Luka 18
18
PENE XVIII - 18
Te parabole no te vaine takaua e te akava tuatua-tika kore: te Pharisea e te telona: to Iesu akaora anga i te tamariki varevare: te tangata ou apinga nui: te kino o te apinga: te tutaki o te aru tikai ia Iesu: te matenga e te tuakaouanga o Iesu: te tangata matapo.
1KUA akakite katoa atura aia i te parabole, #Luka 11:8; 21:36; Roma 12:12; Ephe 6:18; Kolo 4:2; 1 Tesa 5:17kia tamou marie ratou i te pure, auraka e maromaroa; 2Na ko atura, E tangata akava tei tetai oire, kare aia i mataku i te Atua, kare oki i akono mai i te tangata: 3E vaine takaua oki tei taua oire ra; aere atura aia kiaia ra, na ko atura, E akatika mai koe iaku i toku nei enemi. 4E kare akera aia i akatika vave mai: e muri akera, kua na ko iora i roto iaia uaorai, Kore ua atu rai au i te mataku i te Atua ra, e te akono i te tangata nei; 5#Luka 11:8No te mea ra, te māro mai nei teianei vaine takaua iaku, e akatika atu au i tana tuatua, ka manamanata aea au iaia i te aere putuputu anga mai. 6Kua karanga atura te Atu, Ka akarongo ana i te tuatua a taua akava tuatua-tika kore ra. 7#Apo 6:10Kare aina oki te Atua e akatika mai i tona uaorai tangata i ikiia ra, ko tei kapiki atu iaia i te po e te ao, e tavare ainei aia i ta ratou tuatua? 8E karanga atu au kia kotou, #Ebe 10:37; 2 Pete 3:8,9Kare rava e mamia, e akatika mai aia ia ratou. Kia tae maira te Tamaiti a te tangata nei, e kitea ainei e ia te akarongo i te enua nei?
9Kua akakite katoa atura aia i teianei parabole ki tetai pae tangata ra, #Luka 10:29; 16:15e manako ia ratou uaorai e, e aronga tuatua-tika, e i akavaavaa oki ia etai ke. 10Aere atura e toko rua puke tangata ki runga i te iero e pure; e Pharisea tetai, e telona tetai. 11#Sala 135:2Kua tu ua iora te Pharisea, koia anake ua, pure atura, na ko atura, #Isa 1:15; 58:2; Apo 3:17E akameitaki atu au ia koe, e te Atua, i te mea kare au mei te tangata katoa nei; i te apari apinga, te tuatua-tika kore, te akaturi, e mei tera ra telona oki. 12Taki rua aku #18:12 Tikaanga - akakoreanga kaiakakoreangakai i te ebedoma okotai, e te oronga nei au i te ngauru o toku apinga tini katoa nei. 13Kareka te telona, tu ke ua atura ïa i te atea ke, kare i akara ua atu tona mata ki runga i te rangi, kua papaki ua iora i tona umauma, na ko atura, E te Atua, e aroa mai koe iaku i te tangata ara nei. 14E akakite atu au kia kotou, Oki maira taua tangata ra ki te ngutuare ma te akatikaia mai, kare tetai: #Iobu 22:29; Mata 23:12; Luka 14:11; Iako 4:6; 1 Pete 5:5,6ko te akateitei iaia uaorai ra, ka taakaakaia ïa; e te taakaaka iaia uaorai, ka akateiteiia ïa.
15 #
Mata 19:13; Mare 10:13 Kua apai maira ratou i te tamariki varevare kiaia ra, kia akatukia mai aia ia ratou: kia akara maira te au pipi, kua kauvae maira ia ratou. 16Kua karanga aturā Iesu kia ratou ra, na ko atura, Ka tuku mai ana i te tamariki mea riki, kia aere ua mai kiaku nei, auraka e akakoreia atu; #1 Kori 14:20; 1 Pete 2:2mei ia ratou nei oki to te basileia o te Atua. 17Koia #Mare 10:15 mou taku e karanga atu kia kotou na, Te kore e āriki i te basileia o te Atua mei te tamariki mea riki ra, kare takiri aia e o ki reira.
18 #
Mata 19:16; Mare 10:17 Kua ui maira tetai tutara kiaia, na ko maira, E te Orometua meitaki e, e akapeea au nei e raukaʼi iaku te ora mutu kore? 19Kua karanga aturā Iesu kiaia, Eaa koe i akameitaki mai ei iaku? ko te Atua anake ra te meitaki. 20Te kite na koe i te ture, “#Exo 20:12,16; Deu 5:16,20; Roma 13:9Auraka e akaturi, Auraka e tau a, Auraka e keia, Auraka koe kia riro ei kite pikikaa, #Ephe 6:2; Kolo 3:20E akangateitei i to metua tane, e to metua vaine.” 21Kua na ko maira aia, Kua ope te reira i te akonoia e au mei toku ou anga mai. 22E kia akarongo aturā Iesu i te reira tuatua, kua karanga atura aia kiaia, Te toe nei rai tetai mea ia koe: #Mata 6:19,20; 19:21; 1 Timo 6:10e oko atu koe i te apinga tini ravarai noou ra, ka tuaʼi no te putaua; e apinga taau i te rangi i reira; ka aere mai ei ka aru mai iaku. 23E kite akera aia i te reira tuatua, iriea roa atura aia: e apinga maata oki tona. 24Te kite rā Iesu e, te maata ra tona iriea anga, kua na ko atura, #Mase 11:28; Mata 19:23; Mare 10:23#18:24 Tei tata ia Mose 11:28. Kua tarevake. Tikaanga Mase 11:28.Te akao ngata o te aronga apinga nui ki roto i te basileia o te Atua e! 25E akao ngoie ake te kamela na roto i te puta nira, i te tangata apinga nui kia akao ki roto i te basileia o te Atua ra. 26Kua na ko maira te aronga i akarongo ra, Koai oki te ka ora? 27Kua karanga atura aia, #Iere 32:17; Zeka 8:6; Mata 19:26; Luka 1:37 Ko te au mea e kore e tika i te tangata nei, e tika ïa i te Atua. 28#Mata 19:27Kua tuatua mairā Petero, I na matou, kua akaruke i te au mea katoa, e kua aru mai nei ia koe. 29Kua karanga atura aia kia ratou, Koia mou taku e karanga atu kia kotou nei, #Deu 33:9Kare e tangata i akaruke i te are, e te au metua, e te au taeake, e te vaine, e te tamariki, no te basileia o te Atua, 30#Iobu 42:10E kore ei e rauka iaia te mea maata roa atu i teianei ao, e i te ao a muri nei, ko te ora mutu kore ïa.
31 #
Mata 16:21; 17:22; 20:17; Mare 10:32 Kua arataki atura aia i te tino ngauru ma rua ra, e na ko atura kia ratou, I na, te aere nei tatou ki Ierusalema; e te au tuatua ravarai no te Tamaiti a te tangata #Sala 23; Isa 53i tataia e te au peroveta ra, ka ope rava ïa i te tupu. 32Ka #Mata 27:8; Luka 23:1; Ioa 18:28; Anga 3:13 tukuia oki aia ki te rima o te etene, e ka taitoitoia, e ka #18:32 Tikaanga - takinga-kinoiatakingakinoia, e ka tutuaia oki ki te uavare: 33E ka pāpāia, e tamate ravaia: kia tae ra ki te po toru ra, ka tu akaou rai ki runga. 34#Mare 9:32; Luka 2:50; 9:45; Ioa 10:6; 12:16Kare rava ra ratou i kite i taua au tuatua katoa ra, i uunaia ïa tuatua ia ratou; kare ratou i kite i te tau anga i tei tuatuaia maira. 35#Mata 20:29; Mare 10:46E vaitata atura aia ki Ieriko, te noo ra tetai tangata matapo i te pae ara, te pati ra i te apinga. 36E kia akarongo akera aia i te tere anga o taua urupu ra, kua ui akera aia, Eaa tena? 37Kua akakite maira ratou kiaia, ko Iesu i Nazareta teia e aere nei. 38Kua kapiki atura aia, na ko atura, E Iesu, te Tamaiti a Davida ra, e aroa mai koe iaku. 39E te aronga i na mua ra, kauvae maira iaia, kia muteki atu aia: maata rava atura tona kapiki i reira, E te Tamaiti a Davida, e aroa mai koe iaku. 40Tu ua iorā Iesu, kua akaue atura kia arataki mai ratou iaia kiaia: e tae maira aia i vaitatao, kua ui atura aia kiaia, 41Na ko atura, Akapeea atu au kia koe i toou anoano? Kua na ko maira aia, E te Atu, kia puera toku mata. 42Kua karanga aturā Iesu kiaia, Kia puera to mata, #Luka 17:19kua ora koe i toou akarongo. 43Puera akera tona mata i reira, e kua aru maira iaia #Luka 5:20; Anga 4:21; 11:18ma te akakakā i te Atua: e kite akera te tangata tini, akameitaki katoa atura i te Atua.
دیاریکراوەکانی ئێستا:
Luka 18: CIMB
بەرچاوکردن
هاوبەشی بکە
لەبەرگرتنەوە
دەتەوێت هایلایتەکانت بپارێزرێت لەناو ئامێرەکانتدا> ? داخڵ ببە
The Holy Bible in Cook Islands Maori, Reprinted from the edition of 1888 © United Bible Societies, 1972.