Deuteronomy 31
31
Joshua Akiaġutauruq Moses-mun
1Moses-gum uqautivsaaġai Israel-gum kiŋuvaaŋich, 2#Nu 20.12.uqaqłuni, “tallimakipiat iñuiññaqtun (120) uvva ukiuqtutilaanikkama aullatiyumiñaiġivsi. Aasii suli Atanġum kiliŋagaaŋa ikaaġumiñaiññivḷugu uvamnun Jordan River. 3Atanġum God-ivsi inmiñik sivulliuġniaġaasi, suksraunġiḷḷaalugit nunat, aasii iñuuniaġviŋit nunannaktaaġipkaġlugit ilivsiññun. Joshua aullarriginiaġiksi, Atanġum uqalua nalaullugu. 4#Nu 21.21-35.Atanġum suksraunġiġñiaġait iñuich, suksraunġiusiġmisun Sihon-mik suli Og-mik, umialiŋik Amor-miut; suksraunġiġmivḷugu nunaat. 5Atanġum akimmasiġñiaġaasi; piraksriutigiraġa aasii maliglugu aŋalatchumagisi. 6Uummatin suaŋŋatiqaġli nalupqisuutaiḷḷi. Iqsiginagi, Atanġum God-ivsi itqatiginiaġaasi. Ikayuŋaiġumiñaitkaasi qimakkumiñaitkaasiḷu.”
7Tavraasii Moses-gum ququaŋagaa Joshua takkuanni Israel-gum kiŋuvaaŋisa, “Suaŋŋatiqaġumautin qapiŋaitchuamik, ilvitkii sivulliuġniaġitin nunannautiyyaġlugit Atanġum unniqsuqłiutigiŋaraanun maŋŋuuptignun. 8#Js 1.5; He 13.5.Atanġum ilaata aullatiniaġaatin itqatigiŋaiġumiñaitkaatin suksraaġutillu; qapiŋanak suli iqsiñak.”
Pitqurriutai Taiguaquraurut Tallimat Malġuŋŋuutaanni Ukiut
9Tavra Moses-gum aglakługit qaiñŋagai pitqurapayaaŋi God-im aŋaiyyuliqsiqpauruanun Levi-m kiŋuvaaŋiññun qaunaksrisuuruanun Atanġum Sivunniuġutaisa Kiguunniŋanik, suli aullarrauruanun Israel-gum kiŋuvaaŋiññun. 10#Dt 15.1, 2; Dt 16.13-15.Piraksriqł̣ugit aasii, “Tallimat malġuŋŋuutaat ukiut tikitchaġikpan, akiiḷanik puiguiñiksraq, nipatusiḷugu taiguagaksraġigaat Niqinaqivianni Uqqirviich. 11Taiguaġutilugit Israel-gum kiŋuvaaŋich nanġaiyyaqpata Ataniġmun God-ivsiññun. 12Atautchimuktillugit aŋutit, aġnat, miqłiqtut, allaniñ nunaniŋŋaqtauruat, akunnavsiññi iñuuniaqatigirasi, kisupayaam tusaalugu qiksiksrautiqallasiyumauq Ataniġmun God-ivsiññun kamagilugiḷḷu iḷisaurrutiŋi iḷumutun. 13Tainnaġuvsi kiŋuniivsi tusaaŋaitchuat pitquraŋiññik Atanġum God-ivsi tusaalugit kamagillasigisigait iñuuniagaqsigumiŋ nunannaktaaġiniaqtavsiññi akianiittuami Jordan-gum.”
Atanġum Piraksriqsuutai aqulliit Moses-mun
14Tavra Atanġum uqallautiga a Moses, “Iñuuviksran uvva sivikitchuq, ququulauŋ Joshua Tupiġmun God-im Itqatauvianun, savaaksraŋisigun uqautiyumagiga.” Moses-luasii Joshua-lu tavruŋa tupiġmuŋaruk. 15Tavraasii Atanġum niptaġvigiŋagaik nuviyakun tupqum siḷataani upkuam saniġaani.
16Atanġum uqallautigaa Moses, “Tuquyasirutin uvva, tuquanikkuviñ iñuich iḷumutuuġvigiŋaiġñiaġaanŋa navguiḷutiŋ sivunniuġutiptignik. Suksraaġluŋa nanġaiñiaqtut iñuuraqpaŋnik nanġaakaaŋiññik nunannaktaaġiniaqtamiŋ. 17Tainnasiq nalautitpan qinnautiniaġitka; nayuŋaiġñiaġitka, aasii suksraunġiqsauniaqtut. Iñugiaktuat iḷuirrutiqpait apqusaaġniaġait aasii puttuqsriñiaqtut nalautchaaqtilaamiŋnik tainnatchiñik, uvaŋa God nayuŋaiġapki. 18Ikayuġuŋaiġñiaġitka uvvakii pigiitchualiqilgitchut nanġaivḷutiglu allakaanik god-inik.
19“Akkupak, aglaksiuŋ una atuun aasii iḷisautilugich Israel-gum kiŋuvaaŋich, taamna atuun inillaŋayumauq paaqłautauluni iliŋiññun. 20Tikiutiniaġitka nunalluatamun qanutun nauriḷḷuataġuuruamun, unniqsuqłiutigiŋaramnun maŋŋuuŋiññun. Tavrani niqaiḷḷiuġniaŋitchut susuksiuniaŋitchullu. Aglaan tavra asiñugniaqtut nanġaigaqsiḷutiŋ allanik god-inik. Tunulluŋa navgiñiaqtut sivunniuġutigiŋaraptignik. 21Atqunaq iḷuiḷḷiuġutit apqusaaġniaġaich. Aglaan una atuun atuŋaiġñiaŋitkaat, inillaŋaniaqtuq paaqłautauluni iliŋiññun. Akkupak unnii, tikiutiŋaiñŋaisa nunannaktaaġipkaġniaġniramnun iḷisimagitka qanuq isummatiqaqtilaaŋiññik.”
22Uvlupaiññaq Moses-gum aglaŋagaa atuun aasii iḷisaurrutigivlugu Israel-gum kiŋuvaaŋiññun.
23 #
Nu 27.23; Js 1.6. Tavraasii Atanġum uqautiaqsivḷugu Joshua, iġñiŋa Nun-gum, “Suaŋŋatiqaġumautin qapiŋaiḷḷutin. Sivulliuġniaġitin uvva Israel-gum kiŋuvaaŋich nunannaktaaġiniaġniramnun iliŋiññuñ, uvaŋa aasii itqatiginiaġikpiñ.”
24Moses-gum aglaŋagai God-im pitqurriutai makpiġaanun qaunagipiaqłuni minitchitchaiḷivḷuni uqalugnik. 25Naatchigami, uqallautiŋagai Levi-m kiŋuvaaŋich aŋaiyyuliqsiqpaŋich, qaunaksrisuuruat Atanġum Sivunniuġutikun Kiguunniŋanik, 26“Ukua makpiġaat God-im pitqurriutai inillakkumagisi saniġaanun Atanġum Sivunniuġutikun Kiguunniŋata, tavrani inillaŋayumaut nalunaiñŋutausaġlugit iñuŋiñun. 27Iḷisimaruŋa qanutun sivunmuulgutilaaŋannik paaqłaŋasiḷġataġuutilaaŋanniglu. Paaqłaktaġaġigaat Ataniq iñuunimni, paaqłaŋasipiksuaġniaqtut piiganikkuma. 28Atautchimuktitchigik aullarrisi atanaurasiḷu sivuġamnun kilikkumagitka ukuniŋa; ququaġniaġikka qiḷaglu nunalu iḷisimarautqulugik paaqłaŋŋatipkun iliŋiññun. 29Iḷisimagitka tuquanikkuma piḷuksiñiaqtilaaŋiññik ayyaktuiḷutiŋ iḷisaurrutimnik iliŋiññuñ, tikiḷḷuguasii suksraunġiun, qinnaiñiaġaat Ataniq pitquŋisaŋiññik savagutiŋ.”
Atuutaa Moses
30Tavra Moses-gum taiguaġaluamiiŋagaa atuun Israel-gum kiŋuvaaŋiññun naalaġnipkaqługit.
S'ha seleccionat:
Deuteronomy 31: INUPIAQ
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)