Metiu A Dor Vaamaravazang Pana A Baar Angkari
A Dor Vaamaravazang Pana A Baar Angkari
Metiu ina xa ra varaar a baar angkari, naan azaxai zin a zangaaflu ma urua ubina varaviraai zin Iesu. Metiu naan a Judaa. Naan ka farar waan sin amun Judaa ina dit simbong a balazang sin a rapti ina Nakmai xa ra kling fawat kuna xana balas a Mesaaia zin naandi. Pana a linga bina Ibru, aknaaza aiza Mesaaia adu Nakmai xa kalin naan. Nakmai xa ra kalin Iesu xuna zaxot faulinang aubina zina. Pana a linga bina Grik, a waaling iwana adu Kaarisito.
Lamaskana a baar angkari Metiu xa vazei aubina adu Iesu naan a Mesaaia. Ma naan ka vamaravaas saait azanon dorang lamaskana a Baar Xoxok ina xai dador wana a Mesaaia. Ma Iesu xa waambazof ka amun dorang kanaan.
Ka malasing amun maariaas ka zangaaflu vaarua lamuraana Iesu xa maat ma Nakmai xa varamaraat faulin naan, Metiu xa varaar a baar angkari. Malasing ma a maariaas iwana fararang ka malasing AD 53 o AD 57.
A baar Metiu xa malasing kari:
(1) 1:1-2:23 Di luk Iesu la bina zin A Xalxaal Dewit
(2) 3:1-12 Jon A Rapti Iwana Baaptaaizang ka nimnimanin a lan aaxan Iesu
(3) 3:13-4:11 Jon ka baaptaais Iesu ma Saatan ka vaxabebeu naan
(4) 4:12-14:12 Iesu xa waan farawuk la pira Gaalili ma xat faraviraai
(5) 14:13-17:21 Iesu xa waan la amun non farawuk ma xat faraviraai
(6) 17:22-18:35 Iesu xa uli waan Gaalili ma xat faraviraai
(7) 19:1-20:34 Iesu xa waan la pira Judia ma xat faraviraai
(8) 21:1-27:66 A vaanongang iwana wik pana vaamuzazang sin Iesu ma a maatang sina
(9) 28:1-20 A ramaraat puliang sin Iesu
S'ha seleccionat:
Metiu A Dor Vaamaravazang Pana A Baar Angkari: NAL
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2023, Wycliffe Bible Translators, Australia All Rights Reserved