Mɑɑtieo 2
2
Bɑntieb nyii yendopo
1Mɑɑli din mɑl Yiesu dosɑu nnɑ ni, k b yi’l Betlehenm, k l be Suude tinŋ ni. U din mɑl’ɔ kpɑnbɑl *Heluod yuo e. L yuo nɑ k bɑntesiɑb#L dɑnm din tuu goli ŋmɑbilɑ e, k wɑnt niib lin nbɑ tie dulnyɑ ni. din nyii yendopo k bɑɑl Selusɑɑlenm, 2k tɑn boi niib ɑ: «Islɑɑeltieb kpɑnbɑl nbɑ k b mɑl’ɔ nɑ, u be lee? T dɑɑn lɑ u ŋmɑɑbil e yendopo k bɑɑl nɑ ɑ t tɑn jiɑnt’ɔ.» 3Kpɑnbɑl Heluod nbɑ din gbɑt nnɑ mɑnŋ, k l biil ŋuɑ nɑn Selusɑɑlenmtieb kul pɑlɑ ni. 4K u din yiin Yennu mɑnntieb yudɑnm nɑn *senniwɑntieb k tɑn boi’b ɑ: «Lee k b sɑɑ mɑl *Klistu nɑ?»
5K b jiin’ɔ ɑ: «Betlehenm duo nbɑ be Suude tinŋ ni nɑ, k mɑɑn *Yennu sɔkni nɑ din diɑn ɑ:
6‹Fin Betlehenm nbɑ be Suudɑ tinŋ ni nɑ,
ɑ k tie tinbik kɑɑ Suudɑ yiɑl ni,
k mɑɑn Kpɑnbɑlsuɑ tɑn sɑɑ nyi ɑ ni e,
k ŋuɑ e tɑn sii tie n niib Islɑɑeltieb nɑ pekpɑɑlk.›»
7Lin nbɑ nɑ puolpo e k kpɑnbɑl Heluod din yiin bɑntieb mɑnŋ wuol ni, k tɑn boi’b k fiit’b fɑnu ɑ wun bɑnn yuo nbɑ k ŋmɑɑbil nɑ dɑɑn nyii, 8k din yet’b: «Ii sɑɑ mɑn Betlehenm k sɑɑ lon bik mɑnŋ fɑnu. Yuo nbɑ k i lɑ’u, yin jen ɑ k tɑn yet’n k n mun sɑɑn k sɑɑ jiɑnt’ɔ.» 9Kpɑnbɑl nɑ nbɑ din pɑk nnɑ k gbenn yuo nbɑ, k b nyii k suol sɔnu. Bɑɑ din sɑɑ mɑnŋ k b lɑ ŋmɑɑbil nbɑ dɑɑn nyii yendopo nɑ, k l gɑl b tuɑnn po k sɑɑ set bik mɑnŋ nbɑ be ŋɑɑk nbɑ nɑ ni, l sɑnpɑɑpo. 10Bɑɑ lɑ ŋmɑɑbil mɑnŋ nɑ, k b pɑlɑ ni penn bonciɑnn. 11K b kuɑ ŋɑɑk mɑnŋ ni, k lɑ bik mɑnŋ nɑn u nɑɑ Mɑɑli. Ŋɑnn e k b gbɑɑn k jiɑnt bik mɑnŋ, ŋɑɑn biit b pɑkɑ k nyinn piini k tul’ɔ. Piini mɑnŋ din tie sɑlmɑ nɑn tulɑɑlnyun nɑn tulɑɑlsiɑl nnɑ k b yi’l miil#L tie tulɑɑli nbɑ k b jokt muu e, k l nublu mɑn. B biɑ din tuu diɑ miil mɑnŋ tie dɑɑn ni, k l i tie k siɑl tien nilɔ k yekt’ɔ, ŋɑɑn k u nyuu, lin mɑɑk’ɔ..
12Tɔn, k Yennu din pɑk k tul’b b dɑmiit ni, ɑ b ji dɑɑ ŋmɑt kpɑnbɑl Heluod buol ni. L pɑɑk, k b ji din tɔkn sɑnjogɑɔnŋ k ŋmɑt kun b duo ni.
Suosiɑf ciɑl k sɑɑn Ejipt
13Bɑntieb nɑ nbɑ din kun nɑ puolpo e k Yonmdɑɑnɔ Yennu *mɑlɑkɑ din bɑɑl Suosiɑf buol u dɑmiit ni, k yet’ɔ ɑ: «Fiit k jii sɑnpɑntk mɑnŋ nɑn u nɑɑ kii tiin kii sɑɑ Ejipt tinŋ ni, k sɑɑ kɑl lenŋ nɑn yuo nbɑ k n tɑn sɑɑ tul’ɑ mɔb biɑk, k mɑɑn kpɑnbɑl Heluod luon k wun lon bik mɑnŋ buol e k kpi’u.»
14K u din fiil nyiɑɔk k jii bik nɑ nɑn u nɑɑ k ciɑl k sɑɑn nɑn’m Ejipt tinŋ ni. 15U din be lenŋ e nɑn yuo nbɑ k kpɑnbɑl Heluod din tɑn kpo nɑ. Lin nbɑ nɑ kul din tun ɑ lin gbien lin nbɑ k Yonmdɑɑnɔ Yennu din te k u sɔkniisuɑ pɑk l po nɑ e ɑ: «Min, Yennu, n din yiin n Bijɑ ɑ wun nyi Ejipt tinŋ ni.»
Heluod te k b kpii bonjɑbis
16Heluod nbɑ din tɑn bɑnn nɑn bɑntieb mɑnŋ kpɑl’ɔ e nɑ, k u wutuol din duo bonciɑnn. K u din tun sejenm ɑ bin sɑɑn Betlehenm nɑn l digbɑnbis ni k sɑɑ kpi bonjɑbis kul, lɑɑ jii sɑnpɑnti k sɑɑ tuu bin nbɑ mɔk binɑ ŋɑnle, nɑn wɑɑ dɑɑn boi bɑntieb mɑnŋ k bɑnn yuo nbɑ k ŋmɑɑbil nɑ dɑɑn nyii nɑ.
17Nnɑ e k lin nbɑ k *Yennu sɔkni Selemi din pɑk nɑ din gbien ɑ
18«Lɑɑmɑ#L tie duo e, k k fɔk nɑn Selusɑɑlenm, l i tie k ɑ be Selusɑɑlenm ŋɑɑn goli yenbɑɑpo, l duo be diitu po e. duo nuɑk ni e k b gbiɑ kunkɔl,
mɔni nɑn fɑbni,
k Lɑɑsiɑl#Lɑɑsiɑl din tie Sɑɑkɔb ŋɑɑpuo e. Sɑɑkɔb mun din tie Islɑɑel buolu piik nɑn munle nɑ bɑɑ e. Nnɑ nɑ k suɑ Lɑɑsiɑl kpo wɑɑ. Ŋɑɑn bɑɑ yɑɑ u mɔ u wɑɑs pɑɑk nɑ, l wɑnn nɑn Lɑɑsiɑl din sie Islɑɑel puob kul sienu ni e. mɔ u wɑɑs pɑɑk,
k b bɑln’mɔ k tɑn guo,
k mɑɑn u wɑɑs kul ɑ kpo wɑɑ.»
Yiesu nɑn u dɑnm nyii Ejipt tinŋ ni k jen
19Tɔn, k kpɑnbɑl Heluod tɑn kpo, k u kuun puolpo k Yonmdɑɑnɔ Yennu mɑlɑkɑ biɑ din sɑɑn Suosiɑf buol u dɑmiit ni, Ejipt tinŋ ni, 20k sɑɑ yet’ɔ ɑ: «Fiit k jii bik mɑnŋ nɑn u nɑɑ, k ŋmɑt sɑɑn Islɑɑel tinŋ ni, k mɑɑn bin nbɑ din lol ɑ bin kpi bik mɑnŋ nɑ kpo wɑɑ.» 21K Suosiɑf din fiil k jii bik mɑnŋ nɑn u nɑɑ k din ŋmɑt k sɑɑn Islɑɑel tinŋ ni.
22Ŋɑɑn wɑɑ din tɑn gbɑt ɑ Alkelɑus dii nɑɑn k kɑl u bɑɑ Heluod nɑɑngbɑnt pɑɑk Suude tinŋ ni nɑ, k jɑŋmɑɑni suol’ɔ nɑn wun kun lenŋ, k Yennu biɑ din kpɑɑn’ɔ u dɑmiit ni, k u din sɑɑn Gɑɑliile tinŋ ni, 23k din sɑɑn k sɑɑ kɑl duo nbɑ k b yi Nɑɑsɑɑlet nɑ ni. Nnɑ e k l tien gbien mɑɑn nbɑ k Yennu sɔkniinbɑ din yet ɑ: «B tɑn sii yi’u Nɑɑsɑɑlet nilɔ e.»
S'ha seleccionat:
Mɑɑtieo 2: MOBANT07
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Moba-Lok New Testament © Bible Society of Togo, 2007.