei tutara koe kia rima oou oire. 20Kua aere maira tetai, na ko maira, E te atu, i na, tera mai te mina noou ra, i vaio marieia e au ki roto i te vai; 21#Mata 25:24I mataku oki au ia koe, no te mea e tangata rotoriri koe: e rave rai koe i tei kore i vaioia e koe ra, e kokoti oki koe i tei kore i ruruia e koe ra. 22Kua karanga atura aia kiaia, #2 Samu 1:16; Iobu 15:6; Mata 12:37E teianei tavini kino e, e akaapa au ia koe i te tuatua no roto i toou uaorai vaa. #Mata 25:26Kua kite koe e, e tangata rotoriri au, i te rave anga i tei kore i vaioia e au ra, e te kokoti anga i tei kore i ruruia e au; 23Eaa iora koe i kore ei i taoi atu i toku moni ki te okoanga ra, e kia tae mai au ra, rauka iora toku ma te oko? 24Kua karanga atura aia ki te aronga i tu ua i vaitata ra, Ka rave atu i tona mina, ka o atu ei na te tangata okotai ngauru ona mina ra. 25(Kua tuatua maira ratou kiaia, E te atu, okotai ngauru oki ona mina.) 26E akakite atu oki au kia kotou, #Mata 13:12; 25:29; Mare 4:25; Luka 8:18E apinga maata tona ra, e akamaataia atu rai tona; e apinga iti tona ra, e ravea ke ïa taua iti iaia ra. 27Kareka taua au enemi noku ra, ko tei kore i āriki mai iaku ei ariki no ratou, arataki mai ana ïa i ko nei i mua i toku nei aroaro, e ta.
28E oti akera taua tuatua nei, #Mare 10:32na mua atura aia i te aere anga atu ki Ierusalema. 29#Mata 21:1; Mare 11:1E vaitata atura aia ki Betephage e Betania, i vaitata i te maunga i karangaia ra ko Oliveta, kua tono atura aia i e toko rua puke pipi ana ra 30Na ko atura, E aere ana korua ki tera ra vila, e kia tomo atu korua ki roto, ka kite korua i tetai punua asini, kua erekia, kare oki i nooia e te tangata: ka tatara ake, e taki mai. 31E kia ui mai te tangata kia korua, Eaa korua e tataraʼi? e na ko atu korua, No te mea e tau teia i te Atu. 32Aere atura raua tei tonokia ra, e rokoia atu koia mou tana i karanga atu kia raua. 33E tei te tatara anga raua i taua punua ra, kua tuatua maira te au atu, Eaa korua e tataraʼi i tenana punua? 34Kua karanga atura raua, E tau teia i te Atu. 35Kua taki maira raua i taua asini ra kia Iesu ra: #2 Ari 9:13; Mata 21:7; Mare 11:7; Ioa 12:14kua tuku atura i to raua kakau ki rungao i taua punua ra, e kua akanoo atura ia Iesu ki rungao. 36#Mata 21:8E i tona aere anga, kua totoa aere ratou i to ratou kakau i te arataa. 37E vaitata atura aia ki te oire ki te tumu o te maunga ra i Oliveta, kua rekareka iora taua aronga pipi maata katoa ra, e kua kapiki reo nui atura i te akameitaki anga i te Atua, i te au akairo katoa ta ratou i kite ra; 38Na ko akera, #Sala 118:26; Luka 13:35Kia ora te Ariki, ko tei aere mai ma te ingoa o te Atu ra; #Luka 2:14; Ephe 2:14ei au to te rangi, e te kakā i te ngai teitei. 39Kua tuatua maira e tokotai puke Pharisea no roto i taua urupu maata ra kiaia, E te Orometua, e ako ake ana koe i to au pipi nei. 40Kua karanga atura aia kia ratou, E akakite atu au kia kotou, Kia muteki ua ratou nei, kua #Haba 2:11kapiki ua mai ïa te au toka nei i reira.
41E vaitata atura aia, kite atura i taua oire ra, #Ioa 11:35aue atura aia, 42Na ko atura, Naringa koe i kite ana, ko koe tikai, i teianei i toou nei tuatau, i te tuatua e oraʼi koe na! i teianei ra, kua ngaro ke ïa tuatua, kare toou mata e kite. 43Te vaitata maira oki te tuatau, #Isa 29:3,4; Iere 6:3,6; Luka 21:20 e akapiniiaʼi koe e to au enemi i te koro, e takako ratou ia koe e pini ua ake, ka tāpu ei ia koe i roto: 44#1 Ari 9:7,8; Mika 3:12E ka uri oki ia koe ki raro ki te one, e to tamariki i roto ia koe na; #Mata 24:2; Mare 13:2; Luka 21:6e kare oki tetai toka i roto ia koe na, e vaioia i rungao i tetai: #Dani 9:24; Luka 1:68,78; 1 Pete 2:12ko koe kare i akamaara i toou na kite angaia mai.
45 #
Mata 21:12; Mare 11:11,15; Ioa 2:14,15 Kua tomo atura aia ki roto i te iero, kua tuaru atura ki vao te aronga i oko atu e i oko mai i roto ra. 46Na ko atura kia ratou, #Isa 56:7Kua oti i te tataia, “E are pure anga toku nei are” #Iere 7:11kua akariroia io nei ra e kotou ei “ana no te aronga keia.” 47E apii aia i roto i te iero i te au rā katoa. #Mare 11:18; Ioa 7:19; 8:37Kua umuumu maira te kau taunga nunui e te au tata tuatua, e te aronga nunui katoa, iaia e ta; 48Kare ra i kite i te ravenga e tikaʼi: te akarongo marie maira te tangata katoatoa iaia.
دیاریکراوەکانی ئێستا:
Luka 19: CIMB
بەرچاوکردن
هاوبەشی بکە
لەبەرگرتنەوە
دەتەوێت هایلایتەکانت بپارێزرێت لەناو ئامێرەکانتدا> ? داخڵ ببە
The Holy Bible in Cook Islands Maori, Reprinted from the edition of 1888 © United Bible Societies, 1972.