Yohani 4
4
Unkikulu unSamaria
1Lelo uNtwa bo asyagenie ukuti abaFarisai bapilike isya kuti Yesu ikubapela bafundigwa nukubosya abandu ba
2bingi ukunkinda Yohani, — napapo Yesu akabosyaga yuyo,
3loli abafundigwa bake — popapo alinkusoka mu-Yudai, alinku-
4buka kangi mu-Galilai. Lelo kwalimbagile ukuti akisaniege
5mu-Samaria. Popapo alinkwakufika nkaya ka Samaria aka batigi Sikari, aka kapalamene nungunda ugu Yakobu alimpele
6umwanake Yosefu. Mo kyalimo ikina kya Yakobu ikya nyibuko ya misi. Lelo Yesu bo akatele injila, alinkutugala itolo panyibuko; pali po pakabalilo ka ntandatu.#Ko kuti ilisuba bo lili pantu.
7Popapo alinkwisa unkikulu unSamaria kukunega amisi. Umwene Yesu alinkumbula alinkuti: Mbapo nine nnwepo.
8Namanga abafundigwa bake babukile nkaya nkula ifyakulya.
9Popapo unkikulu unSamaria alinkumbula alinkuti: Kali ubagile gwe njuda ukusuma amisi kuli ne nkikulu ne nSamaria? (Namanga abaYuda batikwangala nabaSamaria).
10Umwene Yesu alinkumwamula alinkuti: Linga gwalimenye ifyabupe fya Kyala, nukuti ywani uyu ikukubula ukuti, mbapo nine nnwepo, angali kunsuma yuyo, po umwene angali
11ikukupa amisi amumi. Popapo unkikulu alinkumwamula alinkuti: Malafyale, ikinegelo ukaya nakyo, kangi ikina kiso-
12lofu, lelo po kugagaga kugu amisi amumi? Kingamo unkindile ubukulumba tata Yakobu, uyu atupele ikina kikiki, uyu yope anwaga muli kikiki, nabanake, nimitimo gyake?
13Umwene Yesu alinkumwamula alinkuti: Gwesa uyu linga
14ikunwa amisi gagaga, yo ikumilwaga kangi; loli uyu linga ikunwa amisi aga nisakumpaga une, yo atisakukibonaga siku ikyumilwa, loli amisi aga nisakumpaga, go gikwipelaga mmyake nyibuko ya misi, iyi yikwibukila kubumi bwa bwila
15bwila. Popapo unkikulu alinkuyoba nagwe alinkuti: Malafyale, go ulimbaga amisi gagaga, ukuti nangumilwaga, kangi
16ukuti nangisaga kuno kukunega. Umwene alinkumbula alinkuti: Buka kambilikile undumego, mukisege kuno.
17Popapo unkikulu alinkumwamula alinkuti: Ngaya nunnyambala. Umwene Yesu alinkumbula alinkuti: Utalwisye apa
18utile ngaya nunnyambala; buno gwali nabanyambala bahano, kangi uyu uli nagwe lilino akaya ndumego. Isi uyobile sya
19naloli. Popapo unkikulu alinkumbula alinkuti: Ngubwene
20ukuti uli nkunguluka. Batata biputilaga nkyamba kikiki, umwe loli mukuti mu-Yerusalemu bo buyo ubu abandu fikuti
21biputilengemo. Umwene Yesu alinkumbula alinkuti: Unyitikege une gwe nkikulu, kikwisaga akabalilo apa mutisakwiputilaga kwa Tata nkyamba iki, nalinga mo mu-Yerusalemu.
22Umwe mukwiputa kuli aka mukakamanya, uswe loli tukwiputa kuli aka tukamenye; papo ubupoki bukufuma mbaYuda.
23Loli kikwisaga akabalilo, nalilino kalipo, po aba bikwiputa naloli bisakwiputaga kwa Tata mumbepo na mbwanaloli; namanga Tata ikubalonda aba bikwiputa bo bunobuno
24kumyake. Umwene Kyala mbepo, bosa aba bikwiputa kumyake, fikuti biputilege mumbepo na mbwanaloli.
25Umwene unkikulu alinkumbula alinkuti: Mmenye ukuti Mesia ikwisa (ko kuti Kristi),#Kristi ko kuti umpakigwa. linga isile yuyo, po isakutubu-
26laga syosa. Popapo Yesu alinkumbula alinkuti: Yo une ne nikuyoba nanungwe.
27Pakabalilo kako abafundigwa bake balinkwisa, balinkuswiga papo ayobaga nunkikulu; loli pope nayumo akalindalusisye
28ukuti: Kulonda fiki? pamo, kuyoba nagwe sya fiki? Popapo unkikulu alinkuyileka papo indeko yake, alinkubuka nkaya,
29alinkubabula abandu alinkuti: Tubuke, mukankete umundu uyu ambulile syosa isi nabombaga; kali ayege yo Kristi
30yuyuyu? Popapo balinkusoka nkaya, balinkubuka apa alipo.
31Lelo pakabalilo kako, abafundigwa balinkuntengulila bali-
32nkuti: Rabi,#Rabi, ko kuti Mmanyisi. lyangamo. Loli umwene alinkubabula alinkuti:
33Une ndi nafyo ifyakulya ifi mukalimanya umwe. Abene abafundigwa balinkulalusania balinkuti: Kali yumo umundu
34antwalile fimo ifyakulya? Umwene Yesu alinkubabula alinkuti: Ifyakulya fyangu ko kubomba ubwigane bwa uyu
35andumile une, nukuyimalisya imbombo yake. Umwe mutikuyoba ukuti: Gisyele imyesi mina ukwisa untondolo? Keta lelo nikubabula nikuti: Amwinulege amaso ginu mukete
36imigunda, buno gyelukile gifikilepo pantondolo. Untondoli ikwambilila ifihombigwa fyake, ali pakubungania iseke sya bumi bwa bwila; ukuti unsopi nuntondoli basekelege pamo-
37pene. Buno mo mumo likubonekela ukuya lya naloli ilisyu
38ili likuti: Yumo ikusopa, uyungi ikutondola. Une nabatumile nkutondola ifi mukaliyulilepo; abangi baliyulile, umwe mwingilepo itolo pakabombo kabo.
39AbaSamaria ba bingi aba nkaya kala balinkumwitika, panongwa ya isyu ili unkikulu alisisimikisye atile: Ambulile syosa
40isi nabombaga. Lelo bo abaSamaria bafikile apa alipo, balinkumpyelesya ukuti agonepo pamyabo. Umwene alinku-
41gona papo amasiku mabili. Popapo balinkumwitika ba bingi
42ukukindapo, panongwa ya isyu lyake; balinkumbula unkikulu balinkuti: Lilino mukwitikila pamasyu gako gene, himma, buno na yuyuswe twibene tupilike, kangi tumenye ukuti uyu naloli yo Mpoki gwa kisu.
43Lelo bo gakindile amasiku mabili gala, umwene alinku-
44sokamo, alinkubuka mu-Galilai. Namanga Yesu yuyo asisimikisye ukuti: Unkunguluka atikwimikigwa nkisu kyake.
45Lelo bo afikile mu-Galilai, abaGalilai balinkumwambilila; abene basibwene syosa isi asibombile mu-Yerusalemu pakyaka, namanga bope babukile kukyaka.
Yesu ikumbumbulusya umwana gwa ifumu gwa mu-Galilai
46Popapo alinkwisa kangi mu-Kana nkisu kya Galilai, mumo agapelile amisi ukuya bwalwa bwa mafilu. Lelo aliko ulifumu
47yumo uyu umwanake ali mbine mu-Kapernaumu. Umwene bo apilike ukuti Yesu afumile mu-Yudai, isile mu-Galilai, alinkubuka kumyake alinkumpyelesya ukuti asuluke akambumbulusyege umwanake; namanga ali pipi itolo ukufwa.
48Umwene Yesu alinkumbula alinkuti: Linga mutikufibona
49ifya kumanyilamo mfiswigu, po mutikwitikamo siku. Umwene ulifumu alinkumbula alinkuti: Malafyale, isaga twikililege bo
50umwanangu akali ukufwa. Umwene Yesu alinkumbula alinkuti: Bukaga, umwanako mumi. Popapo umundu yula
51alinkulitika ilisyu ili Yesu alimbulile, alinkubuka. Lelo bo akali ikwikilila, abatumwa bake balinkwaganila nagwe, bali-
52nkumbala isya kuti umwanake mumi. Popapo alinkubalalusya akabalilo kako umwanake asisipukile; abene balinkumbula balinkuti: Mmayolo pakabalilo ka buhano na bubili,
53po apa isekema yalindekile. Popapo ugwise alinkumanya ukuti pali po pakabalilo kako Yesu alimbulile ukuti: Umwanako mumi; popapo alinkwitika yuyo ninyumba yake yosa.
54Iki lelo kyo kika kya bubili, iki Yesu abombile bo isile mu-Galilai, ukufuma mu-Yudai.
S'ha seleccionat:
Yohani 4: NYY
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Nyakyusa Ngonde New Testament (Ulwitikano Ulupya) © United Bible Societies, 1966.