Versets bíblics populars de मत्ती 28

Comparteix

इधी कठे तुस्से जाई किन्हें सारे जातिया रे लोका जो चेला बणाऊआ; होर तिन्हा जो बापू, मह्ठे होर पवित्र आत्मा रे नांऊँआं ले बपतिस्मा देआ। होर इन्हा चेलेया जो, जो हुक्म मैं तुस्सा जो दितरे तिन्हारा पालन करणा सिखाऊआ: होर सूणां, हांऊँ संसारा रे खत्म हूंणे तक हमेसा तुस्सा साउगी आ।”

यीसूए तिन्हा वाले आई किन्हें बोल्या कि, “स्वर्ग होर धरती रा सारा हक मुंजो दितिरा।

स्वर्गदूते ज्नाने किन्हें बोल्या कि, “तुस्से मत डरा: हांऊँ जाणहां कि तुस्से जेस जो क्रूसा प्रयाल्हे चढ़ाईरा था, तेस जो तोप्हा ई; से जिउंदा हुई गईरा। से एथी नी आ, पर जेह्ड़ा तिन्हें बोलिरा था तेता रे मताबक से जिउंदा हुई गईरा, आऊआ, ये जगहा देखा, जेथी प्रभु पइरा था।

तेबे यीसूए तिन्हा किन्हें बोल्या, “मत डरा; मेरे चेलेया वाले जाई किन्हें बोला कि, गलील जिल्ले जो चली जाए होर तिन्हा हांऊँ तेथी देखणा।”

तेबे मुख्य याजके यहूदी मुखिये साउगी कट्ठे हुई किन्हें सलाह किती। होर स्पाहीया जो बौह्त सारे ढब्बे देई किन्हें बोल्या, “कि तुस्से सभ लोका के ये बोलणा कि, राती जेबे आस्से सभ सया करहा ऐं थे, ता यीसू रे चेले आई किन्हें तेसरी ल्हासा जो चोरी किन्हें लई गये। होर अगर ये गल कि तुस्से सई गईरे थे, ये हाकमा रे काना तक पुज्ही, ता आस्सा से समझाई लैणा होर तुस्से खतरे ले बचाई लैणे।” ता तिन्हें ढब्बे लई किन्हें तेह्ड़ा ई कितेया; जेह्ड़ा तिन्हा जो स्खाईरा था, होर ये गल आजा तक यहूदी लोका मन्झ मसहूर ई।