Bgah 17
17
Dko ddolni iţeŋan
1 Yawe Nawat Kabuka aţiini na Moyiŧ aji na a : 2Ţiiniin na Aaron na babukul biinţ na babuk Iŧrayel bŧi iji na baka : « Uko wi, wi wi nji Yawe Nawat Kabuka njakuŋ aji bawo kado kado : 3woli ñaaŋ aloŋ i Iŧrayel aŋal pdo bţeŋan, kafiŋ du dko di bafëţuŋ këme du bdig bi da uwit ukaş, unkaneel këme upi, 4awo kañooţ wa duna du ukëbi wi kaloona ki bayiti. Woli aando haŋ aluŋ kahepna ţi pñaak pi atuluŋ, apën ţi pntaali pi naan. 5Hënk, bañaaŋ biki Iŧrayel, ji badoki baya kado iţeŋan yi baka du bdig bi dko di bafëţuŋ, badoki baţij ya du naţeŋan du ukëbi wi kaloona ki bayiti, adiiman ya nji Nawat Kabuka kado bţeŋan bi bŧiinkar ţi Nawat Kabuka na bañaaŋ. 6Naţeŋan ajej pñaak kalëŧ ţi bliit bi mngur bi Nawat Kabuka du ukëbi wi kaloona kaşë katër mniir bŧi da pţëkëñ puŋ pawo uko unliluŋ Nawat Kabuka. 7Hënk, babuk Iŧrayel baţañan pfiŋar ŋnŧaam ŋnŧoŋ ŋannaamuŋ ŋpi, ŋi bajaaŋ badëman. Uko waŋ uwo udolade wi bawooŋ kado kaţaş ŋwal bŧi, bukal na babuk baka, te mnţo. »
8Kak iji na baka : « Woli ñaaŋ i Iŧrayel këme nayaanţ anwooŋ ţi pŧoof pi nan afiŋ unŧaam atër wa bŧi këme ado bţeŋan bloŋ na wa, 9awo kaţij wa du ukëbi wi kaloona ki bayiti kaţen wa nji Nawat Kabuka ; woli aando haŋ kaluŋ kapënana ţi pntaali pi nul. »
Uko wi pñaak
10 Yawe Nawat Kabuka akak aji na Moyiŧ : Ţiiniin na babuk Iŧrayel iji na baka : « Woli ñaaŋ i Iŧrayel këme nayaanţ anwooŋ ţi pŧoof pi nan ade pñaak, kanaţ kaji aduknaanaa, kaşë pënana ţi pntaali pi naan. 11Na manjoonan ubida wi uko unkheefënţuŋ bŧi uwoona ţi pñaak. Pñaak mënţ dwulan pa, nado kadolna bţeŋan du bliit bi mngur dmiiran ipekadu yi nan, pñaak pajaaŋ papënan pekadu di ñaaŋ, na manjoonan ubida uwoona ţi pñaak 12Uko waŋ ukaaŋ kë nji na bañaaŋ biki Iŧrayel : Nin aloŋ ţi an, nin nayaanţ aloŋ anwooŋ ţi pŧoofan aanwo kade pñaak.
13« Woli ñaaŋ i Iŧrayel këme nayaanţ anwooŋ ţi pŧoof pi nan aya pjan amob unŧaam këme ukaŧ kë ŋawo ŋnŧaam ŋi badinanuŋ baka bade, awo katul pñaak pi wa kagur pa na mboş. 14Ubida wi uko unkheefënţuŋ undoli uwoona ţi pñaak pi wa, ukaaŋ kë nji na bañaaŋ biki Iŧrayel : naankde pñaak pi nin unŧaam uloŋ ţiki ubida wi wa uwoona ţi pñaak. Ñaaŋ ankndeeŋ pa, apën ţi pntaali pi naan.
15« Woli ñaaŋ i Iŧrayel këme nayaanţ anwooŋ ţi pŧoof pi nan ade uyemaţ wi unŧaam unkeţuŋ këme wi uko uloŋ wi uţeeh ufiŋuŋ, awo kanaj imişa yi nul kabot kañowa, aji wo naţop te utaakal kabaa jinţ. 16Kë woli aannaj imişa, awo aaññowaa, aduka na pekadu. »
S'ha seleccionat:
Bgah 17: knf
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2014, Wycliffe Bible Translators, Inc. in cooperation with Le Groupe CIM-TBM, Senegal