Versets bíblics populars de Lǔkù 21

Comparteix

Tèǒ nì kɔn tè tǐ pɛpɛ mɔ̀ ba tù aa de nu kmɔ̌ jǐ mɔ̀, ba bàte Nyesoa Ɔ mǐ a kbě nye noǎ wùɛǒ bǐ keǎ tùɔn kpɛ a miǎ i jebo kwli, plě klee Jbɛjuu Jǔà Bɔ̌ keǎ blilǐ tùi, a miǎ kbě kɔn ba nynanǎ Ɔ jebo.”

È kě Jùsu dɛ̌a u je Ɔ je, “Ba tù aa chɛ̀ jǐ mɔ̀, aa kmɔ̌ neneɛ wùɛ bɛɛ̌ moo digbaǐ didiɛ klee nmɔ nenǎ plě kmɔ̌ɔ konkɔn noǎ ii kèjle bɛɛ̌ ni amo. Noǎǒ nì bǎ kɛ̀nʼě nunuɛ wlòmo bo, è Nyesoaa blilǐ tù chnɛ̀ jlǒ waě miǎ a mǒ kèenma

Bɛ̌ nu bǎ nyna bo kpankpa klě aa tè wlò popoɛ mǒ, a mi kmɔ̌ sie fònfno kɔnma.”

Mɛ kɔɔ̌n tèǒ joo nɛ̀ moo klě tǐi doǒ wlòmo Ě miǎ a tɔ̀n klee win wan poba ba boɔlǎa ï aa jlae nyo slě wɔ̀ bu sàǒo snǔ mɔ̀ plě bu chnɛ̀ mǒo.

Jɔ klee blǒà i miǎ bo wɛ̀ba, kɛɛ Ně winʼà i seǎ bo wɛ̀ba mu kpe.”

Jùsu kpɛɛa win nya Ɔ je, “Wan bo kàe noǎa nì miǎ tùɔn kpaba keǒ wɛn klee sòbae klee jɔtnè jleě mǒ. Dakwɛ̌ wùɛà neɔɔ kmɔ̌ɔ mɔ̀ fano miǎ u numa. Mɛ̌oǒ joo nɛ̀ moo u seǎ tà u miǎǒo jbodoěe klukwlɛ je plùua kɔnma mu. Bǔ keǎ dɛ mii tùɔn kpaba kělɔ kmɔ̌ɔ mɔ̀ kɛn mǒ fe, fano sosǒ miǎ nyopò dbǎba. È noǎǒ kɔnʼɔ kpě klě jɔ mǒ i miǎ tùɔn měne wǒba. È nyopò wùɛ miǎ Jbɛjuu Jǔà jěba Ɔ miǎě nukpě kɛn dii li klee klě Ɔɔ kpě fòe klee tè jǐ boaboǎ wlòmo keǒ Nyesoaa win dɛ̌ɛ. (Dan 7.13)

Nyopò wùɛ mi a faenma keǒ ba po Ně tè kàan tè.

Blǒ bɛ sèke sèke bɛ beě bo ii noǎ fòe nì miǎ tùɔn kpaba klě tà wùɛ, è dodopà klee jǐlenymi kweǎ miǎ kmɔ̌à kɛn bo wlɛ̀ba. Wan bo kàe dɔ̌ noǎa klee mǒ bo kètee noǎ miǎě jɔ měne sɔnma.

Bɛ̌ nu bǎ ke toe klee nyopòà uu tè wɛ̌n ü wɛ̀ɛn nee kàan dɛ kɛn keǒ bɛ diě blǒ wlòmo, è balě pe fano. Noǎǒ nì kɔn bi kpa tùɔn klekle, kɛɛ è tǐ sěɛɛ̌aǒ jèǒ nyni keǒ kmɔ̌à ɛɛ dlǒ chlɛ̀chlɛ mɔ̀.” È kě Ɔ dɛ̌a de Ɔ je, “Dakwɛ̌ miǎ mɔ̀ wònwɔɔma, deplě miǎ mɔ̀ wònwɔɔ no.

Jùsu kpɛɛa win nya Ɔ je, “Wan bo kàe noǎa nì miǎ tùɔn kpaba keǒ wɛn klee sòbae klee jɔtnè jleě mǒ. Dakwɛ̌ wùɛà neɔɔ kmɔ̌ɔ mɔ̀ fano miǎ u numa. Mɛ̌oǒ joo nɛ̀ moo u seǎ tà u miǎǒo jbodoěe klukwlɛ je plùua kɔnma mu. Bǔ keǎ dɛ mii tùɔn kpaba kělɔ kmɔ̌ɔ mɔ̀ kɛn mǒ fe, fano sosǒ miǎ nyopò dbǎba. È noǎǒ kɔnʼɔ kpě klě jɔ mǒ i miǎ tùɔn měne wǒba.

È kě Ɔ dɛ̌a de Ɔ je, “Dakwɛ̌ miǎ mɔ̀ wònwɔɔma, deplě miǎ mɔ̀ wònwɔɔ no.

Ɔ̀ tùa u kɛ̀ɛn Ɔ je, “Ba tù aa chɛ̀ jǐ mɔ̀ nyu tɔ̀ɔ ně di a mǒ boo lo. Mɛ̌oǒ joo nɛ̀ moo nyopò fòfoa nù miǎě Ně nynɛ̌ wlòmo diiba, kě u miǎ dǎba ɛ̈ moo, ‘Mǒà mǒ moo Nyesoaa Tentǎn Jǔ, demǒ bɔɔ̌ tǐ nìà,’ kɛɛ aǎ nɛ u de.