Jon Hasia nedebo tau sabo po
Hasia nedebo tau sabo po
Te Jongo Jisasde asęani pogo te dabolo ola mabo dao, te Jisas da, te Godigo Ogwa mu da, te aga te da tǫde bidibo we bidi ma dobola sabo bidi dao. Godigo agai po dabolo ola mawainu, tama agai aga Ogwa daba tagala palali. Tama tibaso, Jongo Jisasde te po wai, aga da te Godigo po dao, tama te pogo te bidi tigi siyu tama bidi gagawai pedalali. Tama Jongo homugo te agai Jisasde asęani po nedebo we bidi augwaligo homu te poba begi peyu, tama augwaligo te bidada peyu, bidada pabo ula siyu bidaibao.
Te we bidi augwaligo te Jisas te Godigo Ogwa da hania konemainogo eyu, tama Jisasgo haniani bomai sę yali po te Jongo asęani. Tama Jisasgo ola mani po me Jongo asęani, te bobobage po dao. Aga isabo sogo pąba yagaselama, tama te sogo pio Jisasgo po hauwa aga wali pali bidi dabebolo ola mani, te augwali tau somainogo yai.
S'ha seleccionat:
Jon Hasia nedebo tau sabo po: mps
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2002, Wycliffe Bible Translators, Inc. All rights reserved.