Luke 1
1
1Barkorth orla hazroth Tha'Filu Baishabishi Manush allayi anrar butharai auaidai harlorth inn allorai laikai. 2Ayi harlorthall inor sugai daikaidai gaba borni yourai Hazroth Isar babthai gom habor hoai dahoryar all orzaw riyar annrar forjonth fanw sieyai. 3Aine dasai mamalar inn allorai shuruth lawthar gomgari diyan diiyi 4ai hortar allorr thalim thuai foairjoss inn allorai thuai zani bii.
Yahya auai bodai yarn'orr boaiyan 5Yahud'ir barsha Herod orr timeorth, Abija goshtirthu Zakariya num orr ougua Imam ireshil, are bow daisai Haron orr nasal orthu, eibar num daisi Alizbeth aireshil. 6Are eithar duni zorn dasai Allahthalar moonthu soaiyi ouzu, are Allahthalar forthi haqum ahkam allorai yow akarn barth nadi yourai mani yourai salithow. 7Are eitharthu fuwine suwine nuwireshi, kiyourla hoailai Alizbeth dasai baza ireshil, are eithar duni zorn dasai bashow bishi auaigiyoai. 8Zaiwakthought, eiba Allahthalar moonthu nizor dail mazin Imam'athir hurm orr zima ardar garair ra' anndoaila auaiyai, 9Imamathir doasthor mazi, eibar numor lottery thuliyourai Allahthlar Bithul Muquddus orth zieyourai kushba barthi zalayai. 10Are forthi manush allor jamath kushba barthir zalardai wakthought barai duwa garair. 11Thoai Allahthalar fa'rishtah kushba barthir maz'or dan dakorthu, aieyourai thiyie yourai eibarai daha diyai. 12Are zaiwakthought Zakariyah yai eibarai daiki tharfor darie giyoai, are daisai suhieya auaigiyoai. 13“Ma'gor fa'rishtah yai eibarai hoaiyai Aie Zakariya! Nadarise, thor duwa'rai ‘fuainai’ kabul goairjai; are thorla bali thor bow Alizbeth ayi ougua Mowroth fuwa auaibow, thuai eibar num ‘Yahya’ John hoai rakibi.” 14Are thuai dasai bishi kushi auaibi, are baishabishi manush allow eiba poaida auaibowdai yarnor zoriya kushi auaibow. 15Kiyourla hoailai eiba Allathalar moonthu buzorga auaibow, are hornaw wakthought ungor'or rosh wine aresha'ruff nahiebow. Are nizor mar, fatorthu thie thai Ruhul Quddus, loai bari thakibow. 16Are eibayai baishabishi Israel allorai Allahthalar tharof eitharar Allahthlar owzu firie dibow. 17Are eibadasai Eliyas orr Ruhr are quwath orr mazai eibar aregai aregai salibow, buff allorai fuwine dor owzi, are naharmarn allorai ouzu rasthar ouzu rastha mazin salibor tharof firie dibow, are Allahthlar'la ougra koam thoaiyar garibow. 18Zakariya yai fa'rishtah rai hoaiyai Aine ayi hatharai kangari zani yoom? Kiyourla ba'li hoailai aineyow bura, are anarr bowyo bura. 19Fa'rishtah yai juwab orr mazai eibarai hoaiyai, Aine Jibrail, Zibarthu Allahthalar moonthu hazair thaka farai, are thorloai ha'thar hoaiborla are ayi ha'thar allorr hoosha'bor hoaiborla anarai difairieyai. 20Foon! Thuai anar hatharai bishuch nagaros daiyarn orrla zoriya, ain doaila alamorth auai aieyai foaijonth bookauai thakibi, kiyourlabali hoailai time furielai anar hawtha fura auai aiebow. 21Are Manush allai Zakariyar saoin gawri boai thaikekai, are inn daiki tharjub auaiyai kiyourlabali hoailai eba Bithul Muquddus'or butharai dairi auai gii yoai. 22aiwakthought eiba barai ireshai thoai eiba eitharar laoai mathi nafarai, thaoi eithara orth fieyai Bithul Muquddus'or butharai wahi aireshaidai yarn, are eibar mathi nafaronorr zoriya arth tang lariyourai eishara gararth ireshil. 23Thoai eibar hadmor dinn furie zornorr zawriya eiba nizor garoth wapas giyoai 24ayi dinn allorr badai eibar bow Alizbeth orrthu hamal auaiyai, are eiba farn's marsh forn gawror butharai aishil. 25Zaiwakthought Allahthalayai annra bornie ga'raidai manush allorthu durai gariborla bali anar owzu nazor diyai, ayidinn orlorth eibaryai anarla bawli andoaila goairjai. 26Elisbath'orr hamal samarch orth foanshaidai wakthought, Allahthalar fa'rishtah Jibrail orai Galilee ayilakar Nazareth Town orr jawarn mayafuwa ogguar hansai difairieyai 27ayi mayafuwa eibadasai Dawod badshar nasal orthu aireshaidai Yusuf hoai rikekaidai eibar loai zura gantha gari rikekai. Eibar nam Maryam. 28Are Farishthar dasai Maryam'orr hansai aieyourai salam alikum hoai slam diyai, thor owari zibar worai fazal auaiyai! Allahthala thor fuwanthi aresai. 29Eibayi ayi arebas funiyourai bishi darie giyoai, are bafar shuru ligegai eiba hondoaila Slam 30Fa'rishtah yai eibarai hoaiyai aie Maryam! Nadarise, kiyourla hoialai Allahthalar moonthu thuai mook fieyours 31Arerow dak thuai hamal orrla auai yourai mowroth fuwa biyiebi, are fuwar num Isa hoai rakis 32eiba buzurgaw auai boo, arerow Allahthalar fuwa hoai mathiebow, arerow Allahthalayai eibarai ebar buff Dawod orr thohthaw'rai dibow 33eibayai Yaqub orr nasal allorai lagathar haqumorth garibow, are eibar barshayi hathom noaibow. 34Yarbadi Maryam ayi fa'rishtah rai hoaiyai, andoaila anrthu fuwa kanga'ri auaibow? Are aine dasai ougua juwarn mayarfuwa! 35Fa'rishtah yai juwab'orr mazai eibarai hoai low, Ruhul Quddus thorowari nazal auaibow, Allahthalar Quduroth ayi tharai giri loaibow, Ayithorlabali, thuai biyie bidai fuwa eibadasai Park suff' Muqudus hoaibow, Are Allahthalar fuawa hoai yoo mathiebow 36Are dak! Thor aigana Alizbeth O' bura auaidai wakthought fuwa fatorth auaiyai, Baza hoai marthadai eibayow hamal auai yourai samarsh orrth foainshai 37Kiyourla hoailai Allahthala gari nafaraidai ann kisunie. 38Maryam ayi hoaiyai, aine Allahthalar bonda' gularm, thuain zanhorr andoaila anrthu oak hoai fa'rishtah rai wapas hoaiyai, Yarbadai farishtha Maryam orrthu wapas auailow. 39Ayi dinn orr butharai Maryam jalthi thawyari gariyourai fari ayilakar Yahudar Town akarn'orr ouzu giyai 40Eiba Zakariyar garorth galai yourai Alizbeth orai Slam diyai. 41Maryam orr Slam, orai funiyourai Elisbath orr faitorr butharor fuwa falldie woriti low; Alizbeth Ruhul Quddus loai bawrie yaa. 42Thuain dasai haryak mayafuwine allorthu waroo Mubarak bargitha, thunwar faitorth asaidai fuwayow Mubarak' bargitha. 43Kiyourla anar worai ayi fazal auailow, Anar hudar' maa annr hansai aie low. 44Thunwar slam orai funiyourai, annr fator butharor fuwa kushi auai yourai falldieyai 45Thuaiyow Mubarak' bargitha, Allahthala hoaidai inn allorai Iman' bishush goairjaw hoai donorr arbus loai hoaiyai. 46Maryam ayi Hoaiyai,
Annar farun ayi Allahthalar Shukuriyar' tharif garai. 47re anarai barsa'dai Allahthalar owria anarai Ruh' ballfie kushi auaiyi. 48iyourla bawli hoailai
Eibayai Nizor bornda all dill shanwraw garaidai yarnorai kiyarl gawrai,
Arerow saw awhorn orthu shuru gari haryaik zamanar manush allayi Ananrai Mubarak bargitha bawli hoaibow. 49Kiyourla ba'li hoailai ayi kuduroth ayi anaarla bawli donr donr humall goairjai,
Are Eibar num park sarf. 50Are eibar rahum Omanush allor owrai thakibow,
Zaiathara eibarai nasala nasali dawra are izorth garibow, 51Ebar yai nizor harthor zurr darhiebow
Are zibar yai nizarai donnr buzai eibarai sarhar nahar ga'ribow. 52Eibaryai Ahtiyar orla allorai seat orthu failiebow,
Garib allorai Aretha garibow. 53Eibayai Buka allorai gom harnar allorai habie yourrai,
Dowlorth orlla allorai harli harthayi dunrie bow. 54Eibayai anarar Buf dada allorai diyaidai wada mazin,
Nizor gulam Israel allorai mordorth goairjai, 55Zin Ebrahim are ebar nasalorr orai orhorn foaijonth tharki giyoai,
Zain doaila eibayai anarar buf dada rai hoail. 56Tharfor Maryam thin march forn Elisbathor fuwanthi thakiyourai nizor gawroth wapes giyoai. 57Tharfor Elisbath' orthu fuwa auaibor time furie yairaa, thoai Alizbeth ayi fuwar biyieyai. 58Arerow eibar garor dakor manush all are ayigana allayi yarn funiyourai Allahthalar yai eibarai donr rahmorth goairjai, eibar fuwanthi kushi auaiyai. 59Tharfor anshtaw din badai eithara fuwarrai Soonath gawrie borla aishshai, are eibar num eibar buffor orai Zakariya hoai rikekai. 60Magor eibar maryai hoaiyai noai, ballkai eibar num Yahya hoai raka giyai. 61Eithara eibarai hoaiyai thuwanr hundurn orrth hawnika Yahya hoai numor naie 62harfor eithara fuwar num hoain doaila raki boai hoai, harth are tang lari your eishara gari buff orthu fusargoairjai? 63Eibayai silit akun magi loai yourrai fuwar num Yahya hoai laikai, eithara bogon tharjub auaigiyoai. 64Ayiwakthought hathard mazai Zakariah'r mook are zubarn wapas kuliaie yourai, Eibayai hatha hoaiyai, are Allahthalar shukuriyar goairthow lagai. 65Are eibar us passor manush all dawrie giyoai, are Yahudir forthi farorr ayilakar mazai ayi mamailar habor foligiyoai. 66Tharfor forthi funawyar allayi eitharar dil buthawrai bafi yourrai horr, thoai ayifuwa eiba hoain doaila auaibow? Kiyourla ba'li hoailai Allahthalar harth fuwa eibar orai. 67Are eibar buff Zakariya dasai Ruhul Quddus loai bawri yourai, tharfor Nabuwath loai hathahuwar shuru goairlow. 68Israel allor huda, Allahthalar shukuriya gara,
Kiyourla ba'li hoailai eibayai nizor manush allor owrai thawraju diyourai eithararai basieyai. 69Arr nizor bornda hadam Dawod orr nasalorr
Mazai anarla barsa'yar nailai. 70Zandoaila eibayai nizor park Na'bi allor zuburn loai hoaiyai, zin duniyar shuruth lawtha auai aieyaire. 71Zandoaila anararai anrar doshmon allorr harthorthu,
Are kaina rakayar allor harthorthu barsieyai. 72Are anrar buff dada allor orai raham gawrai,
Are nizor park wadarai manorth garai. 73Are Okasam orai eibayai anrar buff Ebrahim loai wada goairjill. 74Are eibayai anararai yarn bosh shish dibo,
Nizor dushmon allor harthorthu barsie bow. 75Eibar monthu anara park suff are ozugiriloai dor sara ayibadorth gawri. 76Arerow ayi fuwa tharai Huda thalar na'bi hoai mathiebow,
Kiyourlabali hoailai thuai dasai Allahthala rastharai thoaiyar gawri borlaa eibar argai argai ziebi. 77Nizor umorth allor gunah marf garibow
Are barsie'bowdai yarn hoaibow. 78Anarar Allahthalar Rahum karam loai barie yaa,
Eibayai basaya rai Jannath Usmunl orr orthu bail orr fororr doail anarar owrothu fororr for'nsiedi dibow. 79Balkai eibarai ziba anndar are morth orr sabarth mazai boaish shai eithararai forr dibow,
Tharfor anararai shanthir rasthar ozu forn'sie dali bow,
Wahi mazin hoaiyai. 80Fuwa, donor auai yourai daimug orla auai ireshaim, Thai dasai Israel allor Zahair noaithai jangle'orth thakithow.
S'ha seleccionat:
Luke 1: trpv-rv
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
This translation of the Rohingya Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.