Isauyedi 13
13
Tomwayai lamoqidiavo iyatokedi
1Iave Mosese waineye ivesipupu ivo, 2“Me Isileli tomwayai lamoqidiavo wete mikaisayavo tomwayai kaia Yau paipaigu, beqa komi mitomwayaivo lamoqidiavo tamoqana tamoqana natuvelulu waineye'eqa kwayatokedi inagiavemaqetadi Yau waigue.”
11-13Mosese me Isileli ivonedi ivo, “Iave inakedagumetemi kwainaqo me Kenani dipwayapwaya waineye, wete inavelemi mesaida ivonadabadaba tubumiavo waidie. Tutuyanina pwayapwayanina inavelemi, komi natumiavo tomwayai lamoqidiavo wete mikaisayavo natudiavo tomwayai lamoqidi matatabudi kwaiyatokedi inagiavemaqetadi Iave waineye. Mikaisayavo tomwayai lamoqidiavo matatabudi kwaivelomuyedi Iave waineye. We natumiavo tomwayai ge kanasala kwaivelomuyedi, we tamo sipi mwanewauna beqa kwaiketopesalidi. Dede ketopesalanina beqa, komi natumiavo tomwayai matatabudi kwaitakonadi kwaiviledi. We tamo doniki#13:11-13 Doniki ielituqedi beqa dilituqa ivavalabubunidi. No lamunina wayaqidi inatakonadi inaviledi inamaiedi. tomwayai lamoqina paipaina, we tamo sipi mwanewauna beqa kwaiketopesali. Kago ge mesaida kwaivalabubunedi, beqa komi kodona kwaigiamakia.
14“Tutuya imaimai migwagwamavo inavelautoliemi inavo, ‘Uvale dede tavavalabubuni?’ Kwaivonedi kwanavo, ‘Paina Iave navelulunaotoqa beqa Itipitaeqa ikewaluguaqeteda, no waineye lituqa mwaudi talitulituqa wete veviqa bwaigiotoqidi iveleveleda. 15Pelo nuana tabodadi we ge idatagwaneda tatauya, beqa Iave tomwayai lamoqidiavo tamoqana tamoqana iluvewapadi Itipita naqeneye, tomo'otoqa wete kaisaya taiauda. Dede lamunina kida tomwayai lamoqidiavo tamoqana tamoqana, tomo'otoqa wete kaisaya taiauda, tayatoyatokedi Iave waineye, we wete tomo'otoqa natudiavo tomwayai tamoqana tamoqana tatakotakonadi tavileviledi.’ 16Valabubuna dede kabanuavekavina mesaida kiakiaya dimamie wete maiqimie, gumanidiavo inapilinuatakimi Iave navelulunaeqa Itipita waineye ikewaluguaqeteda.”
20Tutuyanina Sikotieqa isauyedi inaqo taoni kanawavaqa Itama pwayapwayamaiqe gudineye ivebaekwa. 21Iave ikedagumetedi. Kaiate Iave igumegumeta waumana tatatalina kaniakwanina naqeneye keda inavevedi we me Isileli iemulieni, we lovane Iave igumegumeta kai yabeyabelina naqeneye imaqemaqetadi we me Isileli iemulieni. Beqa kanasala inanaqo kaiata wete lovana waidie.
S'ha seleccionat:
Isauyedi 13: mzz
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2023 (Active), Wycliffe Bible Translators, Inc. All rights reserved.