मरकुस 8
8
येसु नालुंग हजार लोकुरकुन तिहान्तोर
(मत्ति १५:३२-३९)
1अव दियांगते असा पकाय भीळ जमा आत असके ओरा हेरे तिन्दान साटि बाराय हिले आस मता ते येसु आपुनोर चेलालोरकुन हेरे केयस ओरकुन इतुर, 2“येरक इदेक मून्ड दियाताल नावासंग मन्तोरक अनि ओरा हेरे तिन्दान साटि बाराय हिले इन्जोर नाकुन ओरा पोरो दया वान्ता। 3नना ओरकुन बिना तिन्वाय लोन लोहका ते ओरक नडुम हरदे अवकेमायनुरक बाक्याकि येरागाडाल बोरे बोरे पकाय लकडाल वातोरक।” 4ओनोर चेलालोरक ओन उत्तर हितुरक, “येरकुन इगा वारु पल्लातिगा जेवन किस तृप्त कियान साटि अचोक जेवन बोरे बगाडाल तता परान्तोर?” 5येसु ओरकुन पुच्चेमातुर, “मिया हेरे बचोक रोटिंग मन्तांग?” ओरक इतुर, “सात।” 6असके येसु ओरकुन जागादिगा उदिला आग्या हितुर। अनि अव सात रोटिंग येतितुर अनि धन्यवाद किस रोटिंग तुकळांग किस आपुनोर चेलालोरकुन हिसोर हितुर अनि ओर लोकुरकुन वाडे किसितुरक। 7ओरा हेरे हुचुक हुडलांग मीन्क वने मन्दुंग, ओर परमेस्वरतुन धन्यवाद किस अव वने लोकुरकुन तिन्दाना आग्या हितुर। 8अव तिन्ज संतुष्ट आतुर अनि चेलालोरक पिसतांग तुकळांगना सात बुटिंग निहस ताहतुरक। 9ओरक नालुंग हजारना हेरे लोकुरक मतोरक। ओर सबोयलोरक जेवन तितुरक असके येसु ओरकुन आपुना लोन हन्दिला हितुर। 10अनि ओर सान्डे आपुना चेलालोरासंग डोंगातिगा उदस दलमनुथा प्रदेशतिगा हतुर।
परीसिलोकुरक स्वरगताल चमत्कार तलकान्तोरक
(मत्ति १६:१-४)
11पजा परीसि लोकुरक वास ओना परिक्षा कियान साटि स्वरगतिगाडाल बोदेतरि चमत्कार तल्कस ओनासंग बहस किया लागतुरक#मत्ति १२:३८; लूका ११:१६। 12ओर दम येतस इतुर, “इद काळतोर लोकुरक बाक्या चमत्कार पळकान्तोर? इद पिळिता लोकुरकुन बोदायि चमत्कार हिया लागो आयार इन्जोर नना मिकुन खरोय इन्तोना#मत्ति १२:३९; लूका ११:२९ ।” 13अनि येसु ओरकुन तासिस असा डोंगातिगा अन्जतुर अनि नहारता होदपाकाळ हतुर।
परीसि अनि हेरोदेसना खमिर
(मत्ति १६:५-१२)
14चेलालोर रोटिंग येताना मरिंगस मतोरक अनि डोंगातिगा ओरा हेरे उन्दिय रोटि मता। 15येसु ओरकुन इशारा कितुर, “हुळाट परीसि अनि हेरोदेसना खमिरताल हुशार मन्ट#लूका १२:१ ।” 16ओर आपसते विचार किस इदाम इतुरक, “मावा हेरे रोटिंग हिलेंग इन्जोर ओर इदाम इन्तोर।” 17इद पुन्ज येसु ओरकुन इतुर, “मावा हेरे रोटिनुंग हिलेंग इन्जोर निमाट बाक्या आपसते विचार कियाला आतोरिट? बाताल इदेकवनाह पुनविट अनि समजेमायविट? बाताल मिया मन कटोर आता बहे? 18बाताल कोन्डांग मन्ज वने हूळ परविट बहे? अनि कविंग मन्ज वने केन्ज परविट बहे? अनि बाताल मिकुन आटवन हिले#यिर ५:२१; यहेज १२:२; मर ४:१२ बहे#यिर ५:२१; यहेज १२:२; मर ४:१२ ? 19ओदबेरा नना सयुंग हजार लोकुरक साटि सयुंग हारितांग तुकळांग किस मन्दान ते निमाट तुकळातांग बचोक बुटिंग निहस ताहतिट?” ओरक ओन इतुरक, “बारहा बुटिंग।” 20“अनि ओदबेरा नालुंग हजार लोकुरक साटि सात रोटिंग तुकळांग कितान असके निमाट तुकळातांग बचोक बुटिंग निहस ताहच मतिट?” ओरक ओन इतुरक, “सात बुटिंग।” 21येसु ओरकुन इतुर, “बाताल इदेकवनाह निमाट समजेमायविट बहे?”
बेतसयदातिगा वरोर आन्दरान येसु सुदरे किन्तोर
22ओरक बेतसयदा नाटेनिगा वातुर असके लोकुरक वरोर आन्दराल मानेयतुन ओना हेरे ततुरक अनि ओन कय इटिर इन्जोर ओन विनन्ति कितुरक। 23येसु ओर आन्दराल मानेयना कय पयस नाटेना बाहरो ओसुन ओना कोन्डातिगा उसकुल लावेकिस ओना पोरो कय इरस, “बाताल निमा बाताले हुळान्तोना?” इन्जोर पुच्चेमातुर। 24ओर कोन्डांग ताहच इतुर, “नना मानेयतुन हुळान्तोना ओरक नाकुन ताकसोर मराक लेहका दिसान्तोना।” 25असके येसु दुसरो बेरा ओना कोन्डांग पोरो कय इरतुर, ओर बेस आतुर अनि आन्दराल मन लावेकिस हुळतुर अनि सबोय सोबाय हुळिला लागतुर। 26अनि “निमा इद नाटेनिके हनमा” इदाम इन्ज येसु ओन आपुना लोन लोहतुर।
येसु मसिहाल आन्दुर इन्जोर पतरस वेहिन्तोर
(मत्ति १६:१३-२०; लूका ९:१८-२१)
27येसु अनि ओनोर चेलालोरक फिलिप्पिना कयसरिया नाटेनिगा हतुरक, हरितिगा ओर आपुनोर चेलालोरकुन, “लोकुरक नाकुन बाताल इन्तोर?” इन्जोर पुच्चेमातुर। 28ओरक उत्तर हितुर, “युहन्ना बपतिस्मा हेवाल, अनि दुसरो हुचुलोरक इन्तोर एलियाह अनि दुसुरो हुचुलोरक परमेस्वरना पोल्लो वेहवालोरक निगडाल वरोर आन्दुर इदाम इन्तोर।#मर ६:१४-१५; लूका ९:७-८” 29येसु ओरकुन पुच्चेमातुर, “मति निमाट नाकुन बाताल इन्तोरिट?” पतरस ओन उत्तर हितुर, “निमा मसि आन्दि#युह ६:६८-६९।” 30असके नावा बारेते इदाम बोनासंग इन्माट इन्जोर येसु ओरकुन चेतावनि कितुर।
येसु आपुना हायानाता बारेते वेहान्तोर
(मत्ति १६:२१-२३; लूका ९:२२)
31असके येसु आपुना चेलालोरकुन इदाम करिहिला लाकतुर: “नना मानेयतोर मरि पकाय पकाय तकलिप सहेन किस अनि यहुदि मुक्यालोरक अनि मुक्याल याजक लोकुरक अनि मूसाना नियमतुन करिहवालोरक ओन तुच्च समजेमास होवक्स वाटिर अनि ओर मून्ड दियाना पजा असा जिवे मायिला पहाजे” इन्जोर येसु ओरकुन करिहला लागतुर। 32ओर इद पोलो ओरकुन साप साप इतुर असके पतरस ओन अलगो ओस होंग किया लागतुर। 33मति ओर मलियस आपुनोर चेलाहनिके हुळतुर अनि पतरसतुन होंग किस इतुर, “हे सयतान नावा मुनेटाल लक आम, बाक्याकि निमा परमेस्वरना पोल्लोतिगा आयो मति मानेयना पोल्लोतिगा मन लावे किन्तोन।”
येसुना परके हन्दानाता अर्थ
(मत्ति १६:२४-२८; लूका ९:२३-२७)
34ओर भीळतुन अनि आपुना चेलालोरकुन आपुना हेरे केयस ओरकुन इतुर, “बोनाय नावा परके वायाना इच्चा मन्ता ओर आपुना इच्चा अनि योजनातुन तासि आपुना कुरुस ताहच आपुना पकाय तकलिप सहेमास नावा परके वायिर#मत्ति १०:३८; लूका १४:२७। 35बाक्याकि बोरायि आपुना जिवन पिसिहिला इच्चा कियानुरक ते ओरकुन परमेस्वरनासंग मन्ता अनन्ता काळता जिवा नष्ट आयार, मति बोरायि नावा साटि या सोबाता पोल्लोसाटि आपुना जिवा हियानुर ते ओरक परमेस्वरनासंग अनन्तकाळता जिवा पुटार#मत्ति १०:३९; लूका १७:३३; युह १२:२५ । 36मानेय दुनियाता सबोय चिजतुन पुटहानुर मति ओर अनन्त जिवन नष्ट कियानुर ते ओन बाताल फायदा मन्दार? 37अनन्त जिवन पुटहान साटि मानेय बोद चिज बदला हिया परान्तोर? 38इद व्यभिचार अनि पापि केवालोरा पिळिता नडुम बोरायि नावा अनि नावा पोल्लोनुंग येतिला लज्जेमायनुरक ते नना मानेयतोर मरि वने ओना बारेते पवित्र स्वरगदूतकनासंग आपुना बाबोना महिमातासंग वायका असके लज्जा कियाकान।”
S'ha seleccionat:
मरकुस 8: fmu
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© (Active) Wycliffe Bible Translators, Inc. All rights reserved.