Laoidhean 4

4
LAOIDH 4
Iob 3.17-20
1Cia sàmhach ciùin an talla dorch
san gabh sinn uile tàmh;
An tìr na dichuimhn' far nach gluais
aon fhuathas sinn no nàmh.
2Cia tosdach sèimh an leabadh 'n uaigh,
a ghabhail suain is fois;
Théid crìoch air dragh luchd‑euceirt innt'
's gheibh daoine sgìth innt' clos.
3Innte cha chaoidh am prìosanach
ni 's mò mar fhuair e chlaoidh;
Cha dochainn smachd an droch righ bhuirb,
's is balbh guth mhillt fhir dhaoi.
4Tha lag is làidir, beag is mòr,
co‑shìnt san uaigh le chéil';
Tha naimhdean sàmhach taobh ri taobh,
is luchd na comhstri réidh.
5Co‑ionnan coidlidh iad air fad
fo ghlasaibh teann a' bhàis,
Gu'n uair an gairmear iad le Dia
'na fhianuis là a' bhràth.

S'ha seleccionat:

Laoidhean 4: LSN1987

Subratllat

Comparteix

Copia

None

Vols que els teus subratllats es desin a tots els teus dispositius? Registra't o inicia sessió