Kañaam 14

Banfiyaaruŋ na Naşibaţi i baka ţi umundu unŧokiiŋ

1Kayeeh ki pñaamarën Naşibaţi ki kapënna ţi ulibra wi najukan iyeeh. Kayeeh ki Dayiţ.

Ñaaŋ nayila aji ji ţi uşalul : Naşibaţi aanwoo !

Bukal bŧi baŧokaa, bado iko inţopuŋ maakan ;

nin aloŋ ţi baka aanji do bnuura.

2 Yawe Nawat Kabuka awo du baţi duuţ aşë ten bañaaŋ bajën

katen me awin ţi baka ñaaŋ aloolan anwooŋ na uşal,

ñaaŋ anklaaŋ Naşibaţi.

3Bukal bŧi baneemi,

banaakiir ado iko iţop,

nin aloŋ ţi baka aanji do bnuura,

nin aloolan ţi baka.

4Bado buţaan bŧi bawoha na ŋşal i ?

Pŧok pntaali pi Nawat Kabuka paji payoj ţi baka jibi ñaaŋ ajaaŋ adoh kapoom,

baanji badëmana.

5Baluŋ kalënk kakat kat,

Naşibaţi aji wo ţi ploolan na pntaali pi nul.

6Baji baŋal pŧok mnhaţ mi bajuuk,

kë başë mennaana du Nawat Kabuka.

7In akwoonuŋ du ubeeka wi Ŧiyoŋ kabuuran pntaali pi Iŧrayel ?

Mënţ Nawat Kabuka akbuuranuŋ pntaali pi nul i ?

babuk Yakob baluŋ kawo ţi mnlilan,

babuk Iŧrayel baluŋ kawo ţi mnlilan.

S'ha seleccionat:

Kañaam 14: knf

Subratllat

Comparteix

Copia

Vols que els teus subratllats es desin a tots els teus dispositius? Registra't o inicia sessió

Versets bíblics populars de
Kañaam 14