INṬANNA 5
5
Adam thlahai
(1 Chr 1.1-4)
1 #
Gen 1.27 Hi hi Adam thlahai chuongna lekhabu chu a nih. Pathienin thu ngawta mihriem a siem ni khan Pathien angpuiin ama chu a siem a;
2thu ngawtin anni chu nuhmei le pasalah a siem a nih, siema an um ni khan mal a sâwm a, an hming dingin “Mihriem,” ân bûk a.
3Adam chun kum za le sâwmthum a niin, ama angtak, ama angpui ngei naupasal a nei a; a hmingah Seth a sak a;
4chun, Seth a nei hnung chun Adam chu kum za riet a la dam a; naunuhmei le naupasalhai a nei nâwk a.
5Chuongchun, Adam dam sûng po chu kum za kuo le sâwmthum a nih; chun, a thi tah a.
6Chun, Seth chun kum za le panga a niin naupasal Enos a nei a;
7chun, Enos a nei hnung chun Seth chu kum za riet le pasari a la dam a, naunuhmei le naupasalhai a nei nâwk a.
8Chuongchun, Seth dam sûng po chu kum za kuo le sâwmpahni a nih; chun, a thi tah a.
9Chun, Enos chun kum sâwmkuo a niin naupasal Kenan a nei a;
10Kenan a nei hnung chun Enos chu kum za riet le sâwmpanga a la dam a, naunuhmei le naupasalhai a nei nâwk a;
11chuongchun, Enos dam sûng po chu kum za kuo le panga a nih; chun, a thi tah a.
12Chun, Kenan chu kum sâwm- sari a niin naupasal Mahalalel a nei a;
13Mahalalel a nei hnung chun Kenan chu kum za riet le sâwmli a la dam a, naunuhmei le naupasalhai a nei nâwk a;
14chuongchun, Kenan dam sûng po chu kum za kuo le sâwm a na; chun, a thi tah a.
15Chun, Mahalalel chun kum sâwmruk le panga a niin naupasal Jared a nei a;
16Jared a nei hnung chun Mahalalel chu kum za riet le sâwm- thum a la dam a, naunuhmei le naupasalhai a nei nâwk a;
17chuongchun, Mahalalel dam sûng po chu kum za riet le sâwmkuo panga a nih; chun, a thi tah a.
18Chun, Jared chun kum za le sâwmruk le pahni a niin naupasal Enok a nei a;
19Enok a nei hnung chun Jared chu kum za riet a la dam a, nau- nuhmei le naupasalhai a nei nâwk a;
20chuongchun, Jared dam sûng chu kum za kuo le sâwmruk le pahni a nih; chun, a thi tah a.
21Chun, Enok chun kum sâwmruk le panga a niin naupasal Methusela a nei a;
22Methusela a nei hnung chun Enok chu kum za thum sûng Pathien leh an lêng hmunkhat hlak a, naunuhmei le naupasalhai a nei nâwk a;
23chuongchun, Enok dam sûng po chu kum za thum le sâwmruk le panga a nih;
24 #
Heb 11.5 Chun, Enok chu Pathien leh an lêng hmunkhat hlak a: chun, a um ta nawh a: Pathienin a lâk hmang tah a nih.
25Methusela chun kum za le sâwmriet le pasari a niin naupasal Lamek a nei a;
26Lamek a nei hnung chun Methusela chu kum za sari le sâwmriet le pahni a la dam a, naunuhmei le naupasalhai a nei nâwk a;
27chuongchun, Methusela dam sûng po chu kum za kuo le sâwmruk le pakuo a nih; chun, a thi tah a.
28Chun, Lamek chu kum za le sâwmriet le pahni a niin naupasal a nei a;
29“Ama ngei hin LALPA ṭawngse inphur hnuoi leia ei sinthawna le kuta ei sininrimnaa hin mi thlamuon tâng a tih,” tiin a hmingah Noa#Noa chu Hebraiah thlamuongna (NIV) amanih, Sâwkzângna (TEV) tina ang a nih a sak a.
30Chun, Noa a nei hnung chun Lamek chu kum za nga le sâwmkuo le panga a la dam a; naunuhmei le naupasalhai a la nei nâwk a;
31chun, Lamek dam sûng po chu kum za sari le sâwmsari pasari a nih; chun, a thi tah a.
32Chun, Noa chu kum za nga mi a na; Noa chun naupasal Sem, Ham, le Japheth a nei a.
S'ha seleccionat:
INṬANNA 5: HMARCLBSI
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.