Texte de la Bible: Azumeina © Alliance Biblique du Tchad, 1999 Enregistrement du Nouveau Testament Azumeina ℗ 2012 Hosanna

Azumeina - 2012 Edition (NT) Drama

<div class="version vid855 iso6393mpg" data-vid="855" data-iso6393="mpg">
 <div class="book bkLUK">
 <div class="chapter ch2" data-usfm="LUK.2">
 <div class="label">2</div><div class="s">Vuta hi Jesus-d&#8217;a</div><div class="r">(Gol Mat 1.18-25)</div><div class="p"> 1Kur bur m&#225;ma ma te yamba Auguste mi he vuna mi mam suma sunda ala: Agi b&#8217;irigi simiy&#234; suma a nga kaka kur leu d&#8217;a Rom&#234;-d&#8217;ina pet. 2Wana ni ndum mba avoka, kid&#8217;a Kiriniyus nga mi te leud&#8217;a yam andaga d&#8217;a Siri-d&#8217;id&#8217;a. 3Nge nge p&#238; mi i yam andaga mamba &#225; b&#8217;ir simiy&#234;m kur mbaktumba.</div><div class="p"> 4Josef mi tchol&#239; kur az&#236; ma ngol ma Nazarat ma Galile-na, mi i yam andaga d&#8217;a Jude-d&#8217;a kur az&#236; ma ngol ma a yum ala Betelehem ma ni yima a vut amul ma ngol&#226; David kuana, kayam Josef tamba nandjaf&#226; hi David-na. 5Mi i &#225; b&#8217;ir simiy&#234;m ki Marie d&#8217;a mam nga mi d&#8217;umuta. Ti nga ki wir&#226;. 6Kid&#8217;a azi s&#228; Betelehem tua d&#8217;a, Marie burut ma vuta ndaga. 7Ti vut gorot ma avo&#8217;&#226;, ti d&#8217;ud&#8217;um ki barud&#8217;a, ti gum kur kup ma tena hi d&#8217;uwar&#238;na, kayam yima bur&#226; nga kazi kur gong nga akoid&#8217;a d&#8217;i.</div><div class="s">Malaikana mi nde tam mbei ir suma pola</div><div class="p"> 8Kur andaga ndata, suma pola a nga abageya, a nga ngom tumiy&#244; mazina andjege. 9Malaikana hi Salad&#8217;ina mi nde woi iraziya, subura hi Salad&#8217;id&#8217;a ti b&#8217;o kaziya; suma pola a le mandar&#226; ngola. 10Malaikana mi dazi ala: Agi lagi mandar ri, an mbagi ni Zla d&#8217;a Djivi d&#8217;a fur&#238; d&#8217;a yam suma peta. 11Kayam a vud&#8217;ugiya wa Ma Suta ini kur azina hi David-na, ni Christ, Salad&#8217;a. 12Wana ni vama simat ma agi mba wum ki na: Agi mba fagi gor&#226; d&#8217;uta ki barud&#8217;a, ged&#8217;a k&#228; kur kup ma tena hi d&#8217;uwar&#238;na.</div><div class="p"> 13Atogo hina zak, ablaud&#8217;a hi malaikanid&#8217;a zlapa ki malaika m&#225;ma, a nga gile Alona ala:</div><div class="q"> 14Ei suburi Alo ma s&#228; akulona!</div><div class="q">Ar mi he b&#8217;leng nga halas mamba yam andagad&#8217;a</div><div class="q">mi suma mi le kazina.</div><div class="s">Suma pola a i Betelehem</div><div class="p"> 15Ata yima ablaud&#8217;a hi malaikanid&#8217;a a arazi a hulong akulona, suma pola a de tazi ala: Ar ei i gak Betelehem &#225; we vama le ma Salad&#8217;a mi tageizina. 16Azi i atogo zak, a fe Marie azi ki Josef ki gor m&#225;ma nga mi ged&#8217;a k&#228; kur kup ma tena hi d&#8217;uwar&#238;na. 17Kid&#8217;a azi wumba, azi tagazi zla d&#8217;a malaikana mi dazizi yam gor m&#225;mid&#8217;a. 18Suma a hum zla ndatina pet a le atchap yam zla d&#8217;a suma pola a dazizid&#8217;a. 19Wani Marie ti ngom zla ndata kurut pet, nga d&#8217;i djib&#8217;er kad&#8217;u. 20Suma pola a hulong&#226;, a nga subur Alona, a nga gilem yam ahlena pet suma azi humuzina ki suma azi wazina, d&#8217;igi malaikana mi dazi na.</div><div class="s">A tinim simiy&#234;m ala Jesus</div><div class="p"> 21Kid&#8217;a bur ma klavandina ndaka, a ngat gor m&#225;ma bay&#226;d&#8217;a, a tinim simiy&#234;m ala Jesus, ni simi ma malaikana mi tinimzi avok bei asum vum wir&#238;ma.</div><div class="s">A tak Jesus woi kur gong nga kud&#8217;ora</div><div class="p"> 22Kid&#8217;a bur mazi ma mbut tazi yed&#8217;etna ndak d&#8217;igi gata hi Moise-sa de na d&#8217;a, Josef azi ki Marie a mba ki Jesus avo Jerusalem &#225; tagam mi Salad&#8217;a. 23Ni d&#8217;igi a b&#8217;ir kur gata hi Salad&#8217;id&#8217;a na ala: Gor ma lara p&#238; ma a vud&#8217;um avo&#8217;&#226;, a mba tinim iram vam mi Salad&#8217;a. 24Josef azi ki Marie a he vama ngat buzuna d&#8217;igi a b&#8217;ir kur gata hi Salad&#8217;id&#8217;a na, nala, gugu bed&#8217;egera mb&#224; d&#8217;oze gugu d&#8217;a avo d&#8217;a gureid&#8217;a mb&#224;.</div><div class="p"> 25Sana mi nga Jerusalem, simiy&#234;m ala Simeon. Mam mi sama d&#8217;ing&#234;r&#226;, ni ma nga mi ring mandar Alona, nga mi djup Ma sut Israel-l&#238;na. Muzuk ma bei tchod&#8217;a ba na, mi nga ki sed&#8217;emu, 26mi dum avok ala mam mba mi mit ti, gak mba mi we Mesi ma Salad&#8217;a sunum&#239;na tua. 27Kid&#8217;a Josef azi ki Marie a mba ki gorozina Jesus &#225; le ki sed&#8217;em d&#8217;igi a b&#8217;ir kur gata na d&#8217;a, Muzu&#8217;&#226; mi zut Simeon mi im kur gong nga kud&#8217;ora hAlonid&#8217;a. 28Simeon mi hlum akulo hur abomu, mi subur Alona ala:</div><div class="q"> 29Ki tchetchemba, Salad&#8217;a,</div><div class="q">ar an azong mang&#226; ni mit ki b&#8217;leng nga halasa</div><div class="q">d&#8217;igi ang de na.</div><div class="q"> 30Kayam iran we wa Ma sut mang&#226; d&#8217;a.</div><div class="q"> 31Ni d&#8217;a ang minit yam suma peta.</div><div class="q"> 32Ni d&#8217;a mba d&#8217;i b&#8217;o woi yam andjaf suma ding&#238;d&#8217;a,</div><div class="q">ni subura hi mang suma Israel-l&#238;d&#8217;a mi.</div><div class="s">Djok vuna hi Simeon-na</div><div class="p"> 33Jesus abum azi kasum a le atchap yam ahle suma Simeon mi dazi kama. 34Simeon mi dazi kua ala: Ar Salad&#8217;a mi ndjunugiya. Mi de mi Marie Jesus asum ala: Alona mi man gor m&#225;ma ni yam puka ki tchola hi suma ablaud&#8217;a aduk Israel-l&#226;. Mam mba mi mbut ni vama simata hAlonina mi suma kak djang&#251;na ki sed&#8217;ema, 35kayam djib&#8217;era hablau suma d&#8217;a nga ngeid&#8217;a kuruzid&#8217;a, mba d&#8217;i nde woyo. Ndak taka, ndaka mba d&#8217;i tchogok huruk d&#8217;igi mbigeu d&#8217;a fiyaka na mi.</div><div class="s">Ta djok vun Alona Anne</div><div class="p"> 36Ta djok vun Alona nga, simiy&#234;t ala Anne, ni Fanuwel ma ad&#8217;u andjaf&#226; hi Aser-r&#238;na goromba. Ti le bizad&#8217;a ablaud&#8217;a; kid&#8217;a ndjuvut mi vat ki weyeta ti le bizad&#8217;a ki sed&#8217;em&#238; kid&#8217;iziya. 37Ti kak modonod&#8217;a bizad&#8217;a dok klavandi yam fid&#8217;i. Ti ar nga gong nga kud&#8217;ora hAlonid&#8217;a d&#8217;i, nga d&#8217;i kud&#8217;or Alona ki d&#8217;el tad&#8217;a bei te tena ki tchenda andjege ki faleya. 38Ata yi m&#225;ma, ti mba, ti le mersi mAlona. Ti de zlad&#8217;a hi gor m&#225;mid&#8217;a mi suma pet suma a nga djup pat ta Alona mba mi pat Jerusalem mbeid&#8217;a.</div><div class="s">Hulonga avo Nazarat-ta</div><div class="p"> 39Kid&#8217;a Jesus simiy&#234;m a lahlena pet ndak yam gata hi Salad&#8217;id&#8217;a, a hulong Galile kur az&#236; mazi ma ngol ma Nazarat-na. 40Gor m&#225;ma nga mi wula, nga mi sira, mi mbut sama ned&#8217;a he&#238;na, sumad&#8217;a hAlonid&#8217;a nga ki sed&#8217;em mi.</div><div class="s">Jesus bizam ndak dogo yam mb&#224;, mi kal kur gong nga kud&#8217;ora</div><div class="p"> 41Bizad&#8217;a ki bizad&#8217;a, simiy&#234;m a nga i Jerusalem &#225; le vun til ma Pa&#8217;&#226;. 42Kid&#8217;a bizam ndak dogo yam mb&#224;d&#8217;a, a i ki Jesus avo Jerusalem ata yima vun til&#226; d&#8217;igi azi nga le teteu na. 43Kid&#8217;a vun til&#226; dap dad&#8217;a, a hulong&#226;. Gor m&#225;ma, nala Jesus, mi ar nga Jerusalem, wani simiy&#234;m a we nga d&#8217;i, 44wani a djib&#8217;er ala mi nga naduk ndrozi suma tita. A tit bur&#226; tu, a nga halam aduk simiy&#234;zi ki buniy&#244;zina. 45Kid&#8217;a azi fum nga d&#8217;uo d&#8217;a, a hulong Jerusalem &#225; halamu. 46Bugol bur ma hindina, a fum kur gong nga kud&#8217;ora hAlonid&#8217;a. Mi nga kak k&#228; aduk suma hat suma, nga mi humuziya, nga mi djobozi mi. 47Suma pet suma a hum zla mambina, a le atchap yam ne mamba ki zla d&#8217;a de d&#8217;a nga mi hulong&#244;zizid&#8217;a mi. 48Kid&#8217;a simiy&#234;m a wumba, a le atchap. Asum mbi dum ala: Gorona, ni kayam me ba, ang lami hina ge? Ami kabung ami nga halang ki vunadik ka tumba. 49Mi hulong dazi ala: Agi halan ni yam me ge? Agi wagi nga d&#8217;ala mbe&#238; an kak kur gonga hAbunda d&#8217;uo zu? 50Wani a hum nga ad&#8217;u zla d&#8217;a mi dazizid&#8217;a d&#8217;i.</div><div class="p"> 51Mi hulong ki sed&#8217;ezi kur az&#236; ma ngol ma Nazarat-na, mi ge yam k&#228; ad&#8217;u zla mazid&#8217;a, wani asum mbi ngom zla ndata kurud&#8217;u, ti djib&#8217;er yam ahle ndazina pet mi. 52Jesus nga mi wula, mi mbut sama ned&#8217;a, nga mi lAlona tam djivid&#8217;a, nga mi le suma tazi djivid&#8217;a mi.</div>
 </div>
 </div>
</div>

Azumeina Bible © Alliance Biblique du Tchad, 1999.

Kur bur máma ma te yamba Auguste mi he vuna mi mam suma sunda ala: Agi b’irigi simiyê suma a nga kaka kur leu d’a Romê-d’ina pet. Wana ni ndum mba avoka, kid’a Kiriniyus nga mi te leud’a yam andaga d’a Siri-d’id’a. Nge nge pî mi i yam andaga mamba á b’ir simiyêm kur mbaktumba.
Josef mi tcholï kur azì ma ngol ma Nazarat ma Galile-na, mi i yam andaga d’a Jude-d’a kur azì ma ngol ma a yum ala Betelehem ma ni yima a vut amul ma ngolâ David kuana, kayam Josef tamba nandjafâ hi David-na. Mi i á b’ir simiyêm ki Marie d’a mam nga mi d’umuta. Ti nga ki wirâ. Kid’a azi sä Betelehem tua d’a, Marie burut ma vuta ndaga. Ti vut gorot ma avo’â, ti d’ud’um ki barud’a, ti gum kur kup ma tena hi d’uwarîna, kayam yima burâ nga kazi kur gong nga akoid’a d’i.

Kur andaga ndata, suma pola a nga abageya, a nga ngom tumiyô mazina andjege. Malaikana hi Salad’ina mi nde woi iraziya, subura hi Salad’id’a ti b’o kaziya; suma pola a le mandarâ ngola. Malaikana mi dazi ala: Agi lagi mandar ri, an mbagi ni Zla d’a Djivi d’a furî d’a yam suma peta. Kayam a vud’ugiya wa Ma Suta ini kur azina hi David-na, ni Christ, Salad’a. Wana ni vama simat ma agi mba wum ki na: Agi mba fagi gorâ d’uta ki barud’a, ged’a kä kur kup ma tena hi d’uwarîna.
Atogo hina zak, ablaud’a hi malaikanid’a zlapa ki malaika máma, a nga gile Alona ala:
Ei suburi Alo ma sä akulona!
Ar mi he b’leng nga halas mamba yam andagad’a
mi suma mi le kazina.

Ata yima ablaud’a hi malaikanid’a a arazi a hulong akulona, suma pola a de tazi ala: Ar ei i gak Betelehem á we vama le ma Salad’a mi tageizina. Azi i atogo zak, a fe Marie azi ki Josef ki gor máma nga mi ged’a kä kur kup ma tena hi d’uwarîna. Kid’a azi wumba, azi tagazi zla d’a malaikana mi dazizi yam gor mámid’a. Suma a hum zla ndatina pet a le atchap yam zla d’a suma pola a dazizid’a. Wani Marie ti ngom zla ndata kurut pet, nga d’i djib’er kad’u. Suma pola a hulongâ, a nga subur Alona, a nga gilem yam ahlena pet suma azi humuzina ki suma azi wazina, d’igi malaikana mi dazi na.

Kid’a bur ma klavandina ndaka, a ngat gor máma bayâd’a, a tinim simiyêm ala Jesus, ni simi ma malaikana mi tinimzi avok bei asum vum wirîma.

Kid’a bur mazi ma mbut tazi yed’etna ndak d’igi gata hi Moise-sa de na d’a, Josef azi ki Marie a mba ki Jesus avo Jerusalem á tagam mi Salad’a. Ni d’igi a b’ir kur gata hi Salad’id’a na ala: Gor ma lara pî ma a vud’um avo’â, a mba tinim iram vam mi Salad’a. Josef azi ki Marie a he vama ngat buzuna d’igi a b’ir kur gata hi Salad’id’a na, nala, gugu bed’egera mbà d’oze gugu d’a avo d’a gureid’a mbà.
Sana mi nga Jerusalem, simiyêm ala Simeon. Mam mi sama d’ingêrâ, ni ma nga mi ring mandar Alona, nga mi djup Ma sut Israel-lîna. Muzuk ma bei tchod’a ba na, mi nga ki sed’emu, mi dum avok ala mam mba mi mit ti, gak mba mi we Mesi ma Salad’a sunumïna tua. Kid’a Josef azi ki Marie a mba ki gorozina Jesus á le ki sed’em d’igi a b’ir kur gata na d’a, Muzu’â mi zut Simeon mi im kur gong nga kud’ora hAlonid’a. Simeon mi hlum akulo hur abomu, mi subur Alona ala:
Ki tchetchemba, Salad’a,
ar an azong mangâ ni mit ki b’leng nga halasa
d’igi ang de na.
Kayam iran we wa Ma sut mangâ d’a.
Ni d’a ang minit yam suma peta.
Ni d’a mba d’i b’o woi yam andjaf suma dingîd’a,
ni subura hi mang suma Israel-lîd’a mi.

Jesus abum azi kasum a le atchap yam ahle suma Simeon mi dazi kama. Simeon mi dazi kua ala: Ar Salad’a mi ndjunugiya. Mi de mi Marie Jesus asum ala: Alona mi man gor máma ni yam puka ki tchola hi suma ablaud’a aduk Israel-lâ. Mam mba mi mbut ni vama simata hAlonina mi suma kak djangûna ki sed’ema, kayam djib’era hablau suma d’a nga ngeid’a kuruzid’a, mba d’i nde woyo. Ndak taka, ndaka mba d’i tchogok huruk d’igi mbigeu d’a fiyaka na mi.

Ta djok vun Alona nga, simiyêt ala Anne, ni Fanuwel ma ad’u andjafâ hi Aser-rîna goromba. Ti le bizad’a ablaud’a; kid’a ndjuvut mi vat ki weyeta ti le bizad’a ki sed’emî kid’iziya. Ti kak modonod’a bizad’a dok klavandi yam fid’i. Ti ar nga gong nga kud’ora hAlonid’a d’i, nga d’i kud’or Alona ki d’el tad’a bei te tena ki tchenda andjege ki faleya. Ata yi máma, ti mba, ti le mersi mAlona. Ti de zlad’a hi gor mámid’a mi suma pet suma a nga djup pat ta Alona mba mi pat Jerusalem mbeid’a.

Kid’a Jesus simiyêm a lahlena pet ndak yam gata hi Salad’id’a, a hulong Galile kur azì mazi ma ngol ma Nazarat-na. Gor máma nga mi wula, nga mi sira, mi mbut sama ned’a heîna, sumad’a hAlonid’a nga ki sed’em mi.

Bizad’a ki bizad’a, simiyêm a nga i Jerusalem á le vun til ma Pa’â. Kid’a bizam ndak dogo yam mbàd’a, a i ki Jesus avo Jerusalem ata yima vun tilâ d’igi azi nga le teteu na. Kid’a vun tilâ dap dad’a, a hulongâ. Gor máma, nala Jesus, mi ar nga Jerusalem, wani simiyêm a we nga d’i, wani a djib’er ala mi nga naduk ndrozi suma tita. A tit burâ tu, a nga halam aduk simiyêzi ki buniyôzina. Kid’a azi fum nga d’uo d’a, a hulong Jerusalem á halamu. Bugol bur ma hindina, a fum kur gong nga kud’ora hAlonid’a. Mi nga kak kä aduk suma hat suma, nga mi humuziya, nga mi djobozi mi. Suma pet suma a hum zla mambina, a le atchap yam ne mamba ki zla d’a de d’a nga mi hulongôzizid’a mi. Kid’a simiyêm a wumba, a le atchap. Asum mbi dum ala: Gorona, ni kayam me ba, ang lami hina ge? Ami kabung ami nga halang ki vunadik ka tumba. Mi hulong dazi ala: Agi halan ni yam me ge? Agi wagi nga d’ala mbeî an kak kur gonga hAbunda d’uo zu? Wani a hum nga ad’u zla d’a mi dazizid’a d’i.
Mi hulong ki sed’ezi kur azì ma ngol ma Nazarat-na, mi ge yam kä ad’u zla mazid’a, wani asum mbi ngom zla ndata kurud’u, ti djib’er yam ahle ndazina pet mi. Jesus nga mi wula, mi mbut sama ned’a, nga mi lAlona tam djivid’a, nga mi le suma tazi djivid’a mi.

گوێگرتن لە Luc 2